जुना मित्र - वास्तविकता

फोनची रिंग वाजली, रियाने फोन उचलला पलीकडून हाय रिया शब्द ऐकले आणि रियाचे मन भूतकाळात गेले.अमित, कसे विसरू शकेन हा आवाज. कॉलेज ची सगळी वर्षे मित्र होता, त्याच्या डोळ्यातून कळायचे की त्याला मी किती आवडायचे ते.मलाही तो आवडायला लागला होता. दिसायला देखणा, हुशार आणि कमावलेले शरीर. कोणाला नाही आवडणार. दिवसच असे होते, कोणीच पुढाकार घेतला नाही. नंतर माझे लग्न झाले आणि संपर्कच तुटला.आज इतक्या दिवसांनी फोन?
हॅलो.. आहेस का.. या वाक्यांनी ती परत वर्तमान काळात आली.
हो अमित, आहे मी. आज इतक्या दिवसांनी, मी थोडी शॉक झाले आवाज ऐकून.
हो रिया, मी फिरतीच्या जॉब वर आहे, आज तुझ्या शहरात आहे, विचार केला तुझी हालचाल विचारावी आणि माफी देखील मागावी. कारण मी इतके दिवस संपर्क ठेवला नाही.
रिया उत्तरली- का अमित का? का संपर्क तोडल्यास तू?
अमित थोडासा उदास होत बोलू लागला. रिया तू मला खूप आवडायचीस कॉलेज मध्ये. पण कधीच बोलू नाही शकलो. आज इतक्या वर्षांनी समजले की ते प्रेम नव्हतेच, फक्त आकर्षण होते.
रिया हे ऐकून शांत झाली. म्हणाली - अमित तू माझ्या संसारात ढवळाढवळ करायला आला नाहीयस हे ऐकून चांगले वाटले.मला पण मन मोकळे करू दे, मला पण तू खूप आवडायचास. आणि मलादेखील जाणवले की ते फक्त आकर्षण होते. तू तेंव्हादेखील अबोल होतास आणि आजही आहेस. पण मी मात्र बोलणार आहे.
योगायोगाने माझा नवरा ऑफिस कामासाठी शहराबाहेर आहे. मी हॉटेल मध्ये रूम बुक करते, तुझी वाट बघेन मी तिथे.येशील ना रे...