जमलेच तर.......

Submitted by पुरंदरे शशांक on 31 January, 2011 - 05:58

जमलेच तर हसून पाहू कधी तरी खळखळून
नाही तर आहेच की उसने हसू ओढून ताणून

जमलेच तर फुलून येउ कधी तरी रसरसून
नाही तर आहेच की काटे-कुटे इथून तिथून

जमलेच तर गाऊन घेऊ कधी तरी मनापासून
नाही तर आहेच की तप्तसूर सदा उंचावून

जमलेच तर नाचून पाहू कधी तरी मोकळे होवून
नाही तर नाचतोच आहोत कुणाच्या तरी तालावर बाहुले बनून

जमलेच तर रडून घेऊ कधी तरी गदगदून
नाही तर आहेच नेहेमीचे नाटक नुसते मुसमुसुन

जमलेच तर देउ टक्कर कधी संकटा नजर भिडवून
नाही तर आहेच की बुजगावणे मान खाली पाडून

जमलेच तर देऊन टाकू सर्वस्वही समर्पून
नाही तर मागतोच आहोत सदैव फाटकी झोळी पसरून

जमलेच तर............

गुलमोहर: 
कविता
शब्दखुणा: 
बदलून
जमलेच तर...
शेअर करा

मनस्वी जीवन जगायचा प्रयत्न करायला हवा
हा आशय पोचतोय.
"जमलेच तर देऊन टाकू सर्वस्वही समर्पून
नाही तर मागतोच आहोत भिकार्‍यासारखे हात पसरून"

..... छान

Submitted by UlhasBhide on 31 January, 2011 - 22:35

सर्वांना धन्यवाद.......आवर्जून..... मनापासून !

Submitted by पुरंदरे शशांक on 1 February, 2011 - 05:22

अर्रे! मस्त!!
आवडलीच... Happy

पण दोन दोन ओळी दिसल्या की लय शोधायची सवय लागल्यामुळे थोडा अडखळलो... Happy

Submitted by आनंदयात्री on 24 January, 2012 - 02:16

सर्वांना धन्यवाद.......आवर्जून..... मनापासून !

Submitted by पुरंदरे शशांक on 15 September, 2015 - 02:44

आहा, काय सुरेख लिहिलंय. मनापासून आवडलं.

" जमलेच तर देऊन टाकू सर्वस्वही समर्पून
नाही तर मागतोच आहोत सदैव फाटकी झोळी पसरून".....सुरेख.

Submitted by पद्मावति on 15 September, 2015 - 09:08