अवघी विठाई माझी (३) - वेलवांगे - Chayote

मला ईतके दिवस हा पेरूचा एखादा प्रकार असेल असं वाटायचं. रंग रूप तसंच दिसतं.घेऊन बघायची हिंमत नाही झाली.

इथे मिळतं. दाक्षिणात्य मैत्रिणीने सांबारात घातलेलं बघून मी आणलं. चांगली लागते चव. चणाडाळ आणि सांबार मसाला घालून भाजी करतात.

बदनेकायी म्हणजे वांगं. या कायोटे स्क्वाश ला कानडीत सीमेबदनेकायी म्हणतात. मराठीत मी वेलवांगं उल्लेख ऐकलाय.

दिनेशदा मस्तच आहे ....मलाहि वाट्ले एखादे फळ आहे .::)
मि करेल आता याचि भाजि.

दिनेशदा, सुरेख माहिती!

मी तुम्ही दिलेली माहिती व फोटो पाहिल्यावर कुतुहलाने विकीपीडिया चाळले, त्यात ही माहिती मिळाली :
ह्या फळाला जसे कन्नडमधे बदेनकायी म्हणतात तसे तेलुगु मधे सीमे वांगकाया म्हणतात. Seemae VangaKaaya
तमिळमधे चो चो. "chocho" or "Chow Chow" किंवा bengaluru katharikkai असेही म्हणतात.
दार्जिलिंगमधे Ishkus, हिमाचलमधे Lanku, मणिपूरमधे DasGoos म्हणतात.

अधिक माहितीसाठी ही लिंक : http://en.wikipedia.org/wiki/Chayote

आम्हि याला 'चिवचिव' असे म्हणतो!!

ओह... मी कित्येक दिवस ह्या भाजीला काय म्हणतात, ते शोधायचा प्रयत्न करत होते.

एका भाजीवाल्याने मला चिवचिव हे नाव सांगितले होते, पण जेव्हा मी एका दाक्षिणात्य सहकारीणीला हे नाव सांगून आणखी माहीती मिळवायचा प्रयत्न केला तेव्हा तिने अशा नावाची भाजीच नाही, असे सांगितले.

धन्यवात, मी आत्ताच तिला सांगते. मला चिव चिव म्हणून ति चिडवत होती

वा दिनेशदा खरच उपयुकत माहिती दिली तुम्ही मी पण बाजारात ही भाजी बघायची पण ही कुठली ते माहीत नव्हते. आता करुन बघायला पाहिजे.

दिनेशदा खुप छान. अजुन वेगळ्या भाजीची माहीती दिलीत.

ही भाजी मी लहान असताना, सातारा, सांगली या भागात खुप प्रमाणात बाजारात असायची. मी आजोळी सातार्‍यात खुप वेळा कच्चीच खाल्लीये (खरं तर याला फळाचाच दर्जा होता, पण भाजी सुधा करायची आजी). छान लागते. याला "चीव्-चीव" म्हणतात तीकडे. याची भाजी खोबरं / कोथींबीर टाकुन सुधा छान लागते. पुण्यात कुठे मीळतं?? मला कधीच नाही मीळालं.

दिनेश, इथे सिंगापुरात देखील ही फळभाजी मिळते. मी तर रोज बघतो पण घेत नाही. आता एकदा करुन पाहिन.

हे थोडं महाळुंगासारख दिसत न?

दिनेश, बरोबर. महाळुंग सिट्रस फॅमिलीतलं आहे. रंगाने पिवळं असतं. आकार साधारण तुमच्या ह्या वांग्यासारखा पण मोठं असतं. आमच्याकडे (कोकणात) गणपतीत देवाजवळ जी फळं ठेवतो न त्यात ते असतच.

दिनेश, नाही पपनस गोल असतो ग्रेपफ्रुटसारखा असतो चवीला. महाळुंग असच वेडवाकडं असत.

हा लेख वाचून प्रथमच वेलवांगे आणले. काल भाजी केली होती. वर दिलेली कृती जरा माइल्ड वाटली म्हणुन वेगळी केली. तेलावर जिरे-हिंगाची फोडणी केली. गोडा मसाला, थोडे ओले खोबरे, गुळ घालुन कमी पाणी घालुन शिजवली. फार रस्सा केला नाही. खूप आवडली. आता नियमित आणत जाईन.
धन्यवाद दिनेशदा!

आमच्या घरी (म्हणजे अर्थात मझ्या माहेरी) केळीची झाडे होती. केळीला घड पडला की तो काढल्या नंतर आजीची एक मैत्रीण केळीचा बुंधा (म्हणजे पाने सोडुन मुळापर्यंतचा सगळा भाग) भाजी करायला घेऊन जायच्या. मला याची भाजी कशी करतात ते शीकायचंय. कुणाला माहीती आहे का?? आणी हो ते "ढेमसे" मीळतात ईकडे त्याचं काय करतात????

हां.. या भाजीला इंडोनेशिया मधे 'लाबू सियांग' म्हणतात. नुसत्या लाल मिर्च्या,लसणावर स्टर फ्राय करून खातात ही भाजी तिकडे. भात,सांबल आणी ही भाजी कि झालं छान जेवण तयार. या भाजीचे इतर खूप प्रकार खाल्ले तिकडे. सूप मधेही छान लागते .

कालच घाबरत घाबरत ही भाजी आणली. घाबरत अशासाठी की भाजी दुधीशी साधर्म्य असलेली आहे आणि मला दुधीची भाजी मुळीच आवडत नाही. रस्साभाजी तर बिलकूल नाही. जरा चटपटीत केली. धने, सुकं खोबरं आणि लसूण भाजून घेऊन वाटलं. हिंग, जिर्‍याची फोडणी करुन त्यात वेलवांग्याचे तुकडे परतले. मग तिखट,मीठ आणि पाणी घालून झाकण ठेवून शिजवून घेतले. शेवटी वाटण आणि गूळ घालून ढवळून उतरवली. वरुन कोथिंबीर पेरली. इतकी मस्त झाली होती की बस ! दुधीसारखी असली तरी दुधीपेक्षा ह्याचे टेक्श्चर आवडले. आता वरचेवर आणणार ही भाजी. खूप खूप धन्यवाद

सालं काढल्यावर हाताला चीक लागला थोडा. असं नेहेमीच होतं का ? अगदी कोवळी होती भाजी. कोय तर पेअर कापल्यावर मध्ये जेवढा दांडा असतो तेवढीच होती.

आताच केली ही भाजी. हिला स्वतःची काही चव नाही. कच्ची नवलकोलसारखी लागते जरा. जीरे, हिंग मोहरी, कढीपत्ता, मिरचीवर फोडणीला टाकून गोडा मसाला, चींच गूळ आणि दाण्याचा कूट घालून केली त्यामुळे चवीला चांगली लागली.

परत आणली तर दुधीहलव्यासारखा हलवा करून पहाणार आहे.

ह्याची कोशिंबीर पण छान लागते. वेलवांग जरास वाफवून घ्यायच. किसून त्यात दाण्याच कुट मिरची हवी असल्यास हिंग जि-याची फोडणी. म्हैसुरमधे एका मराठी घरामध्ये खाल्ली.

हो अगो सालं काढली की हाताला चीक लागतो. याची बटाट्यासारखी पण करतात भाजी. आपण पिवळी भाजी करतो ना तशी. भाजील स्वताची विशेष चव नाही. बाकी जे मसाले घालू तशी भाजी लागते. पण खूप पौष्टीक असते असं मैत्रीणीने सांगितल्यापासून मी आणायला लागले. दिनेशदा नारळाच्या दुधाची आयडिया चंगली आहे. एकदा ट्राय करेन.

आम्हि याला 'चिवचिव' असे म्हणतो!
>> अनुमोदन
माझी आज्जी याच भरीत करायची.

मी हा बीबी आत्ताच बघितला. पूर्व भारतात याला स्क्वाश्/स्क्वॉश याच नावाने ओळखले जाते. हिवाळ्यात मिळते. आम्ही याची रस्साभाजी करतो. पण वरती लिहिलेली कोशिंबीर किंवा भरीत करायची आयडिया आवडली. आता परत आणला की करून बघेन

माझ्या डोक्यात दोन योजना आहेत.

१. किसुन बेसन पीठ लावणे.

२. वांग्याचे काप करतो तसे शॅलो फ्राय काप करणे

दूधी सारखी भाजी मस्त लागते. डाळ वगैरे घालून.

दिनेशदा - हे फळ पहिल्यांदाच पहातो आहे - भाजी वगैरे लांबची बात ..:)

एखाद्या भाजीचे / फळाचे / पानांचे / फुलांचे/ कंदाचे गुणधर्म ओळखून ते 'खाणेबल' करायचे तुमचे जे कसब आहे त्याला सलामच ..