झी मराठी - सा रे ग म प - सूर नव्या युगाचा

सुलू,
>>'पधारो म्हारे देस' हे वाक्य ऐकताना अंगावर काटा उभा राहिला हवा..
जे ब्बात ! असा अंगावर काटा यायला सूर त्या ताकदीचे पाहिजेत.
आणि तुम्ही म्हणालात तसे-
>>मुळात मला ही मुलं तितकीशी talented वाटत नाहियेत. चांगली आहेत, वाद नाही पण अजून उत्तम मिळू शकली >>असती. निवड नक्कीच चुकलीये. त्यातून त्यांची गाणी इतक्या आठवड्यांनंतरही मनावर ठसत नाहीत म्हणजे >>मेहेनतही कमी पडतेय.
हे तर अगदीच पटलं.

तरीही एक वेडी आशा असते की एखादे तरी छान सुराला धरून आणि त्या गाण्याच्या भावनांना पूर्ण वाव देणारं असं ऐकायला मिळेल. म्हणून पटत नसूनही हा कार्यक्रम बघतो झालं.

पण परिक्षक खूपच डिटेल्ड परिक्षण करतात >>> पूर्वी जेंव्हा पर्व वगैरे नव्हती (हिंदी सारेगममध्ये) तेंव्हा पण अगदी मोजकीच वाक्य दाखवायचे परीक्षकांची. पण ती अगदी अचूक असत. मराठी कार्यक्रमातही देवकी पंडीत 'पण.....' नंतर जे काही सांगायच्या ते अत्यंत मार्मिक असायचे. त्यातून गायकांना तर शिकता यायचेच पण आमच्यासारख्या कानसेनांना पण शिकता यायचे. आता तसे का नाही होत / दाखवत?

टीआरपी घसरलाय या बीबीचा

गेली (एकदाची) जगदाळे बाहेर.

त्याला दोन 'नी' मिळाले नां काल? मी नेहमीप्रमाणेच किचनमधूनच ऐकलं गाणं.

गेली (एकदाची) जगदाळे बाहेर.
हुश्श...

अरे देवा! काल मी सारेगमप बघितले नाही. कालच्या एपिसोडपद्धल काही कळेल म्हणुन इथे आले तर इथेही काहीच नविन माहिती नाही! कदाचित काल माझ्यासारख्या सगळ्या माबोकरांनी सारेगमप बघितले नसावे! खरचं सारेगमप आणि या बीबीचा टीआरपी घसरलाय!

सारिका,
काल मी पहिली ३ गाणी ऐकली.
काल सतारवादक श्री रवि चारी आणि सरोदवादक सारंग कुलकर्णी पाहुणे वादक म्हणून आले होते.

रेश्मा कुलकर्णीने कोणते तरी हिंदी गाणे म्हटले. गाणे आठवत नाहिये, पण ठीकठाक झाले.
ती नेहमीच अर्धा स्वर वरच्या पट्टीत गाते असं मला वाटतं. त्यामुळे तिचे वरचे सूर चिरके लागतात. अर्धा सूर जरी खाली करून ती गायिली तर अजून बरे वाटेल असे मला वाटते.

त्यानंतर गणेश मेस्त्रीने झन झननन छेडिल्या तारा गायिले. (बहुतेक सतार आहे त्यात म्हणून घेतले असावे हे गाणे)
चांगले म्हटले त्यानेही.

नंतर कोल्हापूरच्या प्रल्हाद जाधवने भीमराव पांचाळेंची गझल गायिली.
अंदाज आरशाचा वाटे खरा असावा |
गझलची सुरुवात काहीशी अ‍ॅब्रप्ट वाटली, पण अंतरा त्याने फार छान गायिला.
जखमा कशा सुगंधी झाल्यात काळजाला. ह्यातला जखमा हा शब्द त्याने खरंच छान आळवला.
||इति शम् ||

रेश्मा कुलकर्णीने कोणते तरी हिंदी गाणे म्हटले.>>>> ओ सजना बरखा बहार आयी..

येस्स, बरखा बहार आई..
म्हणे हे गाणे ऐकले (रात्री झोपताना) तर सकाळी पोट ओक्के (इति बा.तां)
म्हणजे शारंगधर सुखसारक वटीलाही रामराम

काल जुईलीचं 'रस्मे उल्फत' आवडलं मला!

बर्‍यापैकी पेललं म्हणायला हरकत नसावी!

यंदाचं सारेगमप आऊटरेट गंडलय....

प्रत्येक भागात एक तरी हिंदी गाणं पाहिजेच, असा अट्टाहास का असतो या कार्यक्रमात ?????
मराठी मध्ये पुरेशी गाणी नाहियेत असं वाटतं का झी मराठी चॅनलला ?????????

काल कोण बाहेर गेल?

अंजली,
हो रस्मे उल्फत बरंच पेललं म्हणायचं जुइलीला.
पण तरीही उल्फत मधल्या फ चा उच्चार अजून नीट यायला हवा होता असे वाटले (वै. मत)

कालही ड्युएट चांगलं म्हटलं तिने. गोमु संगतीनं..
काल तेवढंच ऐकलं. बाकीचं काही नाही.
कोण बाहेर गेलं काल?

गोमु संगतीनं मधली सगळ्यात वाईट चूक केली की पण काल... शेवटच्या कडव्यात नाचायच्या नादात हाय म्हणायच्या ऐवजी नाय म्हणाली...

पण गायकांनी परफॉमर असलेच पाहिजे का?
ते गिरकी घेताना हाय चे नाय झाले. गाण्याचे सार काय राहिले मग?
मला नाही पटत ते.

हो ना... हे मतदारांनी लक्षात घ्यावे झाले >>>:हाहा:

जुईलीच्या बाबतीत पहिल्यापासून झुकतं माप दिलंय. काय विशेष आहे त्यात? ती सराईत स्टेज शो करणारीच वाटते मला कायम.

गोमु संगतीनं मध्ये आणखीन एक चूक माझ्या कानांनी टिपली .. (का?)

गं तुजं टपोरं डोलं
जसं कोल्याचं जालं ( तो इथंच झालं म्हणाला )

माझं कालीज भोलं
त्यात मासोली झालं...

जयंत पानसरे सुंदर गायला काल. तो नेहमीच मस्त गातो पण कालचे गाणे अफाट सुंदर झाले.

जयंतचं गाणं मस्तच होतं. एक धागा सुखाचा

महेशचं गाणं इतकं चांगलं झालं कां? मी नाही ऐकलं.

रेशमा काल खूपच नाकात आणि वेगळ्याच प्रकारे गात होती. मला तर मधेमधे तिचे शब्दच कळत नव्हते.

कंटेबुवा, मागेच गायलेले 'गुंतता हृदय हे' गायले. त्याचे ते होमपिच होते त्यामुळे चांगलेच झाले गाणे. पण जयंतचे गाणे त्याच्याहून खूप सुंदर झाले.

मी काल फक्त जुइलीचं 'तरुण आहे रात्र अजूनी' ऐकलं. मला तरी चांगलं वाटलं ऐकायला. पण परिक्षक नाखुश होते ते गाणं मुळात अवघड आहे. जुइलीने सगळ्या जागा/ ताना तिच्यापरीने व्यवस्थित गायल्या होत्या खरंतर.

माधव +१
एक धागा सुखाचा मस्त गायला जयंत. आणि रेश्मा नाकात गात होती ह्याबद्दल.

फेअर & लव्हली प्रायोजक आहेत म्हणून त्यांनी त्या मुलींना त्याची काय जाहिरात करायला लावलेय त्यात. बकवास कल्पना. काय वाट्टेल ते करायला लावतात