झी मराठी - सा रे ग म प - सूर नव्या युगाचा

माझा आवाज जांभळी ३८ या पट्टीचा आहे.
>>>>>>>>>>>>>>>

चैतन्य, किती जांभळं खावी लेका.....करवंदं खाल्ली असतीस तर बात कुच्छ और होती दोस्त

भुंग्या...
करवंदं बघत होतो... पण ती कोल्ह्याच्या द्राक्षांसारखी आंबट होती.... म्हणून जांभळं खाऊन घेतली

कोणीतरी कृपया झी ला सांगा रे!

आतापर्यंत पाहिलेल्या कुठल्याही सा रे ग म पेक्षा हे कमी प्रतीचे आहे. वाद्य-वृंद उत्तम!!

मला असे वाटते की रेश्मा कुलकर्णी 'माझिया प्रियाला' अजून खूप चांगली गाऊ शकली असती. सो सो गायली. कदाचित शोभा गुर्टुंचे इतके डोक्यात बसलेय त्यामुळेही असेल. पण जागा अगदी वर वर घेतल्या. खरे तर तिच्या आवाजाचा अजून फायदा करून घ्यायला हवा होता.

जुईली जोगळेकर पहिल्या २५ पार्श्व्गायिकांत? अवधूत गुप्ते नी ENT Specialist ना दाखवायची नितांत गरज आहे.

सगळे तसे यथातथात वाटले. उगीच प्रोग्रॅम करताहेत असा झालाय.

त्यापेक्षा लहन मुलांचे सुरु करा.

>>अवधूत गुप्ते नी ENT Specialist ना दाखवायची नितांत गरज आहे. <<

अवधूत गुप्ते हे एक ओव्हररेटेड केरेक्टर आहे. हल्ली दाद देताना तर तो अगदी विचित्र चेहरा करतो; जणू कोणी त्याला जोरदार चिमटा काढला आहे…

अवधूत गुप्ते हे एक ओव्हररेटेड केरेक्टर आहे. हल्ली दाद देताना तर तो अगदी विचित्र चेहरा करतो; जणू कोणी त्याला जोरदार चिमटा काढला आहे…>>
तो सुद्धा नको तिथे...:फिदी:

राव..... वर्चा सा मिळवणारा स्पर्धक पैल्या पंचविसात का असू ने?

अगदी गजानन, काल पटलंच.

काल बरं वाटलं एकंदरीत जरा.

मला गाण्यांपेक्षा वाद्य वृंदच आवडलं .. १७ तारखेची जुगलबंदीही मस्त होती

गजानन
वरचा सा देणार्‍या परीक्षकाचा वरचा मजला रिकामा आहे रे...
त्यामुळे त्याला खालून पहिले पंचवीस असं म्हणायचं असणार.. 'खालून' हा शब्द विसरला असेल

हाहाहा मज्जआ येतेय प्रतिसाद वाचहताना.

चैतन्य जांभळी ३८ >>> खीक्क

काल कट्यार कुलकर्णीचे गाणे मस्त झाले. पण त्याची बदललेली संगीतरचना अजीबात नाही आवडली. कमी केलेली लय आणि व्हॉयलीनची बदललेली सुरावट यांनी गाण्याचा मूड पार उदासवाणा करून टाकला होता.

जगदाळे बाईंनी आशाच्या अप्रतिम गाण्यांची वाट लावायचा सपाटाच लावला आहे.

कौशिकचे गाणे चांगले झाले पण एवढे कौतुक आणि एवढे गुण मिळवण्याएवढे चांगले झाले नव्हते (मा.वै.म). मूळ गाण्यात मन्नादांनी लाजवाब कलाकुसर केली आहे. त्यांचे ते 'हाय राम' तर अफाटच आहे. कौशिक फक्त गाण्याची चौकट गायला असे वाटले. त्याचा आवाज खूप फ्लॅट वाटतो मला.

काल मला तरी महेश कंटेचे गाणे छान वाटले तर त्याला फक्त प दिला.

त्या जगदाळे बाईला वाजवले बरे वाटले.

कौशीकचे गाणे मन्नादांशी कंपेअर केल्यास आवडणे शक्यच नाही पण चांगला गायला. आत्तापर्यंतच्या गाण्यात मला सरस वाटले कालचे त्याचे गाणे.

माधव, त्या कौशिक देशपांडेच्या गाण्याबद्दल सहमतच.

मी आणि नवर्‍याने आपल्याला गाण्यातलं तसंही काही कळत नाही असं म्हणून समजूत घालून घेतली स्वतःची.

पहिला धागा असावा जो गुण्यागोविंदाने हो ला हो करत चाललाय <<< अगदी अगदी!
हे झी वाल्यांना का समजू नये?

परीक्षक कशाला नी देतील नी कशाला म .. अंदाजच लागेना झालाय!

नाही मंजूडी. काल दिग्दर्शक आणि संगीतकार अशा जोड्यांची गाणी होती.

आज जयंत आणि प्रल्हादचं गाणं हेच अट्रॅक्शन.

समूहगान होते काय? >>> समुहगान म्हटलं की इस्त्री केलेल्या चेहेर्‍यांनी हात दुमडून उभा असलेला गायकांचा ग्रुपच डोळ्यासमोर येतो...

प्रोमो बघून मला 'बसून गाणे' ही थीम असावी असं वाटलं.. कारण प्रोमोतले दोन्ही गायक हाय चेयर वर बसून गात आहेत असं वाटत होतं..

कालचा भाग पाहिला नाही.. आता युट्यूबवर पाहिन नंतर..

प्रोमो बघून मला 'बसून गाणे' ही थीम असावी असं वाटलं. >>>

होती तशी बरी. पण परत तेच, हिंदी गाणी कां मराठी गाण्याच्या कार्यक्रमात?

मृण्मयी फाटकचं गाणं काल चांगलं वाटलं. ते गाणं आवडतं आहे म्हणा.

फाटक बाई.. दोन चार ठिकाणी घसरल्याच... सांगितलं पण त्यांना तसं...

एकूण ठिक ठाक भाग.. आधीच्या भागांपेक्षा जरा बराच झाला...

बसुन गाणी नाही, कालची सगळी गाणी बसलेलीच होती.

कालची सगळी गाणी बसलेलीच होती.>> कालचीच फक्त??? संपूर्ण कार्यक्रमच बसलेला आहे. परिक्षक धरून!

समुहगान म्हटलं की इस्त्री केलेल्या चेहेर्‍यांनी हात दुमडून उभा असलेला गायकांचा ग्रुपच डोळ्यासमोर येतो... >> पराग आणि एका पायाने ठेका विसरलास का?

समुहगान म्हटलं की इस्त्री केलेल्या चेहेर्‍यांनी हात दुमडून उभा असलेला गायकांचा ग्रुपच डोळ्यासमोर येतो... >> पराग आणि एका पायाने ठेका विसरलास का? >>> हा हा हा हा....

मला वाटतं पु.लंच्या दुश्यंतासारखी....मायबोलीने एखादी गायनस्पर्धा ठेवायला हरकत नाही.
परीक्षक म्हणून कुणी तरी अ-मायबोलीकर नेमला म्हणजे झाले.

जयंत मस्त गायला. पूर्णपणे त्याच्या आवाजात गाऊन देखील (जयराम शिलेदारांही जराही छाप नाही वाटली त्या गाण्यावर) गाणे अप्रतिम झाले. गुण मात्र कमीच दिले (त्याची अपेक्षा होतीच म्हणा).

जुइलीचे गाणे पहिल्यांदा आवडले काल. पण तौ.कु. म्हणाले त्याप्रमाणे खूप सोपे गाणे होते इतर स्पर्धकांच्या तुलनेत. (चला! एकदा तरी परिक्षकांचे मत पटले बुवा.)

मागच्या आठवड्यात दोन्ही भागांच्या शेवटी अप्रतिम परफॉर्मन्स होते. पहिल्या भागात निलेश आणि दुसरा तालवादक (नाव विसरलो) यांची ढोलकीवर अप्रतिम जुगलबंदी होती. दुसर्‍या भागात तौफिकमियाँनी त्यांच्या शिष्यांना घेउन एक झकास फ्युजन सादर केले होते. कुणाचे बघायचे राहिले असतील तर आवर्जून बघा.

जयंत मस्त गायला. पूर्णपणे त्याच्या आवाजात गाऊन देखील (जयराम शिलेदारांही जराही छाप नाही वाटली त्या गाण्यावर) गाणे अप्रतिम झाले. गुण मात्र कमीच दिले (त्याची अपेक्षा होतीच म्हणा).>>>> सहमत. त्याचं गाणं परत ऐकावसं वाटत होतं मला.

टिकले (एकदाची) पडली बाहेर.

Tikale was the most expected member. खुप आधि बाहेर पडायला हवी होती.