मला ठाऊके...

Submitted by मुग्धमानसी on 5 February, 2014 - 07:09

अनाहूत सारी किती अंतरे ही तुझे गीत माझ्या न कानी पडे
तरी त्या सुरांनी असे काय केले कि गेले इथे चांदण्याला तडे

अपेक्षा मला ना तुझ्या आठवांतून येण्याचि वा भासण्याची सुधा
तरीही जरा सांज होताच माझी निघे साऊली त्याच वाटेकडे

तुझा चंद्र होता तुझ्या चांदण्या, नील आकाश होते तुझे... मी कुठे?
पहाटे दंवाचे मुके थेंब झाले, तुला वाहिले कुंद ओले सडे!

कधी धावतो प्राशुनी स्वैर वारा कधी शांत तो रोवल्यासारखा
कधी तो मला भेटतो सांजवेळी... नि देतो उन्हाचे रुपेरी कडे!

मला ठाऊके की तुझ्या काळजातून मी वाहते, साठते, राहते...
तरी एकदा बोल ना रे सख्या... की तुझे विश्व माझ्याविना बापडे...!

विषय: 
काव्यलेखन
लेखन
शब्दखुणा: 
मानस कविता
Groups audience: 
गुलमोहर - कविता
Group content visibility: 
Public - accessible to all site users
शेअर करा

Dhanyawaad!!!

Submitted by मुग्धमानसी on 5 February, 2014 - 13:27

आवडली!...

<मला ठाऊके की तुझ्या काळजातून मी वाहते, साठते, राहते...
तरी एकदा बोल ना रे सख्या... की तुझे विश्व माझ्याविना बापडे...!> this is the BEST.

Submitted by विनायक परांजपे on 5 February, 2014 - 20:45

मला ठाऊके की तुझ्या काळजातून मी वाहते, साठते, राहते...
तरी एकदा बोल ना रे सख्या... की तुझे विश्व माझ्याविना बापडे...! >>>>>खल्लास ...

सगळी कविता अप्रतिमच .......

Submitted by पुरंदरे शशांक on 6 February, 2014 - 00:06

उत्तम
आपल्या कवितेच्या अगदी आतून आणि आपोआप आलेल्या ओघांचा गझलेच्या दिशेने सुरू असलेला प्रवास मला नेहमीच आवडतो आजही आवडला

धन्यवाद
शुभेच्छा

Submitted by वैवकु on 6 February, 2014 - 11:32

अहाहा! नितांत सुंदर!! Happy
'पृथ्वीचे प्रेमगीत' आठवले यावरून!
"अमर्याद मित्रा तुझी थोरवी अन् मला ज्ञात मी एक धूलिकण
अलंकारण्याला परी पाय तुझे धुळीचेच आहे मला भूषण!"
Happy दिवस मस्त जाणार आता!!!

Submitted by ओवी on 6 February, 2014 - 23:30

मस्त ...

Submitted by वेडसह्याद्रीचे on 7 February, 2014 - 02:45

Happy

Submitted by निशा राकेश गायकवाड on 19 June, 2014 - 07:31