चेन्नई एक्सप्रेस ... शाहरुखच्या चाहत्यांसाठी मस्ट सी !

उद्या तुम्ही मुकेश आणि मेहदी हसनमध्येही अशीच काही तुलना केलीत तर आश्चर्य वाटणार नाही. >> तुमच्या मते दोघांपैकी कोणाला गाता येत नाही नक्की ?

मुकेश ला गाणे येते ?
.
.

मन्ना डे किशोर कुमार, आणि मोहम्मद रफी....... हे त्रिमुर्ती सोडले तर... गाणे गाण्याची कला लोप पावली...आजकाल गाणे हे म्हणतात .....

मुकेश ला गाणे येते ? >> कधी आपल्याला झेपत नसेल त्याचे गाणे असा विचार करून पाहिला आहेस का ?

उदयन आता तुम्ही चुकलात. मुकेशमध्ये भलेही बर्‍याच कमतरता असतीलही, भलेही तो (सॉरी इथे ते असे आदरार्थी म्हणायला पाहीजे) रफी, मन्नाडे आणी किशोरच्या मागे असेल पण पूर्ण black & white जमाना त्यानेच आणी त्याच्या गाण्यानेच गाजलाय हे कधीही विसरु नका.

किती उत्तमोत्तम गाणी हवीत तुम्हाला? राज, देव आणी दिलीप या त्रयींना त्यानेच आधी आवाज दिलाय हे का विसरता तुम्ही? मुकेश शिवाय राज कपूर अशी कल्पना करुन बघा जरा. आजकालच्या फडतुस आणी दुसर्‍या दिवशीच स्मरणातुन निघुन जाणार्‍या गाण्यांमध्ये किती तुम्हाला लक्षात रहातात ते सांगा.

आश्चर्य वाटले मला, तुमच्याकडुन ही अपेक्षा नव्हती. तसे तुम्हाला बाकी राजकीय आणी सामाजीक ज्ञान आहे, पण यात तुम्ही नक्कीच घसरलात.

गाडी शहारुख कडुन गाण्यांकडे कशी घसरली?:अओ:

मला तरी मुकेश झेपला नाही कधी........यात काय चुकले...:अओ:
.
.
.
मो. रफी आणि मन्ना डे यांच्या गाण्यात जी डीपनेस होती.. ती मला दिसली नाही.... मो.रफी यांचे बैजुबावरा ऐका..या " ओ दुनिया के रखवाले" . अनावश्यक तान..पॉझ . कुठे ही मला तरी वाटला नाही... तसेच किशोर कुमारच्या बाबतीत..

मला वैयक्तिक नाही आवडला या त्याची गाणी नाही मनाला भिडली त्यात काय ?

पूर्ण black & white जमाना त्यानेच आणी त्याच्या गाण्यानेच गाजलाय हे कधीही विसरु नका. >>> गाजु द्या ना... मी त्या जमान्यातला नाही आहे... तरी सुध्दा मला मन्ना डे आणि रफी आवडतात...

आजकालच्या फडतुस आणी दुसर्‍या दिवशीच स्मरणातुन निघुन जाणार्‍या गाण्यांमध्ये किती तुम्हाला लक्षात रहातात ते सांगा. >>>>

मी आजच्या गाण्यांबद्दल काय लिहिले ते जरा ...लक्ष देउन वाचा... ... तुम्हाला हा प्रश्न पडणार नाही..

मग इथेच तर सगळी गोम आहे की.:स्मित: किशोरकुमार माझा अतीशय आवडता गायक्,त्याबरोबरच मन्नाडे पण. तरीही मुकेशचीच गाणी ऐकत मी मोठी झाले. मी तरी कुठे त्या जमान्यातली आहे?

अहो जसे तुम्हाला जसा मुकेश आवडत झेपत नाही तसेच आम्हाला शाहरुख आवडत झेपत नाही.:फिदी:

बहुतेक सर्व पंख्यांची मारामारी अशीच चालत रहाणार्.:फिदी:

जाऊ द्या. चांगले ते घ्यावे, वाईट ते टाकावे. शाहरुख आवडत नसला तरी चेई आवडतो. तसेच तुम्ही मुकेश आवडत नसला तरी त्याची गाणी जरुर ऐका.:स्मित:( जबरदस्ती नाही )

>> डीपनेस

उदयन.., तुम्हाला डेप्थ म्हणायचं होतं का?
आ.न.,
-गा.पै.

गामा ........आम्ही इंग्लंड मधले न्हाई हो... जरा चुकभुल होईलच...;)

आमास्नी लहानपणापास्न इंग्रजी येत न्हाई

मला वैयक्तिक नाही आवडला या त्याची गाणी नाही मनाला भिडली त्यात काय ? / मला तरी मुकेश झेपला नाही कधी........यात काय चुकले...>> काहीच बिघडले नाही त्यात पण मग "मुकेश ला गाणे येते ? " ह्यात नक्की काय अभिप्रेत होते मग ? खर तर तुम्हाला नाहि झेपत मुकेश ह्यात मुकेचा तोटा नसून झालंच तर तुमचेच नुकसान आहे हे कधी तरी उमजेल तुम्हालाही.

चला मुकेश ला गाणे येते.......ते गाणे माझ्या मनाला भिडत नाही......... अशी दुरुस्ती करतो

रश्मी,
१००% सहमत (मुकेश विषयी). किशोर, रफी आणि मुकेश हे तिघेही आपापल्या प्रांतात श्रेष्ठ आहेत. परवाच एक जुना कार्यक्रम पुन:प्रक्षेपित झाला - त्यात लक्ष्मीकांत यांनी मुकेश यांच्याविषयी काही दुर्मिळ गोष्टी सांगितल्या, आणि काही गाण्यांचे मुकेशने कसे सोने केले आहे ते आवर्जून सांगितले.

माझ्या पहिल्या नोकरीत आमच्या office मध्ये एक नायर नावाचा officer होता. एकदा त्याने आम्हा ४-५ नवीन मुलांना "मुकेश च्या गाण्यांतील दुर्मिळ जागा आणि त्याची गाणी कशी ऐकावीत" ह्यावर फार आवेगाने lecture दिले होते. "वक्त करता जो वफा" ह्या गाण्याचा सुरवातीचा भाग परत परत ऐकवला होता. ते सर्व इतक्या वर्षांनी परत आठवले :).

फक्त हे सर्व मी माझ्या बायकोला पटवून देऊ शकत नाही :). ती मुकेशची "रडका" ह्या एका शब्दात बोळवण करते.

विषयांतराबद्दल क्षमस्व.

सॉल्लिड विषयांतर झाले आहे.......... त्यासाठी सॉरी..!!

उदयन..,

>> गामा ........आम्ही इंग्लंड मधले न्हाई हो... जरा चुकभुल होईलच...

तुमच्या प्रामाणिकपणावर खूष होऊन आम्ही मराठी भाषेस एक नवा शब्द बहाल करू इच्छितो. खोलवा हा तो शब्द आहे. त्याचा अर्थ डीपनेस होतो. डेप्थ = खोली, तर डीपनेस = खोलवा. गोडी/गोडवा तसं खोली/खोलवा. (गोडी/गोडवा ला स्वीटनेस नामक एकच इंग्रजी प्रतिशब्द आहे.)

कसा वाटला माझा नजराणा? (शिव्या घालण्यापूर्वी प्रेरणा तुमच्याकडून घेतलीये हे लक्षात असू द्या बरंका! ;-))

आ.न.,
-गा.पै.

त्यात तो लुंगी डान्स आहे.....कोणी गायलंय ते गाण? मुळात हल्ली इतकी सुमधूर गाणी ऐकायला मिळतच नाहीत हो....

{ इथे डोक्यावर हात मारणारा स्माईली कसा आणायचा ? }

आजच चेन्नै एक्स्प्रेस पाहिला. सिनेमा खूप मस्त आहे.
टिपीकल कमर्शिअल सिनेमा. डोक्याला कुठेही ताप नाही.

शाहरुख - दिपीका फॅन्स साठी मस्ट वॉच. दिपीका ने रोल चांगला पेललाय. ती जास्त भाव खाउन जाते असे मला वाटले.ती या चिनेमात दिसतेही ही छान.शाहरुख ने ही ओव्हर अ‍ॅक्टिंग अगदी कमी केली आहे . अतार्किक गोष्टी बर्याच कमी आहेत. आजच १५० कोटी क्रॉस केल्याचे वाचले.

मला का आवडला -
१.सर्व लोकेशन्स अप्रतिम.
२.फोटोग्राफी उच्च दर्जाची.टॉकिजला दॄष्याची भव्यता मस्त जाणवते. (काही ठिकाणी एरियल व्ह्यूज्,ट्रेन खालून
कॅमेरा लावणे , कॅमे-यावर ट्रेन धडाडत येणे ई)
३.चुरचुरीत संवाद.कॉमेडी ची बाजू ओके. (फर्स्ट हाफ टॉकिज नुसतं हसत होतं) .
४.लहान मुले व पालक दोन्ही वर्गातला क्राऊड एंजॉय करू शकेल असा.(कथानकात वाव असूनही कुठेही
प्रौढांसाठीचे सीन्स नाहीत.धबधबा, गाव ,शेत ,हिरो हिरॉईन एकाच खोलीत अशा ठिकाणी कथानक घडत
असूनही धबधब्याखाली धोतरापेक्षा पातळ साडीत हिरॉईन भिजत नाही , असहाय्य हिरॉईन चा कुणीही
गैरफायदा घ्यायचा प्रयत्न करत नाही.अंगप्रदर्शन / बीभत्स सीन्स / किसींग् / बेड सीन्स नाहीत. गुडघ्यापर्यंत
काष्ट्याच्या नऊवारी साड्या नेसणार्या गांवक्या गो-या नाहीत.
५.सर्व कलाकारांचा अभिनय चांगला.
६.वेगवान हाताळणी.
तितली गाणे सुंदर .शेवटचा लुंगी डान्स ही मस्त.
एकूणच मस्त, फ्रेश वाटले चैए बघून.
शाहरुख , दिपीका , शेट्टी कॉम्बो रॉक्स !

(तळटीप - मी शा.खा ची डाय हार्ड पंखा नाही . )

deepness! I am reaching face palm rather early in the day. lol

ही गाणी ऐकून बघा.

चीनों अरब हमारा हिंदोस्ता हमारा

मैं तो दीवाना दीवाना

जाने क हां गये वो दिन

दोस्त दोस्त ना रहा.

त्यात तो लुंगी डान्स आहे.....कोणी गायलंय ते गाण? मुळात हल्ली इतकी सुमधूर गाणी ऐकायला मिळतच नाहीत हो.>>>>>>>>>>>>>>>>>>>. यो यो हनी सिंग ने गायलय ते गाणं.....

गेल्या रविवारीच बघितला.....ब्ल्याक ने तिकीट घेउन....दूसर्यान्दा.. :हाहा:.. खुप आवडला..... फुल एन्टर्टेन्मेन्ट....

चेन्नई एक्स्प्रेसच्या निमित्ताने -

शाहरुख हल्ली मला आवडत नाही, शाहरुखचा मला रागही येत नाही, त्याच्याबद्दल फक्त आणि फक्त वाईटच वाटते, आणि राग आला तर स्वताचाच येतो कि कधीकाळी मला शाहरुख आवडायचा.

हो खरेच आवडायचा, अगदी दिलवाले दुल्हनिया पासून, वा त्याच्याही आधी राजू बन गया जंटलमॅन पासून.
त्याची कभी हा कभी ना मधील भुमिका मला भावली होती, त्याचा चमत्कार मला आवडला होता.
बाजीगर मध्ये त्याने निगेटीव्ह भुमिका केली होती, निष्पाप शिल्पा शेट्टीला मारले होते तरीही तोच हिरो वाटला होता.
डर मध्ये तर माझ्यासाठी तोच एक हिरो होता. या पोराने सनी देओल सारख्याला अगदी खाऊन टाकला हे मनापासून आवडले होते.
अगदी अंजाममध्येही माधुरीपेक्षा त्याच्याबद्दलच मला जास्त वाईट वाटले होते.
जो नकारात्मक भुमिका करतानाही आवडावा असा, त्याला कुछकुछ होता है, दिल तो पागल है, किंवा येस बॉस सारख्या सिनेमांत बघणे सुख होते.
हे सुख मोहोब्बते आणि फिरभी दिल है हिंदुस्तानी सारख्या टुक्कार सिनेमातही उपभोगले, तर त्याचा बादशाह हि प्रचंड हसवून गेला होता.
त्याने करण जोहारबरोबर केलेले सिनेमे कल हो ना हो आणि कभी खुशी कभी गम ची देखील पारायणे झालीत.
मला त्याचा राज ही आवडला होता मला त्याचा राहुल हि आवडला होता.
अश्या लार्जर दॅन लाईफ की काय म्हणतात त्या भुमिका सुपर्रस्टारनाच शोभतात असेच नेहमी वाटायचे.
पण त्याच जोडीने त्याचे स्वदेश आणि चकदे सारखे चित्रपट देखील माझ्या फेवरेट लिस्टमध्ये होते.

अरेच्छा... म्हणजे अगदी कालपरवापर्यंत मला आवडायचा की शाहरुख..
अध्येमध्ये काही सिनेमे गंडायचे त्याचे पण तो काही देव नव्हता.. माणूसच होता..
पण माणूस असला तरी सुपर्रस्टार होता, त्यामुळे त्याच्याकडून अपेक्षा सामान्य कलाकारांपेक्षा जास्तच होत्या..
आजकाल नेमक्या त्याच फसू लागल्या आहेत..

हि सुरुवात नक्की कुठून झाली माहीत नाही मात्र मागे नजर टाकता त्याचा शेवटचा आवडलेला सिनेमा शोधावा लागतो..
अन हे शोधताना डोळ्यासमोर येतात ते जब तक है जान, डॉन, रावण, रब ने बना दी जोडी, इत्यादी इत्यादी....

.................. आणि आता हा आलाय, चेन्नई एक्स्प्रेस !
बॉक्स ऑफिसवर शेकडो करोडोंच्या घरातले घवघवीत यश घेऊन !
शाहरुख सुद्धा खुश अन त्याचे चाहतेही यातच समाधान मानून चूप !

पण खरेच हा शाहरुखचा चांगला सिनेमा आहे जे वरच्याप्रमाणे मला आठवावेसे वाटावेत, तर याचे उत्तर नाही असेच मिळते.
‘अपयश हि यशाची पहिली पायरी असते’ असे म्हणतात तर इथे चेन्नई एक्स्प्रेसचे यश हि शाहरुखच्या अपयशाची पहिली पायरी ठरण्याची भिती मला वाटतेय.

या चित्रपटाच्या तिकिट खिडकीवरील यशाचा तो आणि त्याचे चाहते जो आनंद व्यक्त करत आहेत तो त्याचे आधीचे चित्रपट पाहताना जो आनंद गवसलेला त्यासारखा अवीट नक्कीच नाही.
यापुढे रोहित शेट्टीच काय डेविड धवन बरोबर देखील त्याचे गोविंदा आणि शक्ती कपूर छाप दोन-चार चित्रपट आले तरी नवल वाटणार नाही. आणि ते सुपरहिट गेले तरीही नवल वाटणार नाही. पुढे कदाचित डेड एण्ड नसेल मात्र त्याचा रस्ता फसलेला आहे एवढे नक्की. या रस्त्यावर त्याला यू-टर्न मारायच्या संधीही असतील मात्र तेव्हा ते धाडस तो करतो कि नाही आता हेच बघायचे आहे. इन्शाल्लाह कदाचित माझे हे गणित चुकवून त्याने तो टर्न लवकरच घेतलाही असेल, आणि असे झाले तर ते मला आवडेलच... कदाचित शाहरुख पुन्हा आवडू लागेल..

जाता जाता, त्याच्याच एका चित्रपटातील, डिडिएलजे मधील डायलॉग आठवला ---

मेरी मां हमेशा मुझे एक बात कहा करती थी, जो मै आज तक नही भूला
बेटा, जिंदगी के हर मोड पे तुम्हे दो रास्ते मिलेंगे. एक सही, एक गलत..
गलत रास्ता बहोत आसान होगा, तुम्हे अपनी तरफ खीचेगा..
और सही रास्ता बहोत मुश्कील होगा, उसमे बहोतसी मुसीबते, बहोतसी परेशानिया होगी..
अगर तुम गलत रास्ते पे चलोगे, तो हो सकता है तुम्हे शुरुवात मे बहोतसी कामयाबी मिले, बहोत खुशीया मिले..
मगर अंत मे तुम्हारी हार होगी..
और अगर सही रास्ते पे चलोगे, तो भलेही तुम्हे शुरुवातमे कदम कदम पर ठोकरे मिले. मुसीबतोंका सामना करना पडे, परेशानीया हो..
मगर अंत मे, हमेशा जीत होगी..
अब आप हि बताईये मॉं जी, मेरा रास्ता सही या गलत...!!

बस्स आज त्याला एवढेच सांगावेसे वाटतेय... तू गलत रास्ते पे निकल पडा है मेरे दोस्त ..! लौट आ .. !!

यो यो हनी सिंग ने गायलय ते गाणं..... >>>>>>>>>>>>>>>>> उत्तर दिल्याबद्दल धन्यवाद!!! पण अनिश्का, मी उपहासाने विचारत होते. ते गाण कुठल्याच दृष्टीने सुमधूर नाहीये.

उत्तर दिल्याबद्दल धन्यवाद!!! पण अनिश्का, मी उपहासाने विचारत होते. ते गाण कुठल्याच दृष्टीने सुमधूर नाहीये.>>>>> हो अगं...पण डिस्क मधे उड्या मारयच्या कामी येतात त्याचे सॉन्ग्ज......सुमधुर तर चुकिचा शब्द आहे या गाण्यांसाठी......

रि आणि इतर शा फॅण्स...

मागच्याच आठवड्यात गोकाकला (कर्नाटकात आहे) गेलो होतो.
तिथे सिन्गल स्क्रीन थेटरला लागला होता हा चित्रपट.
तिकिटे घेण्यासाठी बरीच गर्दी दिसली.
फोटु काढणार होतो तोवर आमची गाडी पुढे गेली देखील..

"लोगोकी ट्रेन छूट जाती है, आज तुम्हारी वजह से मेरा प्लॅटफॉर्म छूट गया..."

"तुमे मई जईसा कहती हूँ वैसा करनी पडेगी"
"तो अब तक मेरी बहोत चल रही थी ना?"

टोटल आज पुन्हा पाहिला. लौकरच माझ्या "कधीही पाहू शकतो" कॅटेगरीत जाणार हा

फारेण्ड, इसी बात पर मिलाओ हाथ! माझ्या त्या कॅटेगरीत ऑलरेडी गेला आहे.

मी ऑलरेडी ३ दा बघितला आहे

मी फक्त आणि फक्त दिपीकासाठी पाहीला...

चेन्नई नंतर पिक्चर आला का रे कुठचा शाहरुखचा ?
नसेल तर ओगस्ट टू ऑगस्ट .. २०१३ - २०१४ .. एक वर्ष एकही चित्रपट नाही

दिवाळीत येतोय "हॅप्पी न्यु ईयर".