कणकेची (गव्हाच्या पिठाची) धिरडी

छान आहे रेसिपी.

मी पण करते कणकेची धिरडी. आलं + लसूण + हिरवी मिरची भरड वाटुन घालते.

यात कधी कधी पालक/मेथी पण घालते.

वा! मस्त दिसतात जाळीदार धिरडी. मी पण करते, पण लसणाच्या ऐवजी हिरवी मिरची बारीक चिरुन टाकते. आता लसुण टाकुन बघेन. लाजो प्रमाणे मेथी, पालक टाकुन करुन पाहीन.

अंडं घातल्यावर धिरडी/ घावन/ आंबोळ्या चुटकीसरशी उरपतली जातात.>>>
उरपतली म्हणजे काय?

म्हणजे तव्यावर घावन/ धिरड्याची बाजू पालटणे.

ओके, धन्स मंजू

वा मी अशा गोड करते गुळ घालून. आता ह्या करुन बघते.

गूळ घालून कधी केली नाहीत, पण माझी आज्जी पोळ्या करून झाल्या की लावायला म्हणून खरकट्यात घेतलेली कणीक असायची त्यामधे चमचाभर बेसन, तिखट, मीठ आणि तेल घालून असं धिरडं बनवायची. कसलं सही मऊ लागायचं ते. मी पण आठवण आली की अधून्मधून तसं धिरडं बनवते.

शर्मिला, अंडी घालायची टीप छान आहे.

कणिक, चिरलेला गूळ व चिरलेला शेपू यांची धिरडी करते मी. पण उलटताना तुटतात.फोटोतली धिरडी खूप छान
आहेत.

पीठ आणि पाणीचे प्रमाण सांगा कोणीतरी

छान दिसत आहेत धिरडी ..

नंदिनी म्हणते तसं आमच्याकडेही पोळीला लावायला घेतलेल्या कणकेचं इन्स्टंट फक्त मीठ घालून धिरडं करायची आई .. पण ते फक्त एकच असायचं

मस्त.
यात थोडी तांदुळाची पिठी घातली तर पसरवणंही सोपं होईल आणि कुरकुरीतही होईल.

कणकेच्या धिरड्यात चिमुट्भर मेथीची पुड घालुन पण मस्त चव येते.

यात थोडी तांदुळाची पिठी घातली तर >> किंवा रवा

शर्मिला, अंडी घालायची टीप छान आहे
गोड धिरड्याची आठवण करुन देणार्‍या सगळ्यांना धन्स ...

काय मस्त जाळी पडलेय

मस्तच आहे फोटो, करुन बघेन

चेरी, रेसिपी दिल्याबद्दल धन्यवाद. खंर तर ही सोपी रेसिपी. पण कधी कधी अशा साध्या सोप्या गोष्टी कित्येक वर्षात होतही नाहीत, विस्मरणात जातात. आई नेहमीच करायची. कारण मोठ्या कुटुंबात चपात्या कमी पडल्या की टाका एखादा घावण असे नेहमीच होत असे.
३-४ दिवसापुर्वी मला ताप आलेला ,तोंडाची चवच गेली. काही जातच नव्हते. तुझी ही रेसिपी पाहीली आणि केली. पण आई टाकते तसे जिरे टाकुन केले. चक्क १ पुर्ण घावण /धिरड मी खाल्ला. तोंडाला जरा तरी चव आली. खुप खुप धन्यवाद!

चेरी मी पर्वा हे केले पण मला त्यात थोडे तान्दुळ पिठ आणि रवा घालावा लागाला. त्याशिवाय नीट होत नव्हत.

धन्यवाद चेरी . पण धिरडं मस्त लागत होते.

मी हि धिरडी कणिक (१ वाटी) +तान्दुळ पीठ ( १/४ वाटी) + बेसन (१/२ वाटी ) पिठात वाटलेली आल मिरची घालुन करते. डोश्यासारखे पातळ पीठ असेल तर निट जाळी पडेल.

मी खुप वेळा ही धिरडी करते
गोड व तिखट दोन्ही करते. गोड धिरड्याला आमच्या घरी 'कणकेचे पोळे" म्हणतात.

गोड करताना पहिले पाण्यात गुळ मिसळुन अगदी एकजीव करायचा. त्यात कणिक घालायची. साधारण पळीवाढे झाले पाहिजे. मग हे पिठ नीदान एक तास तरी फ्रिज मधे ठेवावे. ( मी रात्रीच करुन ठेवते). सकाळी/ बाहेर काढल्यावर त्यात थोडे पाणी घालुन तव्यावर तूप सोडुन करायची. पिठ तव्यावर पसरल्यावर वरुन झाकण ठेवावे, मंद आचे वर शिजुन 'चुर्र' आवाज आला की झाकण काढुन परतावे. वाढताना तुप द्यावे. चांगली जाळी पडण्या साठी त्यात चिमुट्भर इनो घालावे. उत्तम जाळी पडते.
तिखट करताना मी कणकेत मेतकूट घालते. त्याने एक प्रकारचा खमंग वास येतो. कोथिंबीर, लसुण, मिरची वाटुनही त्यात घालते. ह्या घवनांशी मी खुप प्रकारे व्हेरीएशन्स करते. कधी कधी दूधी/गाजर्/सिमला मिर्ची किसुनही घालते. बहुतेकदा हे घावन मी ब्रेकफास्ट ला करत असल्याने व मुलीला डब्यात देत असल्याने शक्य तितक्या तर्‍हा वापरुन करते.

खुपच छान लागतात कणकेची धिरडी. धन्यवाद चेरी. सगळ्यांची व्हेरिएशन्स पण एकसे एक आहेत. मीही गोडाचीच करते. गुळाच्या पाण्यात कणीक आणि भरपूर ओलं खोबरं घालून. किंचीत मीठही. तू म्हणतेस तशी हातानेच पसरवावी लागतात. खोबरं-गुळामुळे थोडी जड होतात त्यामुळे फार पातळ करता येत नाहीत. नीट शिजण्यासाठी आचही मंद ठेवावी लागते. मगच नीट उलटता येतात. पण चव अप्रतिम असते. वरती साजूक तुप. खमंग लागतात आणि दमदमीत होतात. आता तिखटाचीही करून बघते. निव्वळ फॉर्म बदलून चव आणि रुटीन दोन्हीत बदल.

मागे एकदा 'मेजवानी'मध्ये शुभांगी गोखलेंनी सांगितलेली कणकेची पंचामृताची धिरडीही मस्त लागतात.

गोड धिरडी (मालपूवा) पाण्यापेक्षा दुधात गूळ वितळवून करून बघा छान होतात. रात्री पीठ करून ठेवण्याला अनुमोदन.

मस्तच लागतात ही धिरडी. यात थोडंसं ताक घातलं तर अजून छान लागतात.

मस्त दिसताहेत धिरडी. इतरांच्या टीपा पण मस्त आहेत.

छान रेसीपी. ह्यालाच कणकेचे थालिपीठ म्हणतात का?

आज केरुन पाहिले. जबरदस्त लागतात. रेसिपीबद्दल धन्यवाद!!

आज करतेच.

आमच्याकडे याला 'आयते' म्हणतात. कणिक + ताक (नसल्यास पाणी ) + चवीनूसार मीठ + (हवे असल्यास हळद व तिखट) यांचे पळीवाढ मिश्रण करून तव्यावर तेल टाकून मंद आचेवर होवू द्यायचे. छान लागतात.