कणकेची (गव्हाच्या पिठाची) धिरडी

आज रवा घालून केली. मस्त झाली.

आमच्याकडे गोड धिरड्यात गूळ आणि कुसकरलेले पिकलेले केळे घालतात. त्यामुळे वेगळी छान चव येते. फक्त पीठ थोडे जाडसर ठेवावे लागते.

मी आज केली टोटल वाट लागली

नक्की काय झाले?

इकडे याला गोदुमा डोसा म्हणतात..
मैत्रिणीकडे खाल्ला होता मग मी पण ट्राय केले, जमले नव्हते...

मी आज केली टोटल वाट लागली>>>

माझीही लागेल या भीतीने केली नाहीत अजून.

कणिक खूप गीचगीचीत होते, डोसा सुकत नाही व उलटायला कठीण जाते असा पूर्वानुभव आहे

कणिक खूप गीचगीचीत होते, डोसा सुकत नाही व उलटायला कठीण जाते असा पूर्वानुभव आहे>> असेच काहीसे झाले.
कुरकुरीत करायला जाव तर जळत होते गुळामुळे.

कणकेचे डोसे तिखट एक दोन वेळा केले होते.व्यवस्थित काढता आले.तेल लागते मात्र.
आणि एकदा फोडणी न घालता फक्त मिरची आलं कणिक मीठ मिसळून डोसे/धिरडी केली तेव्हा मात्र खूप चिकटली.तवा अगदी करेक्ट तापला पाहिजे.म्हणजे तव्यावर मिश्रण टाकल्यावर कौरव आणि पांडव बाहेरच्या लोकांशी लढताना 105 व्हायचे तसे तव्या विरुद्ध धिरड्याचा खालचा आणि वरचा लेयर एकमेकांना चिकटून तव्याशी लढले पाहिजेत.तापमान कमी पडले तर खालचा लेयर गद्दारी करून तव्याशी संगनमत करून वरच्या लेयर ला लाथ मारून एकटे सोडतो.
पण गुळाबरोबर हे गणित जुळवणे मात्र असिधाराव्रत ठरेल.

असाच काहीसा अनुभव आला मला पण...

Mi_anu

And i dont use nonstick. I use cast iron.

आमच्या मावशी गव्हाच्या पिठात थोडं तांदुळ पीठ घालतात आणि धिरडी क्रिस्प होतात. पोळ्यांचा कंटाळा आला किंवा पोळ्या करताना कणिक कमी पडली की पर्याय म्हणून ही धिरडी बनवली जातात. मसाला धिरडी नाहीत, तर फक्त पिठं, मीठ, किंचित साखर आणि तयार झाल्यावर वर भरपूर साजूक तूप. मग भाजीबरोबर नेहमी पोळी खातो तशी खाल्ली जातात.

नुसते कणकेचे खास नाही लागत, चिकट बुळबुळीत होतात, त्यापेक्षा माझ्या आईची रेसीपी रॉक्स..
गुळाचं पाणी घालून मग त्यात कच्चा रवा घालायचा आणि ताक. १० एक मिनिटे ठेवायचं आणि करायचं. डायरेक्ट गुळ नाही घालायचं , ती गुळ वितळवून आणि गाळून घालते मग ताक घालून सरसरीत पळीवाढ करते. करून बघा.. नो फेल रेसीपी आहे. लहानपणी , मी चार तरी खायचे. मालपोवा म्हणत कारण ह्या प्रकाराला आमच्याकडे , मालपोवा म्हणतात. कधी केळं घालायची आई.
तिखट करण्यासाठी, फोडणी द्यायची मिरची, हिंगाची.