निसर्गाच्या गप्पा (भाग - १४)

आमच्याकडे पण.. पण फक्त खारघरात. तिकडच्या सोसायटीतली मुले पावसात अगदी गिल्ला करत होती. परत बेलापुरात आले तर जरासे शिवार शिंपुन गेल्यासारखा पाऊस येऊन गेला होता.

जागु, फुगे मस्त आहेत, अगदी पारदर्शक वाटताहेत.

दोन / तीन दिवस मला यायलाच जमले नाही, मस्त चर्चा चालली आहे. नेवराचे झाड राणीच्या बागेत मगरींच्या तलावाजवळ आहे, खुप बरसते ते. दुसरे किंग्ज सर्कलजवळ मानव सेवा संघाच्या जवळ होते, अजून असेल.

शेवाळाला दूर्गा भागवतांनी ( संस्कृत काव्याचा संदर्भ देत ) "गंधर्वाचे अन्न" म्हंटले आहे.

रुद्राक्षाचे झाड राणीच्या बागेतही आहे पण त्याखाली कधी रुद्राक्षे पडलेली दिसत नाहीत, अर्थात तिथले लोक नक्कीच गोळा करत असतील

जिप्सी ती फळे बहुतेक गोड्या आंबाड्याची आहेत. याचे गोव्यात रायते करतात. यात आंबट आणि गोडे असे दोन प्रकार असतात. साधारण श्रावणात फळे येतात बाजारात.

दुसरे किंग्ज सर्कलजवळ मानव सेवा संघाच्या जवळ होते,

नव्या मुंबईत भरपुर आहेत. एक अतिविशाल झाड रिलायन्स डिएकेसीच्या बाजुला आहे, ते बहुतेक रस्तारुंदीत जाणार. त्याच्या आजुबाजुची सग़ळी झाडे गेली आणि हे एकटेच रस्त्याच्या मध्यभागी उभे आहे. मी सिवुड्सला फिरायला गेले असताना अशेच आजुबाजुला पाहत चाललेले. अचानक लोंब्या दिसल्या, म्हटले हे काय ? अलभ्य लाभ कि काय??? जवळ जाऊन पाहते तो काय जेमतेम ६ फुटाचे बारकुंडे झाड. पण याला दीर्घायुष्य लाभणार आहे, सिवुड्सचे रस्ते मुळातच भरपुर रुंद बनवलेले आहेत. तिथे रस्तारुंदी प्रकल्प यायला अजुन ५० वर्षे लागतील.

जागू, त्या फुग्याच्या फळाचा फोटो रुणुझूणू ने टाकला होता. तिला श्रीलंकेत दिसली होती पण ती विषारी असतात असे तिने लिहिले होते. मला केनयात आणि न्यू झीलंडमधेही दिसली होती. आपल्याकडे पण असतात हे माहित नव्हते.

झाडांची तोड करण्यासाठी नगरपालिकेची परवानगी लागते. तशी न घेता तोडली तर तो दखलपात्र गुन्हा ठरतो. असा कायदा ( निदान कागदोपत्री तरी ) आहे.
आता शहरातील लोकांना पण "चिपको" आंदोलन करावे लागणार.

झाडांची तोड करण्यासाठी नगरपालिकेची परवानगी लागते. तशी न घेता तोडली तर तो दखलपात्र गुन्हा ठरतो. असा कायदा ( निदान कागदोपत्री तरी ) आहे

जिथे महापालिकाच झाडे तोडतेय तिथे काय करणार??? रस्ते बनवणे कोणाच्या अख्यतारीत येते मला माहित नाही, पण वाशीपासुन सुरू करुन थेट कळंबोलीपर्यंत रस्तारुंदीकरण चालु आहे आणि त्या भानगडीत गेल्या वर्षभरात कमीतकमी हजारभर मोठ्ठी वाढलेली झाडे तरी गेली आहेत. मध्यम झाडांचे तर विचारु नकाच, त्यांची गणना होतच नाहीय. ही झाडे कोणी किती भावाने विकली याची माहिती आरटीआय अ‍ॅक्टखाली मागवली तर अतिशय मनोरंजक (की मनोभंजक??) माहिती समोर येईल.

एका दृष्टीने रस्तारुंदीकरण योग्यच आहे, आधी जागा होती, झाडे लावली. आता रस्ता कमी पडतोय तर तेव्हा त्या लावलेल्या झाडांना दुर करुन रस्ता वाढवावा लागणारच. दुसरा पर्याय नाही.

नवी मुंबई महानगरपालिकेचा तरी वृक्षारोपण करणे आणि लावलेली रोपे जगवण्याचे प्रयत्न करणे यात बराच पुढाकार आहे.

आता शहरातील लोकांना पण "चिपको" आंदोलन करावे लागणार.

असं नाही होणार ना.... चिपको आंदोलन करण्यासाठी आधी त्या झाडाला घेरुन उभे राहावे लागेल आणि तितकीही जागा आता मुंबईत शिल्लक नाहीय. मुंबईत रस्त्यावरुन गाडी चालवणे म्हणजे कुठल्याही क्षणी शेजारचा गाडीवाला आपली गाडी घासुन पुढे जाईल ही शक्यता लक्षात घेऊन, आपले गाडीवरचे प्रेम शक्य तितके पातळ करुन चालवणे होय. (आपली गाडी कोणी घासली तर किती दु:ख होते हे ज्याचे त्यालाच ठाऊक. )

आला आला आला पाऊस आला. काय गडगडतय. दचकलेच मी. पण आनंद झाला. आता जोरात पाउस येईल. या कुणाला भिजायच असेल तर इकडे.

झाडांची तोड करण्यासाठी नगरपालिकेची परवानगी लागते. तशी न घेता तोडली तर तो दखलपात्र गुन्हा ठरतो. असा कायदा ( निदान कागदोपत्री तरी ) आहे>>>> मध्यंतरी अशीच झाडं कमी होताना दिसली म्हणूनच ही कविता लिहिली होती.
http://www.maayboli.com/node/42491

आला आला आला पाऊस आला. काय गडगडतय. दचकलेच मी. पण आनंद झाला. आता जोरात पाउस येईल. या कुणाला भिजायच असेल तर इकडे.

पुण्यात सध्या मेघ गर्जना चालु आहेत,आभाळ पहिल्यांदाच असं भरुन आलं आहे, काही भागात पाऊस कोसळत आहे, कुणीतरी फोटो टाका इथे ....

कुणीतरी फोटो टाका इथे ....>>>>>>>>>>>>माझ्याकडे आला, की मग मी डकवेन.(फ़ोटो)

न येताच परत गेला पाऊस.

काजव्यांची चमचम सुरू.
http://epaper.esakal.com/sakal/3Jun2013/Normal/PuneCity/Pune1Today/index...

व्वा, शोभे! आजच वाचली ही बातमी!
अरे ते पहिल्या पावसाच्या वेळेस दिसणारे लाल रेशमी किडे कुणाला दिसले असतील तर फोटो टाका. आठवण येतेय त्या किड्यांची

वा ! वा !
पावसाची बातमी वाचल्यावर मलाच इथे भिजल्यासारखे वाटले

आता मला दर रविवारी त्या अंबाडीला भेटल्याशिवाय चैन पडत नाही. काल जरा सेफ्टी शूज, जाडसर जीन्स वगैरे घालून गवतात शिरलो. तर असे मस्त फोटो मिळाले.
( या बोंडाच्या पाकळ्यांचेच सरबत करतात. )

मस्त दिसताहेत बोंडे..

शोभे, तुला पावसाने का फसवले? इथे तर आलाय..

मला गावाकडे (गेल्या महिन्यात झालेल्या मोठ्या पावसानंतर) ऊसाच्या पानावर रात्री काही काजवे चमकताना दिसले,२-३ बघायला /पकडायला जवळ गेलो तर चमकण एकदम बंद,सगळे गायब, पुन्हा १०० फुटांवर जाऊन थांबलो तर पुन्हा चमकणं सुरु, त्यांना आपली चाहुल लागत असेल कि डोळ्यांना दिसत असेल ?

या बोंडाच्या पाकळ्यांचेच सरबत करतात.
किती वर्षापासुन अंबाडी बघतो आहे, खातो आहे, पण याच्या बोंडा पासुन सरबत बनवता येतं, हे मला माहितीच नव्हतं, किती हे आमचं अज्ञान ! अजुन कितीतरी गोष्टी शिकायच्या आहेत..
नदीकाठी बाजुला पाण्यात याची थोडी उंच झाडे भिजवत घातलेलं पाहिलयं, दोर करण्यासाठीच असेल !

अनिल,
काजवे आपल्या "हि"च्यासाठी तो सिग्नल देत असतात. तू मधेच आलास तर राँग नंबर लागला म्हणत असतील.
कधी कधी काही सुरवंटदेखील असा प्रकाश सोडतात. ते पानाखाली लपत असतील.

आंबाडीचा वाख वळतात हे खरंय. आणि मला लाजवू नकोस रे, तुम्हा लोकांना थेट मातीचा अनुभव आहे.

त्याच बागेतील हा "लेटलतिफ" बहावा. दरवर्षी सगळ्या बहावांचा बहर ओसरायला लागला कि हा फुलायला लागतो.

प्रचि ०१

प्रचि ०२
थोड्या वेगळ्या अँगलने बहावा

प्रचि ०३

प्रचि ०४

आणि हि आमची हिरानंदानी बाग

जिप्सी नेमानं बागेत जायला लागला काय?

बहाव्याचा पहिला फोटो अप्रतिम! फार आवडला.

जिप्सी, अभिनंदन! पण तुम्ही अजूनही फुलांचे फोटो काढताय?!

मामी, मृण्मयी
हि बाग ऑफिसच्या मागेच आहे. यात बरीचशी दुर्मिळ झाडे लावली आहे आणि त्याची योग्य ती काळजी घेतली जाते. अंजनीच झाडही पहिल्यांदा मला इथेच दिसलं. मामी, या बागेत एक निसर्ग गटग करूया.

जिप्सी अभिनंदन ! फुलांचे फोटो काढणे हे निमित्त असेल ना बागेत जायचे आजकाल

मेधा, जागू

अरे जिप्स्या पण हल्ली तू ऑफिस सुटल्यावरच जात असशील ना? की मधून पण ?>>>>>नाही ना आमची "बाग" हापिसापासुन चिक्कार लांब आहे.

जागू हे फ्युशिया आहे . या फुलाच्या नावाने रंग पण असतो. नेलपॉलिश, लिपस्टिकचे वर्णन करताना वापरतात .

Fuchsia is a vivid reddish or pink color named after the flower of the fuchsia plant,
itself named after the German scientist Leonhart Fuchs