फेक आनंद .. ??

छान आहे !!!

छान लिहिलय.असा विचार मनात आला, हे काय कमी आहे ?

खर आहे.. हेच दिसुन येतय सगळीकडे... निखळ आनंद घ्यायचा ते नाहीच.. उगाच शो-ऑफ पणा बस्स..

अगदी अगदी!!

हम्म खरं आहे... फेसबुक चे वेड तर इतके सगळ्यांना लागलेय की माझी एक मैत्रीण फोटो काढताना म्हणते 'ए माझा प्रोफाईल फोटो काढ'
निसर्गाचे उदाहरण तर अगदी पटले.

लेख आवडला. कुणाकडे लक्ष द्यायला वेळ नसलेली आजकालची लोकं आसुसली आहेत, स्वतःची कुणीतरी दखल घ्यावी म्हणून.

>>एक मैत्रीण फोटो काढताना म्हणते 'ए माझा प्रोफाईल फोटो काढ'
अंजली_१२ >>+१

पटलं!

अगदी अगदी....लोकांचे फेसबुकवरचे फोटो पाहून असे वाटते की तिथे टाकायला फोटो पाहिजेत म्हणून हे लोक ट्रीप्स, पिकनिक्सला जात असावेत...
ज्याच्याकडे कॅमेरा आहे त्याचा निम्मा वेळ सगळ्यांचे फोटो काढण्यातच जातो....

प्रत्येक निरिक्षणाला अनुमोदन.

छान

अगदि बरोबर क्रुत्रिम आहे आज काल सर्व......... हसणं बोलणं वागणं सर्व सर्व.......

पटलं नाही ..

ह्या लॉजिकने मूळात "फोटो काढणं" ही फेकच होईल ना? मायबोली सारख्या व्हर्च्युअल वर्ल्ड मध्ये विचार मांडणंही?

सशल नाही फोटो काढणं फेक होत नाही....त्याला किती महत्व द्यायचे यावर हा लेख आहे असे मला वाटते...
त्या क्षणांची आठवण म्हणून फोटो काढणे आवश्यक आहे याबाबत कुणाचेच दुमत नसावे..पण फोटो काढण्याच्या नादात ते क्षणच आपण अनुभवणार नसू तर केवळ फोटोत दिसणारा आनंद हा नक्कीच खोटा म्हणता येईल...
कॅमेरा तरी काय करणार बापडा...

विचार चांगले आहे...
लेख कमी वाटला..
आजकाल च्या फास्ट जगात व्हर्चूअल जग हे महत्वाचे झाले आहे वेळेअभावी या ईतर कारणांनी जे करणे जो आनंद घेने राहून जातो तो आपण व्हर्चूअल जगातून मिळविण्याचा प्रयत्न करतो..

अजून अनेक गोष्टी लिहिता आल्या असत्या
जे लिहिलय ते एकदम सही आहे बॉस
धन्स

निरिक्षण बरोबर असलं तरी लेख आणि बहूतेक प्रतिसाद थोडया प्रीजुडाईसने लिहिल्यासारखे झालेय.

ईलेक्ट्रॉनिक मिडिया चा अतिरिकी वापर होतो आहे हे मान्य पण तो त्या वयोगटानुसार त्या मॅचुरिटीला धरूनच असणार. सध्याच्या लोकांची मॅचुरिटी आणि सॅच्युरेशन वाढेल तेव्हा ते दुसरा मार्ग शोधतील (गिर्यारोहणाला जातील, पुणे फेस्टीवलला जातील), पण त्यांची सध्याची जागा घ्यायला पुन्हा लोक येतील.
तुम्हाला रोजच्या प्रवासात, कामाच्या जागी हेच लोकं दिसत असल्याने तुमचा तसा समज झाला आहे.
काही अंशी तो बरोबरही आहे.
अमेरिकेत घराची मुख्य दारं आत ऊघडतात,जपानमधल्या घरांची बाहेर ऊघडतात त्यात कुठली पद्धत चूक-बरोबर असे काही नाही. तो फक्त फरक आहे.

कुस्तीची जागा क्रिकेट ने घेतली आणि रेडिओ सिलोनची आयफोनने, कालाय तस्मै नमः म्हणायचं.
चूक बरोबर काही नाही. मॅचुरिटी लेवलचा फरक आहे, ती लेवलही ही कमी जास्त नाही तर फक्त वयानुसार वेगळी आहे ईतकंच. हेच आयफोन वापरणारे 'हार्ट फाऊंडेशनसाठी रन आयोजित करतात, खेड्यांअमध्ये जाऊन श्रमदान करतात, सोशल ईश्यूंना घेऊन संस्था काढतात.'

ह्या जमान्यात प्रत्येकाला(बहुतेकांना) आपलं ब्रँड-एस्टॅब्लिशमेंट साधायचं आहे. आरशात बघून तुम्ही 'मी चांगला दिसतोय' म्हणता आणि चालू लागता. एखाद्याला हेच अजून चार जणांना 'मी बघा काय छान दिसतोय' हे सांगायचं असेल तर तो चुकीचा किंवा त्याचं वागणं कृत्रिम कसं?

खरं आहे.
केव्हातरी हे असं होतंय लक्षात आल्यावर कॅमेरा घरीच ठेऊन फिरायला सुरुवात केलीय.

उठल्या बसल्या काही लोक फोटो टाकत असतात तेव्हा वाटते वरील लेख सारखे ..

पण कधी चमन म्हणतो तसे ही वाटते आपल्या लोकांनी ,मित्रांनी पाहायला हवेत फोटो तेव्हा चांगले फोटो आवर्जून टाकले जातात ..माझ्या मैत्रिणीने तिच्या मुलीच्या वाढदिवसाचे फोटो टाकले होते .फार गोड दिसत होती तिची लेक .तिचा निर्व्याज आनंद फोटो काढताना टिपला आणि पाहणाऱ्या पर्यंत पोहोचला !
<<मॅचुरिटी लेवलचा फरक आहे>> हे मात्र सोळा आणे खरे !

आऽहा! चर्चा रंगतेय. मस्त विषय आहे..

मुळात फोटोसेशनमध्येही कोणी आनंद घेत असेल तर त्यात काही वावगे नाही, जर खरेच एखाद्याला आनंद येत असेल तर त्याने तो घ्यावा.
मुद्दा हा आहे की फोटोच्या नादात तो क्षण, त्या खर्‍याखुर्‍या क्षणात घडणारी मजा जी तेव्हाच घ्यायची असते त्याकडे दुर्लक्ष होते किंवा त्याला बॅकफूटवर टाकले जाते.>> तुमच्या दोन्ही वाक्यांमधे विरोधाभास आहे. त्यांना नाचाचा आनंद घ्यायचा नसून फोटोचा आनंद घ्यायचा आहे तेंव्हा जे तुमच्या द्रुष्टीने अधिक आनंदाचे आहे ते त्यांच्या द्रुष्टीने नाही नि जे त्यांच्या द्रुष्टीने अधिक आनंदाचे आहे ते तुमच्या द्रुष्टीने नाही.

मुद्दा हा आहे की फोटोच्या नादात तो क्षण, त्या खर्‍याखुर्‍या क्षणात घडणारी मजा जी तेव्हाच घ्यायची असते त्याकडे दुर्लक्ष होते किंवा त्याला बॅकफूटवर टाकले जाते.>> तुमच्या दोन्ही वाक्यांमधे विरोधाभास आहे. त्यांना नाचाचा आनंद घ्यायचा नसून फोटोचा आनंद घ्यायचा आहे तेंव्हा जे तुमच्या द्रुष्टीने अधिक आनंदाचे आहे ते त्यांच्या द्रुष्टीने नाही नि जे त्यांच्या द्रुष्टीने अधिक आनंदाचे आहे ते तुमच्या द्रुष्टीने नाही.

>> नाही, अनेकदा त्यांना त्याचाही आनंद घ्यायचा नसतो (एक निरिक्षण). फक्त सवय. फोटो काढून फेबुवर टाकणे, बसल्या उठल्या फेसबुक वर स्टेटस टाकणे - something is missing boss. Unless you are really using it as a facility to reach/to promote, they are using you.

ह्या जमान्यात प्रत्येकाला(बहुतेकांना) आपलं ब्रँड-एस्टॅब्लिशमेंट साधायचं आहे. आरशात बघून तुम्ही 'मी चांगला दिसतोय' म्हणता आणि चालू लागता. एखाद्याला हेच अजून चार जणांना 'मी बघा काय छान दिसतोय' हे सांगायचं असेल तर तो चुकीचा किंवा त्याचं वागणं कृत्रिम कसं?
>> you can call me judgemental, but whoever needs to prove something to the outside world (without other ulterior, clever motives) - नक्की काहीतरी चुकतय.
तसं म्हटलं तर, आम्हाला त्यांचं चुकीचं वाटलं तर ते चुकीचं कसं? असलेही प्रश्न विचारता येतील. NOM

आपण प्रत्यक्षात, वर्तमानात किती वावरतो? आत्ता जो काही क्षण आहे तो... "सर्वथा" जगण्याकडे आपलं किती लक्षं असतं?
त्या क्षणाची आठवण... ती मनातून पुसली गेली तर?... पुन्हा मनातल्या मनात का होईना पण जगण्यासाठी कॅमेरॅत टिपलेले क्षण म्हणजे फोटो असं मला वाटतं.
त्याचाच दुसरा भाग म्हणजे तो क्षण, तो अनुभव किंचित का होईना पण दुसर्‍याशी वाटून घेता येण्याचं एक साधन म्हणजे फोटो.
पण क्षण जगणं सोडून... तो "भविष्या"साठी कॅमेर्‍यात टिपण्याच्या "अट्टाहासावर" हा लेख आहे असं मला वाटतं.

मला फोटोसाठीच गरबा, रंगपंचमी खेळायचीये, लग्नातले विधी... ते काय ते फोटोत टिपलेत ते सगळेच्या सगळे आठवतात, फोटो बघताना... आत्ता फोटो काढला नाही तर दाखवणार काय मित्र-मैत्रिणींना... काय काय धमाल केली ते...
ह्याच विचारातून क्षण जगण्याचा उद्देश असेल तर... हरकतच नाही.

पण ज्यांचा नसेल अन त्या दिशेनं चुकुन प्रवास घडत असेल तर...
तर हा लेख डोळे उघडणारा आहे असं मला वाटतं.

आनंद, उत्तम जमलाय लेख.

you can call me judgemental, but whoever needs to prove something to the outside world (without other ulterior, clever motives) - नक्की काहीतरी चुकतय. >> हो तुम्ही जगाच्या बदलत्या नियमांना 'वेड' म्हणता आहात ते चुकतंय. त्याला 'पॅशन' म्हणा.

छान लिहिलय. चर्चाही मस्त

मुळात फोटोसेशनमध्येही कोणी आनंद घेत असेल तर त्यात काही वावगे नाही, जर खरेच एखाद्याला आनंद येत असेल तर त्याने तो घ्यावा.>>>

आनंद, छान जमुन आलाय लेख. कुठल्या गोष्टीला किती वेळ द्यायचा याचं भान ठेवलं की मग हा प्रश्न समोर उभा ठाकत नाही. फोटो हवेतच कारण ते काही वर्षांनी जुन्या आठवणींना उजाळा द्यायला उपयोगी पडतात. पण फोटोच्या नादात प्रवासाचा मुळ हेतुच विसरून जाणे मुर्खपणाच आहे. माझ्याकडे पण मी जिथे जाईल तिथे माझा कॅमेरा असतो. पण तो बाहेर मात्र येतो, भोवतालच्या निसर्गाची सगळी मजा मनसोक्त उपभोगून झाल्यावर.

आवडेश !

छान लेख नि चर्चा !
दाद , विशालदा +१

पटलच ! मला वाटतं दाद ने योग्य शब्दात मांडलय.
मला फोटोसाठीच गरबा, रंगपंचमी खेळायचीये, लग्नातले विधी... ते काय ते फोटोत टिपलेत ते सगळेच्या सगळे आठवतात, फोटो बघताना... आत्ता फोटो काढला नाही तर दाखवणार काय मित्र-मैत्रिणींना... काय काय धमाल केली ते...
ह्याच विचारातून क्षण जगण्याचा उद्देश असेल तर... हरकतच नाही.

पण ज्यांचा नसेल अन त्या दिशेनं चुकुन प्रवास घडत असेल तर...
तर हा लेख डोळे उघडणारा आहे असं मला वाटतं.>>>>+१

छान लेख आणि प्रतिक्रिया पण! Thought provoking!! तसे सगळ्यांचेच बरोबर आहे म्हणा. प्रत्येकाचा उद्देश वेगळा असतो. समोरच्याचे मत आपल्यासारखे असावे अशी अपेक्षा नसावी. ज्यांना ज्यात आनंद वाटतो त्या गोष्टी ते करतात.

पण फोटोबाबत माझेही काही असेच मत आहे. माझ्या मित्राच्या लग्नात तर फोटोग्राफर आणि गुरुजींमधेच जुंपली होती! त्यात त्याला कळेना कोणाची बाजू घ्यावी !! कॅमेरा आणि मेमरीच्या स्वस्ताइमुळे बरेच जण फिरायला गेल्यावर एका दिवसामागे शेकडो फोटो काढतात आणि त्याउपर सरसकट सगळे फोटो upload करतात त्यामुळे फोटो काढण्याचा आणि upload करण्याचा आनंद त्यांना मिळाला तरी ते फोटो बघण्याच्या आनंद मला मिळत नाही आणि असे हजारो फोटो एकदा संगणाकावर घेतल्यातर परत कधी बघणंही होत नाही असा स्वानुभव आहे.

जे फोटोच्या आनंदाबाबत, तेच प्रवासाच्या देखिल. एक शहर बघायच्या बर्‍याच तर्‍हा आहेत हे पॅरिस बघायला आलेल्यांना बघुन माझ्या लक्षात आलं. अगदी दोन दिवसच असताना, त्यातला एक दिवस Disney Land मधे घालवणारे देखिल आहेत. ते आयफेल टॉवर आणि मोनालिसा (लूव्र नाही... फक्त मोनालिसा) बघुन खुश असतात. त्यामुळे हा विषय अतिशय subjective आहे.

चमन म्हणतो तसं 'त्या वयोगटानुसार त्या मॅचुरिटीला धरूनच [वागणं] असणार'. याबद्दल एक उदाहरण अठवतं, विदेशात 'टीनएजर्स' चे कपडे काही आगळेच असतात. स्वतःचा वेगळेपण ठसवण्याच्या नादात सगळे टीन्स टिपकल एकसारखे दिसतात! पण हे त्या वयोगटालाच लागू होते. त्या फेज मधुन गेल्यावरच बहुतेक प्रत्येकाला आपली खरी आवड कळत असेल.

तेव्हडं ते 'लुफ्त'चं लुत्फ करा साहेब.

आणि जरा निर्मळ आनंदांची यादी पण टाका.