पुस्तकात नामोल्लेख!

Submitted by नीधप on 24 June, 2012 - 01:50

दिल्लीस्थायिक रिता कपूर या गेली अनेक वर्ष भारतीय साड्यांच्या संदर्भात संशोधन, दस्ताऐवजीकरण याचे काम करत आहेत.

'सारीज ऑफ इंडीया' या नावाने हे सर्व काम त्यांनी दोन खंडांमधे प्रकाशित केले आहे. दुसरा खंड नुकताच प्रकाशित झाला. या दुसर्‍या खंडा महाराष्ट्रातील साड्यांबद्दल विवेचन आहे.
मराठी साड्यांच्या विविध प्रकारच्या नेसण पद्धतींबद्दल विवेचन असलेल्या भागामधे माझा उल्लेख आहे.

सुमारे पाच-सहा वर्षांपूर्वी नऊवार साडी नेसायच्या पद्धतींबद्दल बरीच माहिती मी त्यांना दिली होती. प्रात्यक्षिके दाखवली होती जी त्यांच्या फोटोग्राफरने शूट केली होती. त्यांना माझ्या ओळखीच्या कातकरी आणि ठाकर वस्त्यांमधे घेऊन जाऊन तिथे आम्ही त्या साड्या शिकलो होतो. त्या स्त्रियांच्या मर्यादेला धक्का न लावता जेवढे फोटो काढणे शक्य होते तेवढे काढले होते. ओळखीच्या कोळी आणि आगरी समाजातल्या स्त्रियांकडे जाऊनही त्यांची साडी नेसण्याची पद्धती शिकलो होतो, फोटो काढले होते. मला खूप मजा आली होती हे सगळं करताना. माझ्याकडची माहिती/ ज्ञान देताना मीही खूप शिकले होते.

या सगळ्याचा परिपाक म्हणजे त्या पुस्तकात आलेला माझ्या नावाचा उल्लेख.

मला कल्पना आहे की इथले जे दणदणीत यश मिळवणार्‍यांबद्दल सांगणारे जे बाफ आहेत ते बघता हे काहीच नाहीये. पण एखाद्या संशोधनात्मक पुस्तकात आपली नोंद एका छोट्याश्या गोष्टीत का होईना एक्स्पर्ट म्हणून केली जाणे हे माझ्यासाठी पहिल्यांदाच झाले आहे आणि त्यामुळेच बहुतेक मला महत्वाचे वाटते आहे. Happy

ह्या बाफची योग्य जागा जिथे असेल तिथे अ‍ॅडमिनने हलवावे. बाफच योग्य न वाटल्यास उडवून टाका. काही हरकत नाही.

विषय: 
लेखन
शब्दखुणा: 
साड्या
साडी
नेसणे
ड्रेपिंग
मराठी साड्या
सारीज ऑफ इंडिया
Groups audience: 
कलाकार मायबोलीकर
Group content visibility: 
Public - accessible to all site users
शेअर करा

नीरजा,रिता कपूर च्या इतक्या मोठ्या उपक्रमात तुझा खारीचा वाटा असला तरी तो अनमोल आहे..त्याबद्दल तुझे मनापासुन अभिनंदन.त्याबद्दल प्रत्यक्ष वाचायला नक्कीच आवडेल.जमले तर स्कॅन करुन इथे टाक.कारण ते खंड सगळ्यांना पहायला मिळणे शक्य होणार नाही.अशाच नव्न-नविन उपक्रमांसाठी तुला खुप खुप शुभेच्छा!!

Submitted by सुलेखा on 25 June, 2012 - 00:31

नी, खुप आनंद झाला गं हे वाचुन.. तुझ्या मते जरी हे फारसे नसले तरी ह्याचे महत्व खुप मोठे आहे.

तुझे अभिनंदन तर करतेच पण एक्प्सर्ट म्हणुन आठवणीने तुझे नाव दिल्याबद्दल लेखिकेचेही कौतुक वाटले. नाहीतर लोक काम झाले की ओळखही दाखवत नाहीत.

Submitted by साधना on 25 June, 2012 - 01:27

तुझे नाव दिल्याबद्दल लेखिकेचेही कौतुक वाटले. नाहीतर लोक काम झाले की ओळखही दाखवत नाहीत.<<< +१००

तसा माझा सहभाग थोडाच होता त्यामुळे मला खरंच अपेक्षित पण नव्हतं. मी विसरले होते. त्यामुळे रिताचं खूप जास्त कौतुक वाटलं.

Submitted by नीधप on 25 June, 2012 - 01:29

अगदी मनापासुन अभिनंदन नीरजा.

त्यांची परवानगी असेल तर तुझ्या नामोल्लेखाचा (थोडासा तरी) भाग इथे स्कॅन करून टाकता येईल >>+१

Submitted by monalip on 25 June, 2012 - 01:34

हार्दिक अभिनंदन नीरजा Happy

त्यांची परवानगी असेल तर तुझ्या नामोल्लेखाचा (थोडासा तरी) भाग इथे स्कॅन करून टाकता येईल >>+२

Submitted by अनघा. on 25 June, 2012 - 01:41

>>एखाद्या संशोधनात्मक पुस्तकात आपली नोंद एका छोट्याश्या गोष्टीत का होईना एक्स्पर्ट म्हणून केली जाणे हे माझ्यासाठी पहिल्यांदाच झाले आहे आणि त्यामुळेच बहुतेक मला महत्वाचे वाटते आहे.

छान.. अभिनंदन!

Submitted by योग on 25 June, 2012 - 01:55

Pages