शब्दार्थ

धन्यवाद गजानन, अर्धपारदर्शक असा शब्द मला सुचला होता पण मला वाटले असा शब्द अस्तित्वातच नाही मी मनानेच असे काही तयार करतेय की काय.

कायदा म्हणजे लॉ. कानू म्हण्जे अ‍ॅक्ट.... कायदाकानू समुच्चयबोधक....

takiya kalam ला मराठी शब्द काय आहे ?

@ मीधनश्री, फलाना ढिकाना?

आलवाले म्हणजे काय?

संदर्भ - जधी तुमचे देहावसान झाले, लोचनांची झिरपली आलवाले (कवि - यशवन्त)

कुणालाच माहित नाही का आलवालेचा अर्थ?

एखाद्या व्यक्तीच्या बोलण्यात/लिहिण्यात वारंवार येणार्‍या शब्दसमूहाला 'तकिया कलाम' म्हणतात.
मराठी प्रतिशब्द कदाचित 'पालुपद' म्हणता येईल.

आलवाले नाही माहीत. शोधते.

Employee Engagement Survey मधील 'एन्गेजमेन्ट'ला मराठीत काय म्हणता येईल?

आलवाले म्हणजे अळं - झाडाच्या बुंध्याभोवती केलेला खड्डा. तिथे पाणी साचून ते झिरपत झाडांच्या मुळांना पोहोचावे असा उद्देश. पाणी जास्त साचले तर अळ्यातून ओसंडून बाहेर येते. (सुंदर कविकल्पना आहे.)

एम्प्लॉयी एन्गेजमेंटमधील एन्गेजमेंटसाठी कार्यबांधीलकी/कार्यगुंतवणूक/कार्यस्वारस्य/कार्यासक्ती असे काही शब्द सुचवता येतील. ('कार्यसक्ती'सुद्धा चालेल जर तुम्ही 'निगेटीव्ह एन्गेजमेंट' बघणार असाल तर :))

आरभाट, धन्यवाद!

'श्रध्दांजली' हा शब्द बरोबर आहे का? मृत व्यक्तीस ऑजळभर श्रध्दा वहाणे म्हणजे नक्की काय?

अरभाट, चांगले शब्द सुचवलेत. धन्यवाद.

"दशांगुळे" म्हंजी?

दशांगुळे म्हंजी -दश आंगुळे हीही ही ...दहा बोटे हो

'Conflicts between teams are addressed early and solved constructively.'
या वाक्यातील constructivelyला काय शब्दयोजना करावी?

विधायकरित्या.

विधायक किंवा विधायकरित्या म्हणजे नक्की काय? मराठीतूनचं नीट सोपे उदा देऊन सांगा. धन्यवाद.

पालुपद म्हणजे पदामध्ये पुन्हा पुन्हा येणार्‍या ओळी . तकिया कलाम ही लकब असते. काही लोकाना बोलणे झाल्यावर नुसतेच 'काय?' असे म्हणण्याची सवय असते. पुन्हा प्रपंच मधले टेकाडे भावजी 'म्याड' म्हनत असत. त्याला तकिया कलाम म्हणता येईल..

'प्लेटलेट्स'ना मराठीत 'रक्तघटक' म्हणतात का? संदर्भः http://epaper.esakal.com/esakal/20091106/5258846056812940880.htm

माझ्याकडील दोन्ही मराठी>इंग्रजी, इंग्रजी>मराठी शब्दकोशांमध्ये हे शब्द नाहीत.
तसंच ’प्लेटलेट्स ट्रान्सफ्युजन’ ला काय म्हणतात?
ट्रान्सफ्युजनचा अर्थ 'एकाचे रक्त दुसर्‍याला चढवणे' असा दिला आहे, पण काही एकच संज्ञा असल्यास हवी आहे.

blood transfusion = रक्तसंक्रमण ?

प्लेटलेटसला 'रक्तकणिका' म्हणतात माझ्या मते....

माधव आणि मी_आर्या, धन्यवाद.

हिंदी मध्ये "क्यारी" असा एक शब्द आहे. त्याचा अर्थ काय?

फुलबाग बहुधा.

क्यारी म्हणजे वाफा

पर्फेक्ट

ठांकु, बाब्या आणि मेधा

"जिया जले जान जले..." या गाण्यात "तितलीयोंकी क्यारीया..." अशी ओळ आहे. तिथे क्यारी चा अर्थ काय लावायचा मग? फुलपाखरांचा थवा (झुंड) या अर्थी???

हिंदीतल्या "सरमाया" चा अर्थ काय?? आजच एका गाण्यात ऐकला हा शब्द.
उल्फत ला मराठीत समान अर्थी काय शब्द आहे?

सरमाया म्हणजे मालमत्ता किंवा जमापुंजी

उल्फत म्हणजे प्रेम... चाहत , उल्फत, मुहब्बत सगळे एकच पण त्यातले सूक्ष्म फरक माहित नाहीत म्हणजे कधी कुठला शब्द वापरायचा

उल्फत म्हणजे प्रेम... चाहत , उल्फत, मुहब्बत सगळे एकच पण त्यातले सूक्ष्म फरक माहित नाहीत म्हणजे कधी कुठला शब्द वापरायचा
>>>
एक्झॅटली. म्हणूनच मराठीत तसाच्या तसा अर्थ असणारा शब्द आहे का विचारतेय.

उर्दू भाषेतल्या काही शब्दांना मराठीत इक्विवॅलंट शब्दच नाहीत ना. आता "नजाकत" या शब्दाचं घ्या. "सुंदर" हा शब्द "नजाकत" ला पर्याय म्हणून घेता येईल. पण "नजाकत" ची नजाकत त्याला यायची नाही.

मिल्या, सरमाया च्या अर्थासाठी धन्यवाद.

निंबुडा, नजाकत हे 'नाजुक'चे भाववाचक रूप आहे.