निसर्गाच्या गप्पा-१

मुंबईत पक्षीगणना आहे येत्या विकांताला. पेप्रात आले आहे. ज्यांना इंट्रेस्ट आहे त्यांनी सहभागी व्हा.

अरे वा.. दुवा देणार का?? मी मोकळीच आहे विकांताला

मंडळी
गवताच्या पेरावरील तंतूही इतके छान दिसतात, पाहिले आहेत का तुम्ही?
याचा व्यास जेम तेम ८ ते १० मीमी असेल...
पुर्वी टाकला होता हा फोटो, परत एकदा

जो_एस ,
अप्रतिम फोटो !

साधना,
त्या फार्मचे फोटो टाक ..
त्यांचा मला पत्ताही दे, एकदा नक्की भेट देईन !

जो_एस----- काय सुंदर फोटो आहे!!!!!!!!!!!!

साधना
हे पक्षी census साठी.
http://timesofindia.indiatimes.com/city/mumbai/Bird-census-from-January-...

जो- सुंदर फोटो.

जो, अप्रतिम फोटो

साधना वाचुन मलाही त्या फार्मवर जावस वाटतय. बघु कधी जायला मिळत ते.>>>>मलापण न्या

बदलापुर फार्मवरचे काही फोटो

मला उचलुन घ्या असा हट्ट धरणारे नवलकोल -

नवलकोलला उचलल्यावर मुळ्यांनीही हट्ट सुरू केला -

अजुन तयार न झालेले फ्लॉवर

बाहेर डोकवायला उत्सुक आंब्याचा मोहोर

नुकतीच लावलेली चवळी आणि केळी

फोटो काढायला अनुत्सुक, पानाखाली दडलेला दुधी -

तुरीची फुले आणि शेंगा -

राजुदादांच्या बागेतले अनोखे गुलाब - चारबाजुने चार फुले आणि मध्यभागी एक फुल अशी रचना आणि जबरदस्त घमघमाटी सुगंध -

पानात दडलेली काळी मिरी - अजुन हिरवीच आहे

फार्मला जाताना वाटेत भेटलेले भुताचे झाड-

उन्हाळ्यात या झाडाचा वर दिसणारा फुलोरा गळुन पडतो. झाड फिकट गुलाबीसर असे होते आणि चांदण्या रात्री चमचमते. वेड्यावाकड्या परसलेल्या लांब फांद्या असलेले हे उंच झाड रात्रीचे पाहिल्यास हमखास कोणीतरी भुत उभे आहे असेच वाटते. मी ताडोबाला पहिल्यांदा पाहिलेले हे झाड. तिथे तर अगदी अस्सल भुत उभे होते.

धंन्यवाद मित्रानो
इथे अजून काही फोटो आहेत पहा

http://www.maayboli.com/node/4039
http://www.maayboli.com/node/4017
http://www.maayboli.com/node/4010
http://www.maayboli.com/node/1100

सुधीर

साधना
मस्त फोटो आहेत, इतक्या ताज्या भाज्या पाहायलाच मिळत नाहीत...

साधना, का ग बाई जळवतीयेस? कसल्या रसरशीत दिसतायत सगळ्या भाज्या.

मला लहानपणी मुळ्याची भाजी अजिबात आवडत नसे पण एकदा असच कोणाच्यातरी फार्महाऊसवर गेलो असतानी त्यांनी त्यांच्या मळ्यातली ताजी ताजी मु़ळ्याची भाजी शिजवली होती. तेव्हापासून भयंकर आवडायला लागलाय.

बाजारात अशा भाज्या दिसत नाहीत. बाजारातल्या फ्लॉवरच्या पानांना किडीने खाल्लेले असते. केमिकल्स मारुन मारुन वाट लावतात. वरच्या फ्लॉवरचे तुरे विजयच्या मित्राने तिथे उभ्याउभ्या कच्चेच खाल्ले. धुतल्याशिवाय कुठलीही भाजी वा फळे कधीही न खाणारी मी, मुळे पाहिल्याबरोबर त्यांना धुवायच्या भानगडीतही पडले नाही, तसेच खाल्ले जमिनीतुन नुकतेच उपटले असले तरी स्वच्छ होते....
(हे लिहितानाही मी तिथुन आणलेले मुळे खातेय.. )

आज सकाळी प्लॉवरची पाने+मुळ्याची पाने+पालकची पाने मिळुन पराठे केलेत.. एकदम ऑर्गॅनिक नाश्ता.

विजय तुमचे मनापासुन आभार... महिन्यातुन एकदा मी येणार आता बदलापुर फार्मवर

नमस्कार निसर्गवेडी-मंडळी. (मलाबी घ्या तुमच्यात)
साधना, कित्ती दिवस लोटले, इतक्या ताज्या भाज्या खायला लांब, बघायलाही मिळाल्या नाहीयेत.
हे सगळं पाहून मला रडू येणार बहुतेक
आणि तो गुलाबही कसला छान आहे.
जो, फोटो मस्स्स्स्त आहे !

जागू, माझं आजोळ खेडेगावात होतं. (म्हणजे आहे....पण आता तिथे कुणी राहत नाही, त्यामुळे जाणं होत नाही.) मी शहरात वाढलीये. ३-४ दिवस लागून सुट्टी आली की माझी गडबड असायची तिकडे पळायला.
तिथे नदीपासून ५ मिनिटांवर शेतात मामाचं घर होतं. घर पक्कं, सिमेंटचं....पण आजूबाजूला भाताची हिरवी शेतं.
मी मामीसोबत नदीवर जायचे. आणि चतुर पकदणे, लव्हाळ्यांशी खेळणं, नदीच्या पात्रातून नागरमोथा गोळा करून आईला इम्प्रेस करणं...असले उद्योग चालायचे.
आहाहा...: नॉस्टॅल्जिक बाहुली :
आजही मला निसर्गाची ओढ आहे म्हणजे नेमकं काय आहे, किंवा काय होतं कळत नाही.....पण हिरवाई पाहून पिसं लागतं. अगदी हळुवार हळुवार व्हायला होतं.

जागु, पुण्यात समुद्र नाही, म्हणून एकेकाळी जाम वैतागायची मी. मग कॉलेजसाठी मुंबैत राहिल्यावर समुद्राचा आनंद लुटला.
आत्ता सध्या तर ६ किमीची जमीन सोडली तर आजूबाजूला समुद्रच समुद्र आहे.
......पण आता इतकं निळं पाहून पाहून मला हिरवाईची ओढ लागली आहे. माबोवर कुणीही शेतातले, घाटातले हिरवे फोटो पोस्टले की कससंच होतं. देशाची आठवण येते.
इथे हिरवाई म्हणजे नारळ-सुपारीची , केळीची मोठ्ठाली झाडं. गवत कुठेच नाही. सगळीकडे पांढरी वाळू.

आणि आम्ही इथे तरसतोय मालदिवला जायला मिळेल का म्हणुन हिरवा नीळा, पोटातले सगळे जीवजंतुमासे बोटीतुनही स्वच्छ दाखवणारा सागर पाहायला आम्ही तळमळतोय...

जागु, तुही सामिल हो पक्षीनिरिक्षणात. उरण चेही नाव आहे लिस्टमध्ये, खुप पक्षी पहायला मिळतात म्हणुन. तुला घरबसल्या काम करता येईल. मी माहिती वाचते आणि तुला कळवते.

साधना.......वेलकम. लवकर जमवा गं, मी इथे असेस्तोवर. तुमच्या नजरेतून मालदीव मला 'अनुभवता' येईल.
माझा नवरा माझ्यासोबत बेटावर भटकायला उत्सुक नसतो. एकटी जायला ऑकवर्ड वाटतं. जवळजवळ प्रत्येक व्यक्ती ओळखते. मी एकटीच भटकले, किंवा कुठल्याशा झाडाकडे टक लावून बघत बसले तर लोक मला वेड्यातच काढतील.
सोबत मिळाली नाही की आवड दबून जाते, ह्या गोष्टीचं मी एक उदाहरण आहे

विजय तुमचे मनापासुन आभार... महिन्यातुन एकदा मी येणार आता बदलापुर फार्मवर
साधना,
म्हणजे आता भाजी मंडईतील भाजी (ताजी,हिरवी आणि रसायनदार) खरेदी बंद म्हणायची का ?

वांग्याचे शेत, टोमॅटोचे शेत, कोबी,फ्लॉवरचे, अलकोलचे शेत, मिरचीचे शेत, पालेभाज्या, कोथिंबिरीचे शेत.
जागु,
वांगी,टोमैटो ,कोबी माहीत आहे पण हे "अल्कोल (नक्की अल्कोहोलच असणार)" पीकाबद्दल माहिती घ्यायला नक्की आवडेल, अंगणातच त्यांची झाडे लावता येतील
:स्मितः

साधना, कित्ती दिवस लोटले, इतक्या ताज्या भाज्या खायला लांब, बघायलाही मिळाल्या नाहीयेत
रुणुझुणु,
त्यात एवढं वाईट नको वाटुन घेऊस ...
तसं इकडे भारतात देखील असल्या ताज्या भाज्या आजकाल कुठे मिळता खायला,कारण नुसत्या (हायब्रीड आणि रसायनमिश्रीत) भाज्या ५० रु. च्या खाली नाही मिळत तिथे अशा ऑरगैनिक कुठे परवडणार ?
आणि शेवटी दिव्याखाली अंधार त्याप्रमाणे इथला शेतकरी काही प्रमाणात अशा अस्सल भाज्या,फळे,धान्य पिकवतो पण त्यातलं तो किती खातो (खायला परवडतं नाही,खाल्ल तर विकणार काय?) हा मला पडलेला प्रश्नच आहे ..
ही थोडी आतिश्योक्ती वाटेल पण यात तथ्य नक्कीच आहे,(किमान स्त्रियांच्या बाबतीत तरी.

ही थोडी आतिश्योक्ती वाटेल पण यात तथ्य नक्कीच आहे,(किमान स्त्रियांच्या बाबतीत तरी.

???? काय कळले नाही तुला काय म्हणायचेय ते???

बाकी इतर काही जे तु लिहिलेय ते बरोबर आहे. बाजारातल्या भाज्या रसायने फवारलेल्या आहेत.

ऑर्गॅनिक भाज्या लोकांना परवडणार नाही असा युक्तिवाद ऑर्गॅनिकवाल्यांकडुन केला जातो. त्यांच्या मते ऑर्गॅनिकचे पिक कमी येते म्हणुन रेट जास्त. मला तरी हे खोटे वाटते. रासायनिक खतांना सरावलेल्या जमिनीला परत नैसर्गिक खतांसाठी तयार करण्यासाठी जो वेळ जाईल तेवढाच. त्यानंतर रसायने किंवा नैसर्गिक दोघांची उत्पादकता सारखीच असणार. किंबहुना असलीच पाहिजे. केवळ स्वतःच्या फायद्यासाठी ऑर्गॅनिकवाले भाज्या महाग करतात आणि केवळ उच्चभृ लोकच ह्या भाज्या खाऊ शकतात. मुंबईच्या अनेक श्रीमंत वस्तीतल्या दुकानांमध्ये मी ऑर्गॅनिक कडधान्ये, भाज्या इ. दुपटीपेक्षा जास्त किमतीला विकताना पाहिलेय.
(राजुदादांशी चर्चा करायला पाहिजे या विषयावर).

???? काय कळले नाही तुला काय म्हणायचेय ते???
साधना,
थोडं विषयांतर होतयं पण
माझ ते मत थोडं सर्वसाधारण लहान शेतकरी आहेत त्यांच्याबद्दल आहे
मला एवढचं म्हणायचं होतं कि शेतकर्‍यांनी स्वतः पिकवलेले जेवढं खाल्ल पाहिजे किंवा घरच्यांकरता वापर केला पाहिजे तेवढा होताना दिसत नाही ,या मागे अज्ञान/दुर्लक्ष हे एक मुख्य कारण आहे, त्याबरोबरच तो बर्‍याचदा चांगला आणि अस्सल माल अगोदर बाजारात विकतो, राहिलेला घरी वापरतो ...
घरात ७-८ लीटर दुध निघतं पण घरातल्या मुलांना १-२ लीटर प्यायला द्यायचं धाडस करणारे किती आहेत् ..

ऑरगैनिक शेती करायला सुरुवातीला तर खर्चिक, अवघड आहेच,कारण अलिकडे पिकांवरचे रोग इतके वाढलेत (ताकदीनेही वाढलेत) कि अनेक किटकनाशक,बुरशीनाशक वापरुन देखील कधी कधी ते आटोक्यात येत नाहीत,त्यामुळे ऐनवेळी नुकसान होतं ,या परिस्थितीत हे न करता पीक आणणं हे तेवढं सोपं नाही, त्यात तुम्हाला देशी औषधं (कडुलिंब,गुळ,गाईच मलमुत्र इत्यादी) तर वापरावी लागणारच

जिथे आजुबाजुला खुप बागाईत असेल,समजा द्राक्ष बागा असतील,किंवा भाजीपाला असेल आणि सगळे बेसुमार औषधांचा फवारा करत असतील तर त्या तुम्ही एकट्यांनी औषध न मारता पीक आणणं एवढं सोप नाही ,बाकी जिथे अशा पिकांची कमी गर्दी आहे किंवा शहरांजवळच्या शेतीला मात्र यात फायदा खुप आहे.गावाकडे सध्याही कोणतही औषध न मारलेला कांदा,मुळा,कोबी ,मेथी पेंढी यांचा दर हा अनुक्रमे १०-१५, ४-७, ७-१०, १-३ रु. च्या वर कधीच गेलेला दिसत नाही, कारण बहुतेकांना मुंबई खुप दुर है और पेट्रोल्-डिझेलचे दर तर वाहतुक दारांसाठी खुपच वाढले आहेत