घोषणा

१)प्रत्येक मायबोलीकराने केलेले लेखन त्यांच्या व्यक्तिरेखेत जाऊन पहायची सोय नेहमीच होती. पण त्या पानाची मांडणी बरेच लेखन असेल तर शोधायला तितकीशी सुलभ नव्हती. प्रत्येक लेखनाचा थोडा भाग दिसायचा पण हवे ते लेखन शोधण्यासाठी बरेच आत जावे लागायचे. बर्‍याच मायबोलीकरांनी आपआपल्या विचारपूस पानाच्यावर वेगळी यादी ठेवायला सुरुवात केली.

आजपासून या यादीच्या मांडणीत बदल केला आहे. नवीन लेखनात ज्याप्रमाणे थोडक्यात शीर्षक आणि लेखन प्रकार दिसतो, तश्याच प्रकारे तुमच्या व्यक्तिरेखेबरोबरच्या "लेखन" या टॅबमधे ही यादी दिसेल. या आपोआप होणार्‍या यादीमुळे विचारपूस पानाच्यावर वेगळी यादी ठेवायची गरज नाही.

मायबोलीच्या वाढत्या लोकप्रियतेचा फायदा मायबोलीकरांनाही व्हावा यासाठी मायबोली नेहमीच प्रयत्नशील असते. मायबोली, मायबोलीचे उपक्रम आणि मायबोलीकर ही एक परस्परावलंबी पर्यावरण व्यवस्था (Ecosystem)आहे
या महिन्यापासून मायबोलीच्या जाहिरात विभागात नवीन उपक्रम सुरु करतो आहोतः महिन्याची जाहिरात.
मायबोलीवर आणि मायबोलीबाहेर (उदा मायबोलीचे फेसबुक पान) या जाहिरातीला विशेष प्राधान्य देऊन दाखवण्यात येईल.

जून २०१२ ची महिन्याची जाहिरात आहे
मुंबईत दहावीच्या विद्यार्थ्यांसाठी कार्यशाळा

मायबोलीवरचं आवडलेलं लेखन, मायबोलीकर वेगवेगळ्या पद्धतीने मित्रमंडळीना कळवत असतातच. आता ते थोडं सोपं झालंय. प्रत्येक लेखनाखाली आता फेसबुक आणि गुगलवर टिचकीसरशी आवडलेलं लेखन कळवायची आणि अगोदर किती लोकांना ते आवडलंय ते पहायची सुविधा उपलब्ध आहे.

या सुविधेसाठी मायबोलीवर प्रवेश करायची (लॉगीन) गरज नाही. त्यामुळे जे मायबोलीकर नाहीत किंवा वाचनमात्र आहेत त्यांनाही लेखन आवडले तर कळवता येईल. फेसबुकावर किंवा गुगल मधे मात्र प्रवेश करावा लागेल.

मायबोलीचा आणि मायबोलीकरांचा साहित्याशी बराच जुना संबंध आहे. तो अजून दृढ कसा करता येईल, या विचारात असताना पुस्तकखुणा (bookmarks) तयार करण्याचे सुचले.

या पुस्तकखुणांवर मायबोलीकर कवींच्या कविता असणंच उत्तम, असं वाटलं आणि मायबोलीकर कवींना याबद्दल विचारल्यावर त्यांनीही लगेच परवानगी दिली. त्यातून तयार झाला पुस्तकखुणांचा हा पहिला संच.

या उपक्रमात आपल्या कवितांचा समावेश करू दिल्याबद्दल पेशवा, मिल्या, नीधप, जयवी, श्यामली आणि बेफिकीर यांचे मनःपूर्वक आभार.

बूकमार्क कसे मिळतील -

मायबोलीवर गेली १६ वर्षे वेगवेगळ्या देशात गटग होत आहेत. पण अनेक जुन्या गटगला कोण कोण आले होते याची माहिती उपलब्ध नाही. त्यांचे फोटोही नाही. प्रत्येक गटग (विशेषतः ज्याला बरेच जण जमले असतात) आपल्या परीने एक वेगळा अनुभव असतो. असे अनुभव जतन व्हावे म्हणून ज्या गटगला १० पेक्षा जास्त मायबोलीकर जमले होते त्यांचे ग्रूप फोटो जतन करून ठेवायचा आमचा प्रयत्न आहे. या ग्रूप फोटोला मायबोलीच्या अधि़कृत फेसबुकपानावर विशेष अल्बम मधे जागा दिली जाईल.

गेले काही दिवस मायबोलीवर जाती धर्मविषयक लेख आणि त्यावरच्या प्रतिसादांमध्ये शिवराळ भाषा काही सदस्य वापरत असल्याचे दिसून आले आहे. त्यातले शक्य तेवढे प्रतिसाद अप्रकाशीत केले आहेत आणि ते काम चालूच असते. काही लेखांवर प्रतिसादाचे प्रमाण एवढे आहे की त्यामुळे मूळ लेखच नाईलाजाने अप्रकाशीत करावा लागला आहे.

पाउलखुणांमधला उपविभाग, लेखकाचे/लेखिकेचे लेखन दाखवण्याची सोय पुन्हा सुरु केली आहे. कुठल्याही मायबोलीकराच्या व्यक्तिरेखेत जाऊन "लेखन" या टॅबवर टिचकी मारून हे पूर्वीप्रमाणेच पाहता येईल. मूळ मालकाला स्वतःचे अप्रकाशित लेखन पहायची जी सोय होती ती तशीच या टॅबवर जाऊन पाहता येईल.

एकाच व्यक्तीच्या सगळ्या प्रतिक्रिया पाहण्याची सोय अजूनही बंद ठेवली आहे.

तांत्रिक कारणांमुळे "पाऊलखुणांची" सोय सध्या तात्पुरती बंद ठेवली आहे.

पाऊलखुणांच्या अतिरेकी वापरामुळे सर्वरवर ताण येतो आहे का अशी शंका आहे. आम्ही पर्यायी व्यवस्था शोधतो आहोत.

मायबोलीवर प्रवेश करण्याच्या पायरीत (लॉगिन) एक महत्वाचा बदल करण्यात आला आहे. हा बदल काही आठवड्यांनी जास्त प्रकर्षाने जाणवेल.

यापूर्वी लॉगिन करण्यासाठी मायबोली आयडी वापरावा लागत असे. या पुढे काही आठवडे आयडी किंवा ईमेल यापैकी काहीही एक वापरून मायबोलीवर प्रवेश करता येईल. तुमच्या परवलीच्या शब्दामधे (पासवर्ड) काहीही बदल नाही आणि तोच चालेल. तुमच्या आयडीतही काही बदल नाही.