साठवण

तुझं मला माहित नाही पण मी तरी घट्ट धरून ठेवलेयेत ते क्षण...
वाढून घेते पानांत तुझ्या-माझ्या कडू-गोड आठवणी...
मग चवी चवीने चाखत बसते
जगून घेते ते क्षण पुन्हा पुन्हा ...

तुझं मला माहित नाही पण मी तरी अजूनही जपलाय तो गंध...
लावून घेते हाताला ते अत्तर
मग गंधाळलेला हात हुंगत असते अधून-मधून
श्वासांत भरून घेते तो सुवास पुन्हा पुन्हा...

तुझं मला माहित नाही पण मी तरी संभाळलेयत ते सूर...
तुझ्या-माझ्या आवडीचे गाणे
ऐकत असते मी रोजच
कानांत साठवून घेते ती सुरावट पुन्हा पुन्हा..