तरही

डॉक्टर सर, माझा सहभाग!! आनंदयात्री, तुझे मनापासून आभार!!
_______________________________

चांद सजला, आसमंती खास नुसता
चांदणे आहे खरे की भास नुसता?

दरवळ तुझा, वेड लावी, चित्त चोरी
भान हरते, मात्र चाले, श्वास नुसता....

गोड हसणे, रुसुन बसणे, लाजणेही
सत्य-मिथ्ये, काय जाणू, त्रास नुसता....!!

जाग यावी मज शबनमी आठवांनी
का ठरावे, वेड हे, आभास नुसता?

पाश माझे भोवती आता नकोसे?
बेगडी जगणे असे, उपहास नुसता...!

गझल विभागात एक तरही वाचली आणि सहज गंमत म्हणून हे सुचलेलं टाकतोय........
संबंधितांनी कृपया हलके घेणे.
याला काहीच्या काहीच्या काहीच्या काही कविता म्हणण्यासही आक्षेप नाही.

------------------------------------------------------------------------------------

काय सांगू सासवांना हासण्याची कारणे
जाणार गावी आनंदून मग बांधेन मी तोरणे

जीन्स घालता सुनेने बोलती कुजके जरी
मुलीने करता फ्याशन तिला मॉडर्न संबोधणे

देखणे ते नाक मुलीचे अन् सुनेचे ते वाकडे
मुलगी आणि सुनेला का वेगवेगळे जोखणे?

सून करता विचारपूस यांना वाटते "फॉर्म्यालिटी"
मुलीचे टोमणेही भासती मायाळू ते बोलणे

दु:ख आता फार झाले
पापण्यांना भार झाले

वाहिल्या जखमा मुक्याने
आठवांचे वार झाले

भेटली मज माणसे पण
शब्द माझे यार झाले

संकटांशी झुंजताना
संकटच आधार झाले

हरवले घर पाखराचे
हाल दारोदार झाले

पेटणे हातात नाही
कोळसे लाचार झाले

काय झाले आठवेना
भासही हळुवार झाले

- नचिकेत जोशी

तुझ्याविना या भकास वाटा
तुझ्याविना हा प्रवास खोटा
तुझ्यामुळे ही मिजास आहे
तुझ्याविना मी उजाड गोटा

तुझ्याच तारांमुळे मनाची सुरात आली सतार आहे
तुझ्याविना या जगात माझा जगावयाला नकार आहे

तुला बघावे किती दिशांनी तुला स्मरावे किती खुणांनी
मरून व्हावे जिणे सुगंधी अशी गुलाबी कट्यार आहे

कधी अबोला कधी दुरावा कधी तुझ्याशी उगाच त्रागा
तारीहि वर्षाव काळजीचा तुझ्यात प्रीती अपार आहे

बघा जरा हे जपून वाचा धरून ठेवा हृदय उराशी
नसेल माझा प्रभाव साधा अजून शब्दास धार आहे

हवे तसे ती करीत नाही खट्याळ हट्टी असे प्रिया ही
दुखावणाऱ्या तिच्या ढगाला तरी सुखाची किनार आहे