हे निसर्गा,...
तुझ्या सौंदर्याचे गाणेही
आम्ही इथे गायली आहेत
तुझी उग्रवादी रूपे ही
सदैव आम्ही पाहिली आहेत
हे निसर्गा सांग असा का
आम्हावरती कोपतो आहेस
कोपता-कोपता आमच्यावर
का स्वत:लाही कापतो आहेस,.?
विशाल मस्के
सौताडा, पाटोदा, बीड.
मो.९७३०५७३७८३
इंटरनेट स्वातंत्र्य,...?
नेटच्या वाढत्या वापरावरती
कुणी व्हायरस सोडू पाहतात
वेग-वेगळ्या नेट वापरासाठी
वेग-वेगळा चार्ज जोडू पाहतात
असा टेलिकॉम कंपण्यांकडून
हा उतावळा पणा झाला आहे
नेटीझन्सच्या स्वातंत्र्यावरतीच
कंपन्यांकडून हा घाला आहे
विशाल मस्के
सौताडा, पाटोदा, बीड.
मो.९७३०५७३७८३
मी शेतकरीच बोलतो आहे,...
तुम्हा सर्वांना आपुलकीनं सांगतो आहे
होय,मी शेतकरीच बोलतो आहे,...||धृ||
आजवर खुप भोगलं आहे
अजुनही खुप भोगतो आहे
जीवनावरती कर्ज काढून
जीवन आज जगतो आहे
आजही जगण्यासाठी धडपडतो आहे
होय,मी शेतकरीच बोलतो आहे,...||१||
दूष्काळानं होरपळलं आहे
अवकाळही छळतो आहे
आता निसर्गही आमच्या
जगण्याशीच खेळतो आहे
तरीही जगण्याला उमेदीनं पेलतो आहे
होय, मी शेतकरीच बोलतो आहे,...||२||
दुष्काळात अन् अवकाळात
कित्तेकजण दौरे करून गेले
कुणी सांत्वन करून गेले तर
कुणी-कुणी फक्त फिरून गेले
कुणी अजुनही कागदोपत्री फिरतो आहे
होय,मी शेतकरीच बोलतो आहे,... ||३||
आयुष्याला नवी कहाणी सांग 'जितू'
रोज तेच ते जगून कंटाळा येतो
-------------------------------------
मावळलेला दिवस रात्रभर जागवतो
आणि नव्याने अंधारच मग उजाडतो
माझ्यासोबत कधीच नसतो आनंदी
तुझ्या संगतीने मी इतके विस्मरतो
येणारा क्षण म्हणतो 'क्षणभर जगून घे'
मी गेलेल्याच्या वाटेवर घुटमळतो
अर्धा पेला नेहमीच बाकी माझा
पापणीत अव्यक्तपणे मी साठवतो
देवासाठी जिथे तिथे मंदिर बांधा
आई-बापासाठी वृद्धाश्रम असतो
तुला यायचे असेल तेव्हा ये कविते
तोपर्यंत मी गझलेवरती भागवतो
....रसप....
०९ एप्रिल २०१५
