कथामालिक

“अवि काय विचार केलायस?”

“कशाबद्दल?”

“तुला माहिती आहे कशाबद्दल बोलतेय मी. तृप्ती मावशीच्या रेफरन्सने आलेल्या स्थळाबद्दल बोलतेय मी. काय ठरवलं आहेस? कधी भेटणार आहेस तिला?”

“हे बघ आई, तू अशी दंडूका घेऊन मागे नको लागूस माझ्या. मी बघतो एकदोन दिवसात म्हंटलं ना तुला. सध्या जरा काम खूप आहे ऑफीसमधे. मला घरी यायलाही उशीर होतोय रोज, तू बघत्येस ना.”

“अरे! पण भेटायला ना नाही ना तुझी? ते तर सांग. कालच तृप्ती “काय ठरलं?” विचारत होती. तू हो म्हणाल्याशिवाय मुलीकडच्यांना काही कमीट करु नकोस म्हंटलंय मी तिला”