टोकियो ऑलिंपिक

नियोजित वेळापत्रकाच्या एक वर्ष पुढे गेलेल्या टोकियो ऑलिंपिक स्पर्धेचे 23 जुलैला अधिकृतपणे उद्घाटन होत असले तरी त्यातील फुटबॉल आणि सॉफ्टबॉल स्पर्धांना 21 जुलैपासूनच सुरुवात होत आहे. या क्रीडा स्पर्धांसाठी जगभरातील क्रीडारसिकांचे स्वागत करण्यासाठी ‘मिराईतोवा’ आणि ‘सोमेईती’ हे दोघंही टोकियोमध्ये पार पडत असलेल्या उन्हाळी ऑलिंपिक आणि पॅरालिंपिकचे शुभंकर आता सज्ज झालेले आहेत. पण ‘कोविड-19’च्या महासाथीमुळे यावेळी त्यांना आपल्या सर्वांचे स्वागत आभासी पद्धतीनेच करावे लागणार आहे.