आमने सामने

रात्रीची वेळ. एक गाडी एका बंगल्याबाहेर येऊन थांबते. आतून एक पुरुष उतरतो. बंगल्याच्या पायऱ्या चढताना थोडा थबकतो. आपल्याला त्याचे फक्त पायच दिसतात. बंगल्यात दिवा दिसत असतो. अचानक एका बाईची किंकाळी रात्रीची शांतता भेदून जाते. बंगल्यातले नोकरचाकर जागे होतात, बाहेर धावत येतात आणि एक पळून जाणारी व्यक्ती नेमकी त्यांच्या हाती लागते. इथे १९६७ सालच्या सुरज प्रकाश निर्मित आणि दिग्दर्शित ‘आमने सामने’ ह्या चित्रपटाची टायटल्स सुरु होतात.