इजिप्त

संस्कृत/मराठी मध्ये एक शार्दूलविक्रीडित नावाचं वृत्त आहे, ज्याची मला अलीकडेच एका मित्राने तोंडओळख करून दिली. ह्या वृत्तात बरेच प्रसिद्ध मंत्र/स्तोत्र आणि कविता आहेत. उदाहरणार्थ मंगलाष्टकं, प्रारंभी विनंती, रामो राजमणी आणि कवितांमध्ये आजीचे घड्याळ, आम्ही कोण? अशा ह्या वृत्तातली ही कविता.
.
आहे तसा भृंग मी

मी एथेन्स मधील सुंदर किती, खिंडार ते पाहिले,
कोलोजीयम रोमचे बघितले, प्राचीन होतो भले.
मी पॅरीस मधील ऐफल उभे, पाहून झालो खुळा
भूमध्यात विशाल सागर वसे, स्वप्नांतला तो निळा.

सकाळी ६:०० वाजता जाग तर आली, पण ती नक्की कशामुळे आली हे सांगणे अवघड आहे, कारण तेव्हा साईड टेबलवर ठेवलेल्या फोनचा अलार्म आणि चर्चची घंटा दोन्ही एकाचवेळी वाजत होते. थंडी चांगलीच होती. उबदार रजई मधून बाहेर पडायची इच्छा होत नसली तरी उठणे भाग होते.

ब्रश करून कालच्याप्रमाणेच स्वतःच चहा बनवून आणला. मग आरामात तयारी करून ६:५० ला रूम मधून बाहेर पडलो.