तत्त्वज्ञान

मित्रत्व

कुणाकडून नियतीत आहेत
कुणाकडून नियती बाहेर आहेत
मित्रत्वाच्या व्याख्या इथे
एकापेक्षा एक माहिर आहेत

आप-आपल्या विचारांनुसार
खरे मित्रत्व सांगु लागले
हास्यास्पद अन् गंभीर वारे
सोशियल मिडीयात झिंगु लागले

विशाल मस्के
सौताडा, पाटोदा, बीड.
मो.९७३०५७३७८३

फ्रेंडशिप डे

ह्रदयापासुन निघालेला
ह्रदयापर्यंत वे असतो
शुभेच्छा देण्या-घेण्यासाठी
फ्रेंडशिपवाला डे असतो

आपुलकीच्या वर्षावाचा
रोजच इथे वारा वाहतो
मात्र "फ्रेंडशिप डे" हा
आहे म्हणून साजरा होतो

विशाल मस्के
सौताडा, पाटोदा, बीड.
मो.9730573783

सदरील वात्रटिका ऑडीओ स्वरूपात ऐकण्यासाठी व्हाटस्अप नंबर : 9730573783

चव

ज्या गोष्टींचा आदर करावा
त्यांची कदर होत नाही
चांगल्याचाही चांगुलपणा
कधी सादर होत नाही

कोणत्या गोष्टींना कसे पहावे
हे तर संस्काराचे पेव असते
मात्र बेचव माणसांना
चवीचीही चव नसते,...

विशाल मस्के
सौताडा, पाटोदा, बीड.
मो.९७३०५७३७८३

जीवनात

जीवन हे खुप सुंदर आहे
मात्र सुंदरतेत येऊन बघावे
सुंदर जीवन जगण्यासाठी
गतानुगतिक होऊन वागावे

जाणीवपुर्वक वा अभावितपणे
कधीच हातुन घडु नये गुन्हा
करा आयुष्यात सत्कार्य सदैव
हे जीवन नाही पुन्हा-पुन्हा

विशाल मस्के
सौताडा, पाटोदा, बीड.
मो. ९७३०५७३७८३

शिक्षा

हव्या तेवढ्या पळवाटा
पळून पाहिल्या जातात
त्याच-त्याच वाटा सुध्दा
वळून पाहिल्या जातात

पण याचनेला भिक घालत
गुन्हेगारांना ना सुरक्षा असते
ज्याने कॅपीटल गुन्हा केलाय
त्याला कॅपीटल शिक्षा असते

विशाल मस्के
सौताडा, पाटोदा, बीड.
मो. ९७३०५७३७८३

"बजरंगी भाईजान" ने प्रेरीत होऊन त्याचा मराठी रिमेक बनवायचे एका मराठी चित्रपट निर्मात्याने घोषित केले आहे.
चित्रपटाचे नाव "मारुती भाऊ" असे असेल आणि मुंबईत हरवलेल्या पुणेकर मुलीला एक मुंबईकर कशी मदत करतो हे दाखविले जाईल.
पुण्यात मुलीला सोडताना त्याला ज्या अडचणी येतात, जसे की तुसडेपणाने बोलणारे पुणेकर, पत्ता विचारल्यावर तोंड वाकडं करणारे पुणेकर अशा अनेक अडचणी दाखविल्या जातील.
याशिवाय एक विशेष साहस द्रुष्य असेल ज्यात सिग्नल तोडुन नो एन्ट्री मधे घुसणार्या एका पुणेकराच्या दुचाकी पासुन मारुती भाऊ त्या मुक्या मुलीला वाचवतो.

हतबलता,...

पळून-पळून थकले जातात
हरलेला डाव कळून घेतात
जेव्हा उपलब्घ पळवाटाही
परिस्थितीपुढे पळून जातात

परिस्थितीचे गांभिर्य पाहून
चहूबाजुनेच फेटाळलं जातं
तेव्हा मात्र उम्मीद सोडून
हतबलतेला कवटाळलं जातं

विशाल मस्के
सौताडा, पाटोदा, बीड.
मो. ९७३०५७३७८३

जाती-धर्म

मना-मनात वाढणारी
जाती-धर्माशी आपुलकी असते
जाती-धर्मीयांचा पुळका
हि गोष्टही शेलकी असते

ज्याच्या-त्याच्या संस्कारानुसार
ज्याच्या-त्याच्या शिस्त असतात
मात्र कर्तृत्ववान माणसं कधीच
जाती-धर्मात बंधिस्त नसतात

विशाल मस्के
सौताडा, पाटोदा, बीड.
मो. ९७३०५७३७८३

निमित्त एकादशीचे

अंत:करणातल्या भक्तीचा
हा आनंद उतप्रोत असतो
मनी समाधान लाभण्याचा
हा अध्यात्मिक स्रोत असतो

हलक्या-फुलक्या अन्नासाठी
उपवास निमित्त ठरला जातो
अन् पोट भरेपर्यंत फराळावर
मनसोक्त ताव मारला जातो

विशाल मस्के
सौताडा, पाटोदा, बीड.
मो. ९७३०५७३७८३

पुळके

प्रसिध्दी मिळविण्यासाठी
उगीचंच त्यांचे स्टंट असतात
पण सांगा त्यांनाही कुणीतरी
शेळ्या हाकण्या उंट नसतात

मना-मनामध्ये माजलेले
अविचाराचे घोळके असतात
अन् नको असलेल्या गोष्टींचेही
कुणा-कुणाला पुळके असतात

विशाल मस्के
सौताडा, पाटोदा, बीड.
मो. ९७३०५७३७८३