दोधाणे

पावसाच्या सरी नभातून बरसू लागल्या की ओल्या मातीचा सुगंध दरवळतो... गार वारे वाहू लागतात.. मातकट पिवळ्या रंगाचे रान आता गर्द हिरवे होउन जाते.. झाडं-फुले अगदी टवटवीत दिसू लागतात.. वाहत्या पाण्याचा खळखळाट सुरु होतो.. !! निसर्ग जणू आनंदाने सर्व सृष्टीला या वर्षाउत्सवाचा आस्वाद घेण्यासाठी विनवू लागतो... !

पावसाच्या सरी नभातून बरसू लागल्या की निसर्गाची ही विनवणी आमच्या मनापर्यंत पोहोचते.. डोंगरदर्‍या-गडकिल्ले डोळ्यासमोर दिसू लागतात... सॅक तयार ठेवूनच सवंगडयांना हाक दिली जाते... 'चल जाऊ' म्हटलं की मन चिंब करण्याच्या आतुरतेने पावलं डोंगराच्या दिशेने वळतात.. !