लुआंडा चौपाटी

लुआंडा हि अंगोलाची राजधानी. महत्वाचे बंदर आणि विमानतळही. इथल्या समुद्राजवळ एक खास भौगोलीक रचना आहे. जमिनीची एक चिंचोळी पट्टी समुद्रात दुरवर गेलेली आहे ( गूगल अर्थ वर अवश्य बघा.)
चिंचोळी म्हणालो तरी ती बरीच रुंद आहे. तिच्यावर अनेक हॉटेल्स आहेत. माझ्या माहितीतले एकमेव भारतीय हॉटेलही तिथेच आहे.

त्या चिंचोळ्या पट्टीच्या पश्चिमेला नेहमी असतो तसा बीच आहे. वाळूचा रंग अबोली आहे. तिथल्या समुद्रावर मोठमोठ्या लाटा येत असतात. कुठल्याही समुद्रकिनार्‍यावर असतो तसा तिथे धिंगाणा चालू असतो.

या चिंचोळ्या पट्टीच्या पूर्वेला एक लगून सारखा भाग आहे. त्याचा किनारा बांधून काढलेला आहे.