बुलेट ट्रेन

बघता बघता आपल्या डोळ्यांसमोर मुंबई-अहमदाबाद बुलेट ट्रेन धावायला लागेल तो दिवस आता फार दूर नाही.
यानिमित्ताने मनात उठलेले प्रश्न
प्रश्न उठायचे कारण - बुलेट ट्रेननिमित्त होणारा अवाढव्य खर्च - तब्बल १.१ लाख कोटी !
आणि त्याचा मला पर्सनली काहीच न होणारा फायदा.
अर्थात मी टॅक्स भरतो म्हणून प्रत्येक गोष्टीचा फायदा मला व्हायलाच पाहिजे असे गरजेचे नाही, देशाचा विकास याला देखील आपलाच फायदा म्हटले पाहिजे.
पण बुलेट ट्रेन हि खरेच विकासासाठी आहे का? असल्यास कोणाच्या विकासासाठी? आणि तो देखील होणार आहे का?

भाजपने भारतात बुलेट ट्रेन सुरू व्हावी असं निवडणुकी आधी सूचित केलं होतं. निवडून आल्यानंतरही बोलून दाखवलं होतं. मुंबई अहमदाबाद या मार्गाचं सवेक्षण झालेलं आहे असंही सांगितलं गेलं होतं. रेल्वेमधे काय बदल व्हावेत असा भाजपाचा एक फोरम आहे, यात बुलेट ट्रेनला वाढता पाठिंबा आहे. हे सरकार बुलेट ट्रेन आणू शकेल याबद्दल शंका नाही.

पण भारतात या मार्गावर बुलेट ट्रेन यावी का ?
उत्तर हो असल्यास कारणे अपेक्षित आहेत. नाही असल्यासही कारणे अपेक्षित आहेत.