कॉलेज

सुट्ट्या संपल्याचा आनंद,...

दिर्घकाळ भेटलेल्या सुट्टीलाही
दिर्घकाळाचीच रजा असते
जुण्या आठवणींच्या जोडीला
नव्या क्षणांची मजा असते

शाळेचा पहिला दिवस सदैव
उत्सुकतेत पहूडलेला असतो
अन् सुट्ट्या संपल्याचा आनंद
मना-मनात वाढलेला असतो

विशाल मस्के
सौताडा, पाटोदा, बीड.
मो.९७३०५७३७८३

अॅडमीशन घेताना

दिवसें-दिवस वाढणारे
मार्गदर्शक धडे असतात
विद्यार्थ्यांच्या मना-मनात
अँडमीशनचे कोडे असतात

शाळा आणि कॉलेजच्याही
कधी नीयतीत बाक असतो
अँडमीशनला भेडसावणारा
कुठे डोनेशनचा धाक असतो,.?

विशाल मस्के
सौताडा, पाटोदा, बीड.
मो.९७३०५७३७८३

पदव्यांचे बनावटीकरण,...!

रोज नव-नवे नावं पाहून
पाहणारेही खिन्न आहेत
कित्तेकांच्या पदवीवरती
आता प्रश्नचिन्ह आहेत,.!

सिस्टम हाती आल्यावरती
हवी तशी पिळवता येते,.?
बोगसबाजी करून देखील
इथे पदवी मिळवता येते,.?

या बोगसबाजीनं कुणा-कुणाचे
चारित्र्यही गमावले आहेत,..!
अन् बनावट पदवी प्रकरणात
आता भुजबळही सामावले आहेत,.?

विशाल मस्के
सौताडा, पाटोदा, बीड.
मो.९७३०५७३७८३

नापासांसाठी,...

विद्यार्थ्यांच्या कल्याणाला
वेळेवरतीच धावले आहे
अन् नापासांच्या हितासाठी
सरकारही सरसावले आहे

आता अॉक्टोबरच्या वेटिंगची
काहींना गरज भासणर नाही
अन् वर्ष वाया जाण्याची भीती
नापासांनाही असणार नाही,.!

विशाल मस्के
सौताडा, पाटोदा, बीड.
मो.९७३०५७३७८३

करिअरच्या पाऊलखुणा

विध्यार्थ्यांच्या भविष्याचे
निकालातच मंथन असते
यशस्वीतांचे अभिनंदन तर
अयशस्वींचे सांत्वन असते

कुणाचे आनंद फुलून येतात
कुणाचे आनंद ग्रासुन जातात
मात्र करिअरच्या पाऊलखुणा
निकालातुनच दिसुन येतात

विशाल मस्के
सौताडा, पाटोदा, बीड.
मो.९७३०५७३७८३

शिक्षण ऑनलाइन

नव-नविन शिकण्यासाठी
आता ऑनलाइन दुवे आहेत
शिकण्यासाठी खुप आहे
मात्र शिकणारे हवे आहेत

वेग-वेगळ्या ऑप्शनसह
वेग-वेगळे फिचर आहेत
नव-नविन शिकवायला
ऑनलाइन टिचर आहेत

विशाल मस्के
सौताडा,पाटोदा,बीड.
मो.९७३०५७३७८३

व्हाटस्अप वरून डेली वात्रटिका मिळविण्यासाठी व्हाटस्अप नंबर :- 9730573783

कर्माची पावती

हाती आलेल्या निकालाने
कुणी सुखावणारे असतात
तर निकालाला पाहून मात्र
कुणी दुखावणारे असतात

अशी निकालाची घूसमट मनात
सुख-दु:खाच्या अवती-भवती असते
पण हाती आलेला निकाल मात्र
आपल्या कर्माचीच पावती असते

विशाल मस्के
सौताडा,पाटोदा,बीड.
मो.९७३०५७३७८३

अपयशस्वी मित्रांनो

धावणारे तर सगळेच असतात
जिंकणारे मात्र सगळे नसतात
पण न जिंकणारे माणसंही
कर्तबगार वेग-वेगळे असतात

आप-आपल्या आवडीनुसार
आपले कार्यक्षेत्र टिकले पाहिजे
कधी खड्डयामध्ये पडलं तरीही
उठून पळायला शिकले पीहिजे

विशाल मस्के
सौताडा,पाटोदा,बीड.
मो.९७३०५७३७८३

रिझल्ट ऑनलाइन

निकालाची तारीख जवळ येता
मनातील उत्सुकता वाढत असते
पण उत्सुकलेल्या मनातही मात्र
निकालाची आशा धडधड असते

होणार्या अत्यल्प विलंबालाही
मन कदापीही राजी नसते
म्हणूनच मोबाईल अन् कँफेवरील
निकालाची वेबसाइट बीझी असते

विशाल मस्के
सौताडा,पाटोदा,बीड.
मो.९७३०५७३७८३

निकालाचे सत्य

आता उत्सुकता वाढू लागली
कोण पास-कोण फेल आहे,.?
परिक्षा झाली,प्रतिक्षा संपली
आता निकालाची वेळ आहे

टक्केवारीत मागे-पुढे करत मन
आकड्यांचा कल्पतरू असते
अन् निकाल हाती येण्याआधीच
काळजात घालमेल सुरू असते

विशाल मस्के
सौताडा,पाटोदा,बीड.
मो.९७३०५७३७८३