कॉलेज

विचार विचारवंतांचे

पुरोगामित्वाचा विचार
समाजात पटत जातो
मारल्यानंही मरत नाही
तो जास्तच पेटत जातो

विचारवंत मरतील कदाचित
विचार मात्र जिवंत राहतील
क्रांतीकारकांचे कार्य देखील
त्रिकालबाधित ज्वलंत राहतील

विशाल मस्के
सौताडा, पाटोदा, बीड.
मो.९७३०५७३७८३

सखे,...

सखे दमला का गुदमरला
सखेद मला कागुद मरला
लेखणीत लाजोर खळ बळला
लेखणीतला जोर खळबळला

कशा समजाऊ भावना मी
कशास मजा ऊभा वना मी
आसुसलेलो भेटायला
आसु सले लोभे टायला

समजाऊन घे मन माझे
समजा ऊन घे मन माझे
सखे तु होशील सावली
सखे तु हो शील सावली

तुझे मनन हे वेडावलो
तुझे मन न हे वे डावलो
या वे वरती मना सारखे
यावे वरती मनासारखे

तुझा वेडा पिसारा जा गं
तुझा वेडापिसा राजा गं
दिला चिमनी तु साद गं
दिलाची मनी तु साद गं

रक्षा बंधनाच्या निमित्ताने

रक्षाबंधनाने समाज बदलेल
या आशेवर कदापी जाऊ नये
कुणीतरी रक्षण करील म्हणून
बहिणींनो हतबल राहू नये

स्वत:चं रक्षण करण्यासाठी
स्वत: दक्ष असायला पाहिजे
समाजाच्या बदलत्या दृष्टीवर
सदैव लक्ष असायला पाहिजे

रूढी परंपरांचे असे विधी
जरूर जरूर छंदले जावे
मात्र रासवटांच्या मनालाही
नैतिक बंधनं बांधले जावे

विशाल मस्के
सौताडा, पाटोदा, बीड.
मो.९७३०५७३७८३

ठिणगीवाली बात

कुणाला कमी जमजणे हा
पश्चातापी प्रकार होऊन जातो
अन् छोट्या-छोट्या गोष्टींचाही
भलामोठा अनुभव येऊन जातो

मोठ्या-मोठ्यांची मोठी बात
छोट्या गोष्टींवर अडकू शकते
अन् ठिणगीवाली बात सुध्दा
वनवा होऊन भडकू शकते

विशाल मस्के
सौताडा, पाटोदा, बीड.
मो.९७३०५७३७८३

फिल्मवरचे जीवन

फिल्म बघता-बघता
फिल्मी वागू लागले
फिल्मी नशा बाळगत
फिल्मी जगु लागले

फिल्म बघता-जगता कुठे
जीवनात फिल्मी ठेवण आहे
जीवनावरच्या फिल्म ऐवजी
जणू फिल्मवरचे जीवन आहे

विशाल मस्के
सौताडा, पाटोदा, बीड.
मो.९७३०५७३७८३

यश मिळवताना

यश मिळवायचं असेल तर
प्रयत्न हे करावे लागतात
ध्येयपुर्तीचे ध्येय वेडे
मनामध्ये भरावे लागतात

ध्येयही त्यांचेच पुर्ण होतात
ज्यांची इच्छाशक्ती प्रबळ असते
मात्र इच्छा हिन माणसांकडून
उदासिनतेचीच खळबळ असते

विशाल मस्के
सौताडा, पाटोदा, बीड.
मो.९७३०५७३७८३

छोटे दुकानदार, शो- रुम, सर्विस स्टेशन, डॉक्टर, वकील, बॅन्क, पतसंस्था, समाजसेवी संस्था, रुग्णालये, शाळा, महाविद्यालये, वाचनालय इत्यादी साठी उपयुक्त!

महोदय,
आपण सुरु करणार असणार्या / सुरु असलेल्या सर्व उपक्रमांमध्ये आपल्या सर्व सहकार्यांिना व ग्राहकांना सामावुन घेण्यासाठी त्यांचेशी जलद व तत्पर सम्पर्कात असणे गरजेचे आहे.

उंची

कधी प्रांजळ मनानं तर
कधी कपटी धोरण असतं
कुणाच्या खच्चीकरणासाठी
कुणाचं उंचीकरण असतं

एकमेकांची उंची गाठण्याची
एकमेकांमध्ये चुरस असते
मात्र वाढवलेल्या उंचीपेक्षा
वाढलेली उंची सरस असते

विशाल मस्के
सौताडा, पाटोदा, बीड.
मो.९७३०५७३७८३

ये आझादी झूठी है,...?

स्वातंत्र्याकडे पाहण्याच्याही
वैचारिकता भिन्न-भिन्न आहेत
स्वातंत्र्यात जगत असलो तरी
स्वतंत्र्यावरच प्रश्नचिन्ह आहेत

आधी बाहेरच्यांनी देश लुटला
आता म्हणे आपलेच लुटत आहेत
स्वातंत्र्यात जगुनही गरिब,कष्टकरी
पारतंत्र्यापरि फरफटत आहेत,...?

विशाल मस्के
सौताडा, पाटोदा, बीड.
मो.९७३०५७३७८३

दारिद्रयाची परिसिमा

गरीब आणि श्रीमंती मध्ये
स्वातंत्र्य सर्रास दुय्यम आहे,.?
स्वातंत्र्यात जगत असलो तरी
इथले दारिद्रय कायम आहे,.!

या समस्या लक्षात घेऊन
आता युक्ती चालवली पाहिजे
अन् दारीद्रयाची परिसिमाच
देशाबाहेर घालवली पाहिजे

विशाल मस्के
सौताडा, पाटोदा, बीड.
मो.९७३०५७३७८३