अशोक सराफ

आज मराठी भाषा दिनाच्या निमित्ताने, मराठी मनावर गेली पन्नास वर्षे तरी आपल्या आगळ्या वेगळ्या विनोदाची मोहोर ठसवून हसवत ठेवणाऱ्या अशोक सराफ या नटवराला नमन करावेसे वाटले. यंदा पंच्याहत्तरी गाठलेल्या त्यांना खरंतर आदराने, मानाने नटवर्य म्हणावे लागेल पण त्यांच्या खट्याळ विनोदी भूमिकांचा विचार करता 'नटवर' च जास्त जवळचे वाटेल. त्यांचा जन्म कधी कुठे झाला , मग शिक्षण नोकरी आणि रुपेरी पडद्यापर्यंतचा प्रवास ही अभ्यासपूर्ण माहिती आपल्याला इंटरनेटवर मिळूच शकते त्यामुळे त्या तपशीलात न जाता या लेखात मी फक्त मला भावलेला अशोक सराफ शब्दात मांडण्याचा प्रयत्न करणार आहे.

काहि वर्षांपुर्वी एक चित्रपट आला होता. कळत नकळत्...त्यातलं गाणं आठवतंय ?..
नाकावरच्या रागाला औषध काय ?

अशोक सराफ या माणसाचं किती कौतूक करावं तेवढं थोडंच आहे. ह्या माणसाने ह्या गाण्याचं सोनं केलय हे मात्र अगदि नक्कि. लहानग्या मुलीला..समजावताना..मधेच तिची खोडी काढ्णे...केवळ अप्रतीम.

गाण्याच्या शेवट्च्या कडव्यात..नाकावरच्या रागाला औषध काय ? हे म्हणताना..त्याने मुलिच्या आई कडे पाहुन जो कटाक्ष टाकला आहे तो खूप काहि सांगून जातो....

काहि वेळा माणुस खरच चुकतो. पण खरि चूक कबूल केली असेल तर त्या माणसाला माफ करणे योग्य. असो....