अरुंधती कुलकर्णी - मलाही कोतबो : मी एक डुप्लिकेट आयडी
Submitted by अरुंधती कुलकर्णी on 4 September, 2014 - 07:11
मी आहे एक डुप्लिकेट आयडी! तुम्ही मला ओळखलंच असेल. आणि नाही ओळखलंत तरी बिघडत नाही. मी सदोदित वेगवेगळी नावे व रूपे घेऊन मराठी भाषिक संकेतस्थळांवर भिरभिरत असतो. (काय करणार! आपलं इंग्रजी तसं अर्धं-कच्चं आहे ना, राव!) मला निरनिराळी रूपे धारण करण्यात खूप मजा येते. मनातील सारे सल, चिडचिड, संताप, हेवा, वैताग, मळमळ, गरळ.... जे काही म्हणून आहे ते मी या संकेतस्थळांच्या पानांवर ओतत असतो. माझ्या बडबडीला भलेभलेही घाबरतात असा माझा संशयच नव्हे, तर पक्का दावा आहे! मला व माझ्या वावराला इतर वाचक घाबरतात, मला दबून राहतात, मी हल्ला केला की गप्प बसतात आणि माझ्या अक्राळविक्राळ गर्जना ऐकल्या की धूम ठोकतात!
विषय:
शब्दखुणा:
