नवा जंजीर परीक्षण

जंजीरचा रिमेक पाहीन असं वाटलं नव्हतं. रिमेक म्हटलं कि गोंधळ उडतो. त्यातून ज्या सिनेमाचा तो रिमेक असेल तो सिनेमा जर हिंदी चित्रपटसृष्टीच्या इतिहासातला मैलाचा दगड असेल तर एक प्रेक्षक म्हणून जुन्याचा पगडा कसा झुगारून द्यायचा हा प्रश्न पडतो. खरंतर नव्या आवुत्तीवर हा अन्याय आहे हे कळत असतं, पण काही गोष्टींना हात न घातलेलाच बरं असंही वाटतं. अमिताभ बच्चनला एका रात्रीत सुपरस्टार बनवणारा, अँग्री यंग मॅनचं युग सुरू करणारा हा ऐतिहासिक सिनेमा आहे. प्रकाश मेहरा, सलीम जावेद, प्राण अशा बड्या नावांना एकत्र आणणारा हा सिनेमा.