नाम नामेति नामेति

स्ट्रेसबस्टर धागा झालाय हा

@मनिम्याऊ - मला ३ महिन्या पूर्वी मुलगा झाला. या वेळी मुलगी होईल असे वाटून मी काही नावे shortlist केली होती. तुमच्या दिर- जावेच्या नावाचे कॉम्बिनेशन मध्ये Manodhnya / मनोज्ञा एक सुचतंय.
मी shortlist केलेली नावे ही आहेत
उर्मी
मनस्वी
नभा
द्विजा
व्योमा
इशानी
शगुन
हृता
अन्विता
ओजस्वी
अनिना
आभा
अव्याना
ध्रीती
किमया
श्रिया

व्योमा किती सुंदर नाव आहे. नक्की भरारी घेणारच मुलगी. मोकळं आकाश.

'मी एक पक्षीण आकाशवेडी
दुजाचे मला भान नाही मुळी' - ही कविता आठवली.

'असं एखादं पाखरु वेल्हाळ,
त्याला सामोरं येतया आभाळ'

व्योमा नि तां त सुंदर वाटलं मला. नभाही छान आहे पण व्योमाची उत्तुंगता नाही.

माझ्या पहिल्या मुलाचे नाव श्लोक आहे. दुसऱ्या मुलाचे नाव सुचवा ना please.
अभंग हे नाव सोडून दुसरे कुठले नाव जे पहिल्या मुलाच्या नावसोबत जुळणारे असेल. (अर्थाने जुळणारे किंवा श/श्र या अक्षराने जुळणारे )
अर्चित, आव्यान, व्योम, शर्वीन हे नावं shortlist केले आहेत. श्र्लोक चा एक अर्थ प्रार्थना हा होतो आणि अर्चित चा अर्थ देखील मिळता जुळता आहे म्हणून माझ्या मोठ्या मुलाला ते नाव आवडले आहे.
माझ्या मते अर्चित म्हणजे ज्याचे अर्चन म्हणजे पूजा झाली आहे तो..म्हणजेच पूजनीय . हा अर्थ योग्य आहे का? तसेच शर्वीन चा अर्थ काय असावा ?
आणि अजून काही नावे सुचवायला व्यासंगी मायबोलीकरांनी मदत करा ना..

सुनीत

महिषा = म्हैस आणि महाराणी/ साम्राज्ञी दोन्ही होईल बहुतेक

वर प्राणनाथ आलाच आहे, यावरून “म्हशीचा प्राणनाथ” आठवले. म्हणजे रेडाच, पण सुस्त मद्दड पुरुषासाठी वापरतात

महिषा >>> हे महाराणी नाही होणार. महिषी होईल.

@मृदगंधा
श्रीश - विष्णू, शालीन, शुभम, श्रेय
माझ्या कॉलेजमध्ये एक अर्चिस होता. 'पवित्र अग्नि' असा नावाचा अर्थ सांगायचा.

मग गूगलदेवाचाच शब्द प्रमाण मानावा लागेल

( गुगल ने अर्थ सांगितला-ग्रेट पावरफुल असा )

धन्यवाद मानव पृथ्विकर व माझेमन

श्लाघ्य ( प्रशंसनीय )

श्राव्य

अर्चिस होता. 'पवित्र अग्नि' असा नावाचा अर्थ सांगायचा...... अर्चिस म्हणजे सूर्य.

नभा नाव खुप आवडलं. ऋता / ह्रुता (शब्द लिहिता येईना) चा अर्थ काय?

अन्वित माझं आवडतं नाव आहे. माझ्या लेकाचं नाव जन्माच्या आदल्या दिवशी पर्यंत हेच असणार होतं. ऐन वेळेला आम्हाला (मी आणि बहिणीला) रिदित आवडलं मग शेवटी चिठ्ठ्या टाकल्या आणि रिदित फायनल झालं. फिरंगी त्याला रिडईट म्हणतात पण असो.

शर्वीन शंकराचं नाव आहे म्हणतात. माझ्या मावसभावाचं आहे. माझा मावसभाऊ असाला तरी तो ५ वर्षाचा आहे.

मुलांची नावे
राष्ट्रपती, राज्यपाल, कलेक्टर, साहेब, तलाठी, तहसीलदार, मेंबर, अशी ठेवलेली पाहिली आहेत. जपान हे सुद्धा नाव असतं.
साजन हे नाव कॉमन आहे. प्रेमनाथ, हृदयनाथ ही नावं सेलेब्रिटींची आहेत. प्राणनाथ हे नाव एका जनरल स्टोअर वर वाचले आहे.
त्या पुढे जाऊन अहो, स्वामी, बालम, बलमा, इकडमस्वारी अशी नावं ठेवायला हरकत नाही.

जपान नाव असलेला दाक्षिणात्य मूव्ही कालच पाहिला. मस्त आहे

मुलांची नावे राष्ट्रपती, राज्यपाल, कलेक्टर, साहेब, तलाठी, तहसीलदार, मेंबर, अशी ठेवलेली पाहिली आहेत.>> साहेब पण नाव असतं.

हो , आमच्या वर्गात साहबेराव होता एक.
आणि एक भैय्यासाहेब.

आजच सकाळी वेगळं नाव वाचलं - अंगक्रिश ( कोलकता नाईट रायडर चा खेळाडू)
एक influencer couple आहे , ते आपल्या मुलीला " स्कायु " म्हणून हाक मारतात , तिचं नाव काय आहे अजून कळलं नाही .

अनल म्हणजे अग्नी. ताईंनी लेखात संस्कृत नावांचे अर्थ सांगितले आहेत.
याच नावाला अपवाद का केलाय ? एक तो संस्कृत पे कायम रहो या इंग्लीश पे.

स्कायु कोरियातली मराठी फॅमिलीवाली का, मी परवाच एक vlog पाहिला तिचा, स्कायु काही कळेनाच. स्काय नाव ठेवलंय की काय असं वाटलं.

स्कायना असेल.

क्रांती च्या मुलींची नावं पण काहीतरी वेगळी आहेत ना
छबील आणि?

असं नाव असतं मानव. पहिल्यांदा ऐकलं.

स्काय नावही कोणी ठेवलेलं ऐकलं नाहीये अजून.

किल्ली क्रांतीच्या मुलींची नावं झिया आणि झायदा आहेत. ती लाडाने गोदू आणि छबिल म्हणते.

स्कायू, स्कयनावरून अजून काही नावं सुचली

स्कायली, सूर्याक्षी, मूनवती, शनिकर्णिका, गॅलक्षी, आकाशगंगा, प्लुटोली, दीर्घिका, प्रकाशवर्षा.

स्काय नावही कोणी ठेवलेलं ऐकलं नाहीये अजून. >>> Breaking Bad मधे आहे ना स्कायलर. तिला स्काय म्हणून संबोधतात.

बऱ्याच दिवसांनी भेटली की "हे! कस्काय?" असं विचारतात का तिला?

मानव

कल्की च्या मुलीचं नाव साफो आणि रणबीर आलिया च्या मुलीचं नाव राहा आहे.जुन्या पिढीत(आता 55-56 वयाचे असलेले) बरेच जितेंद्र राजेंद्र होते तश्या अजून 20 वर्षांनी भरपूर मायरा कियारा वेद रियांश साफो वगैरे असतील.