शब्दवेध व शब्दरंग (३)

तिकडे मंत्र्यांना सेक्रेटरी म्हणतात

मस्त माहिती
भूमितीत सुद्धा एक ज्या असते

ह्या ज्या ची एक गम्मत.

माझे तीन मित्र आहेत.
राज्या, गज्या आणि विज्या.
ह्या तिघांनी मिळून एक फर्म चालू केली तिचे नाव त्रिज्या.

मज्या आहे मग

ह्या ज्या ची आणखी एक गम्मत म्हणजे उच्चार ज्ज्या आहे.

आहे की नाही मज्ज्या.

वायला = वेगळा हे विदर्भात कॉमनली वापरतात.

बहिणीच्या मुलासाठी जामेय असा शब्द वाचला.

जामेय = भाचा.

उद्मेखून म्हणजे काय?
ह्या शब्दाचा उगम काय असावा?

https://educalingo.com/mr/dic-mr/udamekha

@ मानव, ती वेबसाइट चांगली वाटतेय, उच्चारांसकट अर्थ दिले आहेत.

मला न्याहार (हिन्दीतला निहार- निहारना) हा मराठी शब्द आहे आणि अर्थ सेम आहे हे आत्ताच त्या वेबसाइटवर समजले !

न्याहार >>>
आपण 'न्याहाळणे' वापरतो, यांनी ळ ऐवजी र लावला आहे.

त्या साईट वर उदमेख असा शब्द लिहिला आहे..
मला हा शब्द अजिबात माहिती नव्हता..

मग ती जी “जाम” मजा येते ती ?

Just-A-Minute, मग ट्रॅफिक जॅम मधला "जाम" हा मराठी आहे की आंग्ल आहे?

असा ही एक जाम -

जाम पे जाम पीने से क्या फायदा, सुबह तक तो सारी उतर जायेगी।
हमने आपकी आँखों से पी हैं, खुदा की कसम, सारी उम्र नशे में गुजर जायेगी।

तमिळात मध्यरात्रीला (की प्रहराला?) जामम् म्हणतात त्याची आठवण झाली. पोन्नियीन सेल्वनमध्ये हा शब्द ऐकाला होता. स्वाती_आंबोळे यांनी याम म्हणजे प्रहर आणि त्याला समांतर जामम् (तमिळ) आणि यामिनी ( = रात्र, संस्कृत) अशी व्युत्पत्ती असल्याचं मागे सांगितलं होतं.

जाम म्हणजे दुर्बल, अशक्त हे आधी माहिती नव्हते.
कामवाल्या बायकांनी शिकवला!!
" ताई, लैच जाम झालीय बघा सर्दी खोकल्यानी. थंडी वाजून ताप येतोया. मी यायची न्हाय तीनचार दिवस! "

जाम पे जाम पीने से....जाम हो जाओगे!

आणि हैदराबादी-दक्कनीत पेरू ला “जाम” म्हणतात

मी तरी जाम हा शब्द 'खूप, भरपूर' या अर्थाने वापरते
जाम मजा आली, जाम गर्दी होती, जाम खोकला झालाय, जाम वेळ लागला, वगैरे वगैरे कुठेही

मला खूप दिवसांपासून प्रश्न आहे की
राजा हा शब्द कसा उच्चारायचा?
जहाजातला ज की जाम मधला ज?

महेश काळे कानडा रा जा ( जहाजातला ज) पंढरीचा म्हणतो.

जाम दोन्ही प्रकारे उच्चारला जातो.
तेव्हा जादुतल्या जा सारखा.