धागा भरकटण्याचा धोका

ट्रोल साठी भरकट्या चांगला शब्द आहे.
नार्सिसिट ( narcissist ) साठी आत्मरत किंवा आत्मलुब्ध हा शब्द बरोबर आहे का ? ट्रोल + नार्सिसिस्ट साठी सुद्धा शब्द असेल तर सांगा.
हा एक गुण आहे. अशा व्यक्तींचे भक्त देखील असतात. नार्सिसिस्ट फॅन साठीही शब्द हवा. आत्मलुब्धभक्त हे काही जमेना. एकाने आत्मबढाऊखोर भक्त असा शब्द सुचवला आहे. हा ही पटेना.
(थांबतो नाहीतर मराठीचा वर्ग भरून धागा भरकटेल).

वा वा. उपक्रम वर आल्यासारखे वाटले प्रकाशजी. ट्रोल हा शब्द शिवीसारखा नको वापरायला. प्रत्येकाचे चाहते असतात. आईला आपले मूल श्रेष्ठ वाटतच असते. हिटलरच्या आईला तिचा मुलगा आवडत नाही असे झाले असेल का ? त्यामुळे ट्रोलकडे नकारात्मक नजरेने पाहू नये. त्यांना आपले म्हणा. ( हे बाळ कुरतडकरांच्या आवाजात ऐका). त्यांचे लाड करा.

स्वतःच स्वतःची मुलाखत घेतल्याप्रमाणे स्वतःबद्दल बोलत राहणे हा गुण असामान्य नाही का ? दुर्मिळ आहे. त्यासाठी भीड चेपावी लागते, लोक काय म्हणतील याचं दडपण जुगारून द्यावे लागते. अनेक गोष्टींचा त्याग करावा लागतो. तेव्हां कुठे यश पायाशी लोळण घेते. चाहते ही मिळू लागतात. काही निस्सीम तर काही खांदादंबूक चाहते !

. त्यानंतर त्याने आपल्या अंगावर येत शिवीगाळ केली की हसून रिप्लाय देता यायला हवा >>> हे ठीक आहे.
पण काही जण एका आयडीने असा रिप्लाय देतात आणि शिवीगाळीसाठी दुसरे अनेक आयडी वापरतात, त्यांना काय म्हणणार ?
असंही नाही कि ते कुणाला कळत नाही. पण कळून पण त्यांची बाजू घेणारे महिलामंडळ सुद्धा असते.
त्यामुळे अशांना चेव येतो.

स्वतःबद्दल बोलणारे एक नेते आहेत. सतत मै मै मै मै करत राहतात.
खरं तर ते यशस्वी असताना असं स्वतःबद्दल सातत्याने का बोलावंसं वाटतं ? कारण न्यूनगंड.
अपघातानेच यश मिळालं आणि आपण केंद्रस्थानी आलोत, सत्ताधारी झालोत.
पण आपल्या पेक्षा बुद्धी असलेल्यांबद्दलची भीती आणि त्यातून आलेला न्यूनगंड यातून सतत स्वतःबद्दल बोलावंसं वाटतं.
बौद्धीक चमकोगिरीसाठी मग परीक्षा पे चर्चा सारखे उपक्रम करावे लागतात.
आपण ज्या क्षेत्रात यश मिळवलेलं नाही तिथे स्क्रीप्टेड कार्यक्रम करून आपली प्रतिमा बुद्धीवादी असल्याचा हा केविलवाणा खटाटोप पाहून त्या व्यक्तीची दयाच येते. ही एक वृत्ती असते.

ज्या गोष्टीचा न्यूनगंड आहे, ती ज्यांच्याकडे आहे त्यांच्याबद्दलची एक सुप्त असूया मग यांच्या बोलण्यात दिसू लागते.
अशा व्यक्तींची मानहाणी करणे, सतत त्यांना इरीटेट करत राहणे यात ते आनंद मानू लागतात.
त्यांनी स्वतःला घालून घेतलेल्या मर्यादांवरून डिवचणे, तुलनेने गुणवत्ता कमी असलेल्यांची जाणीवपूर्वक भलावण करत राहणे यातून अशा व्यक्तींवर सूड घेतल्याचे मानसिक समाधान या प्रकारच्या व्यक्ती मिळवत राहतात.
हा मानसिक आजार आहे ज्यावर ट्रीटमेंट सुद्धा आहे.

या व्यक्ती स्वतःची जी इमेज बनवू पाहतात तिच्या प्रेमात ते स्वतःच पडतात.
आपण असे असे आहोत असे जग समजते असा विश्वास त्यांना वाटू लागतो.
काही दोन चार झिलतोडे मंडळ त्यांना या बाबतीत त्यांची री ओढून मदतच करत असतात.
मग हे सूज्ञ असल्याचा आव आणत राहतात. आपल्याला सूज्ञ समजत असल्याच्या भावनेतून मग ते इतरांची कॉपी करत तुच्छ लेखू पाहतात.
अशा युक्त्यांनी काही काळ नक्कीच काही लोकांना मूर्ख बनवता येते.
पण अभ्यासू वृत्ती, माहितीपूर्ण भाषण, प्रतिसाद यांची वानवाच असते. आडातच नाही तर पोहर्‍यात कुठून येणार ?
सर्वोच्च नेता हे उदाहरण आहे. मानवी वृत्ती सर्व स्तरात असते.
इथेही असू शकतात असे लोक.

या व्यक्ती स्वतःची जी इमेज बनवू पाहतात तिच्या प्रेमात ते स्वतःच पडतात.
आपण असे असे आहोत असे जग समजते असा विश्वास त्यांना वाटू लागतो. >>> त्यालाच आत्मलुब्ध शब्द आहे.

infatuated = आत्मलुब्ध
narcissist = आत्मपूजक

आत्मपूजक , अरे वा, छान शब्द दिला. धन्यवाद.

infatuated = आत्मरत
narcissist = आत्मानंदी

ट्रोल करणाऱ्यांना मी गमतीने 'विरजण' म्हणते. म्हणजे दूध नासवून त्याचं दही बनवणारे..
आणि लिहिणाऱ्याच्या डोक्याचं सुद्धा!
कृपया मजेत घ्यावं!
१०० वा प्रतिसाद

पण ह्याचा अर्थ तर ट्रोल्स मुळे वॅल्यू एडिशन्स होते असा झाला की !! दुधातुन विरजण घालून दही बनवून नंतर लोणी किंवा दूध फाटल्यावर पनीर बनवून दोन्ही केस मध्ये फायदाच.

व्हॅल्यू अ‍ॅडीशन होत असेल तर ट्रोलला ट्रोल म्हणू नये.

अरे अरे ट्रोला झालासि पावन
तुझे तुज ध्यान कळोनि आले

तुझा तूच देव, तुझा तूचि भाव
फाटले दूध विर्जणतत्त्वी

त्याशिवाय का सगळे आवडीने वाचतात आणि हिरीरीने भाग घेतात.. हा हा हा

एकीकडे प्रतिसाद मिळत नाहीत म्हणून नव कवि / नव लेखक २ दिवसात धागा उडवून टिंब स्वरूपी ठेवतात आणि ही प्रथा पडू लागलीय तर ट्रोल्स मुळे प्रतिसाद वाढून धागा एकशेविसच्या स्पीडने धावू लागला तरी तक्रार

आचार्यजी तुम्ही तर 'नवनीत'च काढलंत..
लय भारी!

एकीकडे प्रतिसाद मिळत नाहीत म्हणून नव कवि / नव लेखक २ दिवसात धागा उडवून टिंब स्वरूपी ठेवतात आणि ही प्रथा पडू लागलीय तर ट्रोल्स मुळे प्रतिसाद वाढून धागा एकशेविसच्या स्पीडने धावू लागला तरी तक्रार>>
तज्ज्ञांनी सुवर्णमध्य शोधावा. म्हणजे धागा उडणारही नाही आणि पळणारही नाही..

नेमका कोणाता शब्द योग्य असा प्रश्न मनात येणे स्वाभाविक आहे.>>
सोबत सेवेकरी असतील तर आत्मपूजक. एकटाच असेल तर आत्मानंदी..
भाव तसा देव!

@सामना - प्रतिसाद आवडला.छान विश्लेषण

हां सुवर्ण मध्य म्हणजे स्वत: लेखकच असतो आणि अनुल्लेख हाच तो सुवर्णमध्यबिंदु. उगीच अनावश्यक प्रतिसादांना / निरर्थक प्रश्नांना / उगीच उसकावणाऱ्या प्रवृत्तिंना स्पष्टीकरणार्थ प्रतिसादरूपी इंधन खर्च केली की अतिरिक्त ऊर्जा उत्पन्न होऊन भडका हां उडणारच.

हां सुवर्ण मध्य म्हणजे स्वत: लेखकच असतो>>
खरं आहे..
विचारात लवचिकता हवी. काय स्वीकारायचं काय नाकारायचं याची समज हवी. पण..
'तेथे पाहिजे जातीचे'..

घाटपांडे सन्जोप राव का? मी विचारले आहे कारण - त्यांचा https://sanjopraav.wordpress.com/about/
हा विलक्षण , नितांत सुंदर ब्लॉग आहे.
हा मला कधी सापडतो कधी नाही.

य ना?

नक्कीच वाचायला आवडेल. धन्यवाद.

>>>>>>>>>>सदसदविवेकबुद्धी, नीरक्षीरविवेक असे शब्द टाकून कुणीतरी प्रतिसाद देईल ही अपेक्षा होती>>>>>> मीच असे प्रतिसाद "इंटलेक्चुअली करेक्ट" रहाण्याच्या प्रयत्नात देत असतो. काही राजकारणी कसे पोलिटिकली करेक्ट रहाण्या चा प्रयत्न करतात तसेच काहीसे. Lol Lol

होय आपण खूपदा, अ‍ॅनॅलिटीकल, फॅक्ट बेसड प्रतिसाद देता. याचे कारण आपला चिकीत्सक स्वभावच असणार हे नक्की. तसेच फलज्योतिष संदर्भात तटस्थपणे केलेला अभ्यास, निरीक्षणे, वाद-विवाद आणि मान्यवरांची मते हा डेटा आपल्याकडे आहे.

बर्‍याच आय डी कडे 'इन्टेलेक्च्युअल लीडरशिप' हा गुणही पाहीलेला आहे. कौतुकास्पद वाटते. आपण ट्रोल्स कडे लक्ष द्यायचे की लोकांच्याकडून उत्तम वेचायचे ते प्रत्येकाने ठरवायचे. राजेश घासकडवी यांचा 'डु नॉट फीड द ट्रोल्स' हा लेख उत्तमच आहे.