बागकाम अमेरिका २०२२

मुळे, वाटाणे, चुका, आणि दोन तीन प्रकारचे सॅलड ग्रीन्स एवढ्या बिया अंगणात पेरल्यात मागच्या आठवड्यात.
शिवाय घरात दोडके, अंबाडी, दुधी, मायाळू आणि झुकिनी यांच्या बिया पण सुरु केल्यात. टॉमेटो आणि मिरच्या तयार रोपं आणू पुढच्या महिन्यात .

मागच्या वर्षी प्लान्ट एक्सचेंज आणि लोकल प्लांट सेल मधून पीओनी, हायड्रेंजिया, सॉलोमन सील आणि भरपूर होस्टा लावले होते. ते सर्वच तग धरून आहेत.

हायड्रेंजिया ( आणि लायलॅक, क्रेप मर्टल ) चे एक दोन असफल प्रयत्न केलेत काही वर्षांपूर्वी . यंदा परत करुन पाहणार आहे
रोझ ऑफ शॅरनच्या बिया विखरुन किती रोपं उगवतात नको तिथे!

मागच्या आठवड्यात टॉमेटो , मिरची, चार्ड आणि सॅलड ग्रीन्सची काही रोपं लावलीत अंगणात.
मुळा, वाटाणे, अरुगुला उगवलेत.

तुमच्या आसपास मास्टर गार्डनर्स चे प्लांट सेल असतील आता पुढचे काही आठवडे. शक्य असल्यास तिथे पण चक्कर मारा. चांगली व्हरायटी असते किमती पण वाजवी असतात

किती दिवसांचे अपडेट्स राहिलेत इथे लिहायचे.
यंदा मायाळू आणि अंबाडी अजिबात उगवले नाहीत. अळकुड्या आणायचं राहिलंच. त्यामुळे चार्ड, लाल माठ आणि चुका एवढ्याच पाले भाज्या !

हळकुंडं लावली होती ती जोमाने उगवलीत आता. या वीकेंडला पातोळ्या करणार
सान मार्झानो टॉमेटो आणि जुलाय फोर्थ टॉमेटो दोन्ही जोमात. लोणचं केलं, सॉस बनवून फ्रीझ केलाय, शेजार पाजारी सहकर्मचारी सगळ्यांना वाटणे चालू आहे.

घरून काम करायचा कोपरा खिडकीसमोर आहे. त्या खिडकीच्या पलिकडे स्प्रिंग पासून सॉलोमन सील, पल्मोनेरिया, हार्डी हिबिस्कस आणि क्लिओमी ची फुलं येत आहेत आणि त्या फुलांवर रुबी थ्रोटेड हमिंगबर्ड. घरून काम करण्याचा स्पेशल फायदा ...

सीड्स ऑफ इंडिया म्हणुन वेब साइट आहे. तिथून मागवते मी बिया.

आमच्या इथून तासभराच्या अंतरावर एक मोठं ग्रीन हाउस आहे. तिथून काही वेळा मायाळूची रोपं आंणली होती.

दोन्ही झाडं ग्रोसरी मधून आणलेल्या फांद्या रोवून पण लागतात असे ऐकले आहे. पण मी कधी प्रयत्न नाही केला