Kindle Unlimited वर वाचलेले पुस्तक कसे वाटले ?

1. एंजल्स ऐन्ड डेमन्स- dan ब्राऊन
थरारक, सस्पेन्स कादंबरी

2.एदिन-जयवंत दळवी
लघुकथा संग्रह ..ठिक आहे.

3,4. कात,शिवराम- नारायण धारप.
जनरल गोड शेवट असलेल्या कथा..हॉरर नाहीयेत दोन्ही.

5.गाईड- आर के नारायण.
गाईड राजू आणि नर्तकी रोझी ची गोष्ट..देवानंदचा गाईड
सिनेमा यावर बेतलेला आहे.
कंटाळवाणे वाटले पुस्तक मधे मधे, पण संपवले.

6.डोंगरी टु दुबई- हुसैन झैदी.
मुंबईतील गुन्हेगारी विश्वात दाऊदचा उदय, इतर टोळ्या आणि त्यांची कारस्थाने..थराराक आहे.

7.टाटायन- गिरीश कुबेर
जमशेटजी टाटांपासून रतन टाटापर्यंत टाटा समुहातील कंपन्यांच्या जन्मकथा, संघर्ष, सरकारी हस्तक्षेप, सगळं बारकाईने छान लिहिले आहे..आवडले.

○
रिसेंट वाचलेली पुस्तके.

1. नागासाकी- Craig collie, अनुवाद- डॉ.जयश्री गोडबोले.
हिरोशिमा,नागासाकी वर झालेले अणुबॉम्ब हल्ले, जापानी नागरिकांची झालेली होरपळ,कल्पना करता येणार नाही असा झालेला विध्वंस, त्यातूनही बाहेर पडण्याची जिद्द.मैनेजमेंटचे निर्णय, रशियाचा attack...बॉम्बस्फोटातून वाचलेल्यांचं पुढे काय झाले?अमेरिकन टिम,त्यांचं प्लानिंग, अणुबॉम्ब टाकण्यापर्यंचा त्यांचा प्रवास.. दोन्ही बाजू पुस्तकात मांडल्या आहेत..

2.मालगुडीचा सन्यासी वाघ- आर के नारायण
एका वाघाचा जीवनप्रवास त्याच्याच द्रुष्टीकोणातून.
जंगलातील वाघाचं निरागस बालपण, रम्य आठवणी.. मग जोशफुल तारूण्य, फैमिलीची ताटातूट.. सर्कशीतलं खडतर ट्रेनिंग मग तेच आरामदायक जीवन..एका सन्याशाबरोबर व्यतीत केलेले दिवस आणि व्रुध्दापकाळ एका प्राणिसंग्रहालयात....
छान आहे पुस्तक.. आवडलं..

वाचलेली पुस्तके:
1.झू- निरंजन घाटे
रोचक अनुवादित विज्ञान कथासंग्रह. आवडला.

2.दिवा मालवू नका- नारायण धारप
कथासंग्रह. काही कथा रिपीटेड आहेत.

3.गोष्ट छोटी डोंगराएवढी-अरविंद जगताप
छोट्या छोट्या गोष्टी काही मिश्किल काही अस्वस्थ करणाऱ्या.

4.सीरीया-अतुल कहाते
सीरीयाचा रक्तरंजित इतिहास,समाजशास्त्र आणि आंतरराष्ट्रीय राजकारण

5.शेरलॉक होम्सच्या साहस कथा.

वाचलेली पुस्तके :-

​१. गोल्डा एक शांत वादळ-वीणा गवाणकर
एका सामान्य रशियन ज्यू कुटुंबातील मुलगी कुटुंबासमवेत अमेरिकेला स्थलांतर करते, किशोर वयातच ती ज्यूंसाठी स्वतंत्र भूमी हवी, या विचाराने झपाटली जाते. राष्ट्र उभारणीच्या ध्येयाने प्रेरित होऊन, राजकारणात प्रवेश करते. अल्पावधीतच ती आपल्या कणखर वृत्तीनं फटकळ स्पष्टवक्तेपणानं, साध्या राहणीनं आणि सहज वणीनं आपला स्वतंत्र ठसा उमटवते, इस्रायलच्या स्वातंत्र्याच्या जाहिरनाम्यावर स्वाक्षरी करणारी ती एकमेव स्त्री.वयाची सत्तरी उलटल्यावर ती पंतप्रधान होते.
​
२. फिडेल कैस्ट्रो-अतुल कहाते
बलाढ्य अशा अमेरिकेच्या वर्चस्वाला क्यूबानं लढत दिली आणि अमेरिकेला नामोहरम केलं. अशा या क्यूबाच्या नेतृत्वाची धुरा कॅस्ट्रोनं जवळपास पाच दशकं सांभाळली.
क्यूबाचा संघर्ष सहा दशकांहून जास्त काळ चालला होता.
या संघर्षाचा कर्ताकरविता होता, झुंजार क्रांतिकारक फिडेल कॅस्ट्रो! याची खिळवून ठेवणारी कहाणी.

​३. अडॉल्फ हिटलर- अतुल कहाते
केवळ डझनभर वर्षांच्या आपल्या राजकीय कारकिर्दीत हिटलरनं अक्षरशः धुमाकूळ घातला. ज्यू लोकांचा संहार, आपल्या शत्रूंशी अतिशय क्रूरपणेपण वागणं, आपल्याच सहकाऱ्यांवर विलक्षण अविश्वास दाखवणं, माणुसकीचा अंशही वागण्याबोलण्यातून न दाखवणं, हुकूमशाही आणि एकाधिकारशाही यांचं थैमान त्याच्या कारकिर्दीत बघायला मिळते.विसाव्या शतकामधला सगळ्यात गाजलेला माणूस म्हणून आपण अ‍ॅडॉल्फ हिटलरचं नाव घेऊ शकतो

​४. सेक्स स्कॉच एन्ड स्कॉलरशिप- खुशवंत सिंग
सेक्स, स्कॉच अँड स्कॉलरशिप’ या त्यांच्या निवडक लेखसंग्रहात काही सेक्स, थोडी स्कॉच आणि बरंच काही स्कॉलरशिप, अशा विषयांवरील लेख आहेत. त्यांचे निसर्गप्रेम, पंजाब प्रश्नाबाबतची आस्था, जगातील सर्व धर्मांचा अभ्यास आणि त्याचबरोबर स्वत:च्या शीख धर्माचे संशोधन, या विषयांवरील अभ्यासपूर्ण आणि उत्कट विवेचन ही या संग्रहाची वैशिष्ट्ये आहेत.

​५.द गन्स ऑफ नेवरॉन- अलीस्टिअर मैक्लीन
नेवरॉनच्या बेटावर १२०० ब्रिटीश सैनिकांना वाचवण्याच्या आणि जर्मन तोफा डिस्ट्रॉय करण्याच्या मिशनवर गेलेल्या, वादळी पावसात, भुकेने व्याकूळ, कडा चढून जाणाऱ्या, ब्रिटिश योद्ध्यांची कहाणी.थरारक, सस्पेन्स, ऐक्शन.
​
६.रानमेवा- व्यंकटेश माडगूळकर
माडगूळकर यांच्या उत्तम कथा आणि उतारे वेचून बनवलेला कथासंग्रह.. छान आहे.

​७. हिज डे- स्वाती चांदोरकर
समाजातील उपेक्षित घटक असणारे तृतीय पंथीय अर्थात हिजडे यांची ही कहाणी. त्यांचेही निरनिराळे प्रकार असतात. यावर हे पुस्तक.

​८. नेल्सन मंडेला- अतुल कहाते
वर्णद्वेषाविरुद्ध सुरू असलेल्या या लढ्यात मंडेलाच्या आयुष्यातली सत्तावीस वर्षं तुरुंगात गेली. त्याच्या वैयक्तिक आयुष्यात अनेक चढ-उतार आले तरीही मोठ्या जिद्दीनं मंडेलानं लढा चालूच ठेवला आणि दक्षिण आफ्रिकेवर असलेलं गोर्या लोकांचं अन्यायी वर्चस्व संपुष्टात
आणण्यात महत्त्वाची भूमिका निभावली. ही सगळी लढाई
अत्यंत संयमानं लढताना नेल्सन मंडेलानं माणूसपणाची शिकवणच जगासमोर ठेवली आणि या कामातूनच त्याचं नाव इतिहासात अजरामर झालं.
दक्षिण आफ्रिकेचा अन्यायी इतिहास उलगडून दाखवणारी
प्रेरणादायक कहाणी!

​९. ट्वेल्व रेड हेरिंग्ज जेफ्री आर्चर
लघुकथा संग्रह.. चांगला आहे.

१०. मी मलाला- मलाला युसुफजाई
मुलींच्या शिक्षणासाठी लढणार्या मलाला आणि तिच्या कुटुंबाची कहाणी..

​११. cat o nine tales Jeffry Archer.- लघुकथा संग्रह..प्रत्येक गोष्टीत ट्वीस्ट...चांगला आहे.

१२. कनफेशन विजय खाडिलकर..- सामान्यांच्या जाणिवांना स्पर्शून जाणाऱ्या विविध्यपूर्ण आणि वैशिष्ट्यपूर्ण १५ कथा.

१३. वन फॉर द रोड व पु काळे..कथासंग्रह..ठिक आहे.

थँक्स अस्मिता !

त्यांची बरेचदा ऑफर पण असते..Rs.79 /99 मधे 3 महिने वगैरे.. अमेझॉन प्राईमवाल्यांसाठी पण वेगळ्या ऑफर असतात...

थँक्स निर्मल.

१. थैमान चंगळवादाचे-अच्युत गोडबोले
चंगळवादाचे स्वरूप आणि परिणामाची जाणीव करून देणारे पुस्तक. विज्ञान आणि तंत्रज्ञान यांच्यामुळे जीवन सुखकर बनले, आर्थिक धोरणांमुळे संपत्तीचे विषम वाटप होऊ लागले आणि सुरु झाले चंगळवादाचे थैमान, त्याचाच वेध.

२.एच एम एस युलीसीस-अलीस्टैर मैक्लीन
कहाणी दुसऱ्या महायुद्धाच्या काळातील आहे. रशियाचे जर्मनीशी युद्ध सुरू असते, आणि एफआर ७७ या मालवाहू आणि तेलवाहू जहाजांच्या ताफ्यामार्फत रशियाला जर्मनीशी लढण्यासाठी अत्यंत निकड असलेले युद्धसाहित्य पोचवण्याची योजना असते. एचएमएस युलिसिस ही ब्रिटिश आरमारातील एक क्रूझर जातीची युद्धनौका या ताफ्याची फ्लॅगशिप असते. तिच्या साथीला आणखी छत्तीRस जहाजे या ताफ्यात असतात. भयंकर थंडी, बर्फवृष्टी, प्रचंड वादळे, चिडलेले व निराश झालेले नौसैनिक, त्यांची झालेली प्रचंड उपासमार, थकवा, झोपेचा अभाव, आणि ताफ्याने रशियापर्यंत पोचता कामा नये यासाठी सर्वतोपरी प्रयत्न करणारी जर्मन बॉम्बर विमाने, युद्धनौका आणि यू-बोटी, अशा पार्श्वभूमीवरील या ताफ्याच्या– आणि पर्यायाने युलिसिसच्या– प्रवासाची ही कहाणी आहे.

३.एका सेलिब्रिटी डेन्टिस्टची बत्तिशी- संदेश मयेकर
चंदेरी दुनियेतील सिनेस्टार्सपासून सर्वसामान्यांपर्यंत, दिग्गज उद्योजकांपासून प्रसिद्ध कलावंतांपर्यंत आणि स्टार क्रिकेटर्सपासून रॅम्पवरील मॉडेल्सपर्यंत...
अनेक चेहर्‍याना सुंदर हास्य व मोहक दंतपंक्ती देणारे सेलिब्रिटी डेन्टिस्ट डॉ. संदेश मयेकर सांगताहेत निरोगी आणि सुंदर दातांचं रहस्य...

४.शांताराम Gregory david Roberts
आपल्या माणसांपासून, मात्रुभुमीपासून जगण्यापासून ऑस्ट्रेलिया च्या तुरूंगातून दुर पळून आलेला एक कैदी..मागावर पोलिस कधीही पकडलं जाण्याची धास्ती.. लपून राहायची धडपड..तो कैदी आला होता काळी, कलकलकाटाची दुनिया मुंबईत.. बघता बघता सारं बदलत जातं आणि एक नवी दुनिया उलगडत जाते...
एक महिना लागला पुस्तक संपवायला..एंगेजींग आहे..

५.डिसेप्शन पॉईंट-डैन ब्राऊन
गोष्ट आहे नासा आणि अमेरिकेन पॉलिटिक्सची.सस्पेन्स थ्रीलर..शेवटपर्यंत खिळवून ठेवणारे पुस्तक.

६.माणदेशी माणसं-व्यंकटेश माडगूळकर
व्यक्ती चित्रण कथासंग्रह.. छान आहे.

७. भुलभुलैय्या - व पु काळे
बाळबोध फैन्टसी कथा संग्रह.. बोअर आहे.

८.द अल्केमिस्ट -पाऊलो कोएल्हो

९. इक्माई-नारायण धारप

१०. नवी माणसं- नारायण धारप

११.अरूणाची गोष्ट - पिंकी विराणी

सप्टेंबर २०२३ ते डिसेंबर २०२३ वाचलेली पुस्तके

१. विटाळ (कथासंग्रह) - दया पवार

२. वॉकिंग ऑन द एज - प्रसाद निक्ते.
सह्याद्रीच्या घाटमाथ्यावरून सलग ७५ दिवसांची ६५० किमीची लेखकाची भटकंती..भटकंतीत भेटलेली वेगवेगळ्या तर्हेची माणसं,अनुभव छान मांडलेय..छान वाटले वाचायला..

३. फॉल्स इंप्रेशन - जेफ्री आर्चर्
थ्रीलर , सस्पेन्स कादंबरी.

४. नागझिरा-व्यंकटेश माडगूळकर

५.and thereby hangs a tale- Jeffry Archer
कथासंग्रह

६. म्रुत्युपेटित पाच दिवस - विजय देवधर
साहसी, सर्वायल, थ्रीलर कथासंग्रह.

७. द लास्ट गर्ल - नादिया मुराद.

८. मुसाफिर - अच्युत गोडबोले
लेखकाचा रोमांचक जीवनपट..आयायटीचे दिवस..आदिवासी चळवळीसाठीचे एक वर्ष, तुरूंगातील काही दिवसांचा अनुभव, तंत्रज्ञान जगतात एन्ट्री, पर्सनल लाईफमध्ये स्ट्रगल.. एकंदरीत खिळवून ठेवणारे पुस्तक
छान आहे पुस्तक. आवडले.

९.नाझी भस्मासुराचा उदय अस्त. वी जी कानिटकर.
दुसऱ्या महायुद्धाबद्दल सबकुछ.

१०.सिंहाच्या देशात - व्यंकटेश माडगूळकर
बर्नार्ड आणि मायकल ग्रझिमिक यांनी लिहिलेल्या 'serengeti shall not die' या ग्रंथाचा संक्षिप्त अनुवाद.
छान पुस्तक.

११.गोष्टीच गोष्टी - द मा मिरासदार

सध्या क्रुष्णकन्या (भयकथा संग्रह)- रत्नाकर मतकरी
वाचतेय.