कार्तिकातलं कौतुक ... बहरलेला बूच

माझ्या एका मैत्रिणीला प्रचंड आवडतात ही फुले. तिचं ते अक्षरशः लहान मुलागत हरखून जाताना पाहिले एकदा आणि मग मलाही ही फुले आवडू लागली. आता कुठेही दिसलं की थांबतो, कुणाची पर्वा न करता गाडी बाजूला लावून खाली पडलेल्या कळ्या फुले वेचतो

आता तर कुठेकुठे आहेत ही झाडे याचा पक्का ठावठिकाणा माहिती आहे

काय सुरेख लेख आणि फुलं. मला ह्याचं नाव माहिती नव्हतं. मी बुचाची फुलं म्हणजे पिवळी, मोठी समजत होते.
नाही नाही, ती बहूतेक बिट्टी ची फुलं ( पिवळी मोठी. ती सुवासिक नसतात)

सुंदर फोटो आणि लेख!

ती बिट्टीची फुले
पिवळी असतात
त्यात बिट्टी तयार होते

https://encrypted-tbn0.gstatic.com/images?q=tbn:ANd9GcQ8Xe3WgnTxW9Ds_3wZ...

सुरेख! कातील फोटोज्!!

गोकर्णीच्या फुलाचा चहा करताना त्याचे पुंकेसर घ्यायचे नाहीत. सोपा मार्ग म्हणजे अख्खी फुलं न घेता फक्त पाकळ्या खुडून पाण्यात घालायच्या. खूपच सुरेख रंग येतो!>> होय... आणि त्यात लिंबू पिळले की जांभळा..

सुंदर लेख.

आमच्या प्राथमिक शाळेत बुचाचं झाड होतं. मी तेव्हा बुचाच्या फुलांच्या वेण्या करायला शिकले होते. त्यानंतर कधी केल्या नाहीत त्यामुळे आता आठवत नाही. माझे केस लांब नव्हते त्यामुळे वेण्या कधी केसात घातल्या नाहीत पण तरीही वेण्या करायला मला फार आवडायचं!!

धन्यवाद ब्लॅककॅट, बरोबर बिट्टी ची फुलं हीच. माझा गोंधळ झाला होता.
ममो फुलांची वेणी पण किती नाजूक केली आहेस. तुला गुलबक्षीची वेणी पण नक्की येत असणार. मधूमालतीचीसुध्दा छान होते.

लेख नेहमीप्रमाणेच उत्तम. मला देखील बुचाची फुलं प्रचंड आवडतात. सिंगापुरमध्ये कधी दिसली नाहीत पण दोन वर्षांपूर्वी थायलंडला गेलो होतो तेंव्हा आमच्या हॉटेल मध्ये बुचाचं झाड होतं. काय आनंद झाला होता, अनेक वर्षांनी जेंव्हा हि फुलं मिळाली तेंव्हा.
मग मी पण रूम मध्ये फुलं आणणे पाण्यात ठेवणे हे सगळे प्रकार केले होते.
थँक यु ममो ताई. सकाळी सकाळी छान वाटलं.

नेहमीप्रमाणे सुंदर लेख. ममो तुमच्या कलाकौशल्य व साजूक शैलीमुळे लेखात फुलांचं नाजूकपण अलगदपणे उतरलंय.

मस्त..
वेणी छान झाली आहे..

सध्या फुललेला 'बूच मार्ग'

खूप छान ! कार्तिक कनेक्शन सुंदर टिपलेत तुम्ही.
वैशाखात आम्रमंजिरी, चैत्रात मोगरा तसे मालती आणि बूच कार्तिकेत.

शुभ्र फुलांच्या दैवी सुगंधाबद्दल अमांचे observation एकदम बरोबर. देवतांना भूल पडते तिथे आपण तर मानव.

ह्या फुलांचा सुवास खूप आवडतो. आसपास ३ मोठी बुचाची झाडे सध्या फुलांनी लगडलेली आहेत, रोजच्या वॉकला जातांना पायाखाली ही फुले येतात ते मात्र वाईट वाटते.

एकदम छान वाटल. जस्ट विचारतेय, कुठला आहे फोटो हा ?
Submitted by मनीमोहोर on 9 November, 2023 - 12:24

ममो ताई हे फोटो नाशिक, लेखानगर ते राजीवनगर (रुंगठा टाऊनशिप) मार्गावरील आहे.
सध्या सगळी झाडं पूर्ण बहरात आहेत.

सुरेख वेणी.. दिवे.. गोकर्ण, आणि लेख.
गावाला एक काळे आजी होत्या, त्यांनी काही वेळेला ही अशी वेणी कशी बनवायची ते शिकवले, पण मला कधी नीट जमले नव्हते. त्याची नेहेमी रुख रुखं वाटे. लेख वाचताना ते सर्व आठवले.

सुगंधी फुले म्हटले की सहसा कुणाला बुच आठवत नाही. त्याची झाडेही जास्त नसतात. पण त्या एका फुलाचा वासही खूप सुंदर असतो. आणि जेंव्हा थोडी जास्त झाडे असतील आणि त्यावर बहर आला असेल तर मग - अहाहा ! सप्तपर्णी आणि बकुळीचाही असाच घमघमाट असतो पण तो काहीसा उग्र असतो. जास्त वेळ नाही घेववत. पण बुचाचा सुगंध संपूच नये असे वाटत राहते.

बदामीवरून येताना हॉस्पेटला थांबलो होतो. गाडी यायला अवकाश होता म्हणून तिथल्या धरणाच्या बाजूला असलेल्या बागेत चक्कर मारली. तिथे ५-६ बहरलेली बुचाची झाडे होति. तो अनुभव अजुनही मनात आहेच.

हेमाताई, ती फुलांची वेणी अप्रतिम झाली आहे. अशा काही गुंफणीमधून देठांचेही सौंदर्य खुलून येते. इतर वेळेला फुल म्हटले की पाकळ्या आणि परागच आठवतात.

निव्वळ प्रसन्न लेख.