Submitted by प्रतिक सोमवंशी on 17 May, 2019 - 00:23
पैश्यांचे छप्पर | पैश्यांच्याच भिंती
नात्यांच्या किंमती | मातीमोल ||
लक्ष खुर्चीवर | राजकारण हे
मरु दे मेले ते | सत्ता हवी ||
घरात घुसले | समृद्धीचे मार्ग
मातीविन स्वर्ग | व्यर्थ जाय ||
असे हे आमुचे | राज्य मॅग्नेटिक
बळीराजा भीक | मागतोया ||
टांगला फांदीला | जीव हा लाखाचा
दुष्काळ सुखाचा | मोक्षोत्तर ||
येऊ द्या सत्ता | काढुया रुसवे
असेना फसवे | अच्छे दिन ||
शब्दखुणा:
Groups audience:
Group content visibility:
Public - accessible to all site users
शेअर करा
