तेवढे आयुष्य सावरण्यात जाते..

Submitted by दुसरबीडकर on 24 May, 2017 - 05:11

'हो-नको' च्या जेवढे वादात जाते..
तेवढे आयुष्य सावरण्यात जाते..!!

डांबरी सडकेत ती हरवून गेली..
एक गाडीवाट जी गावात जाते...!!

एेवढ्या जोरात भांडे बोलते की..
बातमी मग नेमकी चौकात जाते...!!

'फोडुनी' घर चांगले गावातले मग..
ती 'त्सुनामी' शेवटी शहरात जाते..!!

पावसाला वेळ लागू लागला की ..
स्वप्न हिरवेगार मग सरणात जाते..!!

एक नाते ओघळाया लागल्यावर..
तावदानी मन जुन्या काळात जाते..!!

गणेश शिंदे दुसरबीडकर

विषय: 
साहित्य
काव्यलेखन
शब्दखुणा: 
गझल
गणेश शिंदे
दुसरबीडकर
मराठी साहित्य
गजल
Groups audience: 
गुलमोहर - गझल
Group content visibility: 
Use group defaults
शेअर करा

छान।

Submitted by अज्ञातवासी on 10 June, 2017 - 12:49