आतला माणूस जो आहे फरारी

Posted
8 वर्ष ago
शेवटचा प्रतिसाद
8 वर्ष ago
5

आसमंती घ्यायची आहे भरारी?
फेड आधी या धरेची मग उधारी

शोधतो दाहीदिशांना काय जाणे?
आतला माणूस जो आहे फरारी

मागण्या आधी मिळाले सर्व काही
हात माझे छाटले मी; खबरदारी !

कागदी नावेस का माहीत नाही?
दीपस्तंभ एकही नाही किनारी

वाहवत जातो कुणी नेईल तेथे
आपल्याला आपली मग ये शिसारी

- परागकण

विषय: 
काव्यलेखन
लेखन
प्रकार: 
गझल
शब्दखुणा: 
गझल
कविता
परागकण
शेअर करा