गोळाबेरीज अर्थात पुलंची पुण्याई भागिले सर्व काही

परीक्षणातून तुमच्या मनातली कळकळ समजली.......
अजुन मी नाही पाहीला हा चित्रपट...पण वरचं सगळं वाचुन आता पाहावासा पण वाटत नाहीये....:-(

आमचं वाईफ गेलं होतं पहिल्याच दिवशी हा शिणुमा बगायला. आम्चं वाईफ म्हणजे नुस्त्या करमणुकीसाटीच जातं बघा. कला दर्जा वगैरे भानगडी त्याला माहीत नाहीत. पुलंना /त्यांच्या संबंधित कलाकृतीना चांगलं म्हटलं नाहीतर लोक वेड्यात काढतात एवढं माहीत. तर ते जाऊन सोड्डा हो. तर आमचं वाईफ देखील लै बोअर सिनेमा, त्याला लिंक अशी नाहीच. आणि पहिल्याच खेळाला माणसं पण नव्हती असा रिपोर्ट घेऊन आलं की हो आमचं वाइफ !

मित्रा धन्यवाद,
स्पष्ट परीक्षण लिहिल्या बद्दल आणि आमचा वेळ आणि पैसा वाचवल्या बद्दल सुद्धा
विनायक परांजपे

<< पण वरचं सगळं वाचुन आता पाहावासा पण वाटत नाहीये.... >> उलट, मला कुतूहल निर्माण झालंय, खरंच इतका चुथडा कुणी करूं शकतो इतक्या चांगल्या विषयाचा [ विषयाला पूर्ण न्याय देण्याचं शिवधनुष्य पेलणं अर्थात कठीणच ], इतके सारे कसलेले अभिनेते घेऊन !!! पाहिल्याशिवाय नाही मत व्यक्त करता येणार.

परिक्षणच जास्त विनोदी वाटतंय सिनेमापेक्षा..

"डोक्याला ताप नको" असं म्हणत सिनेमाला जाणारी >> अनुमोदन!

परवा गोळाबेरीजच्या प्रिमिअरला जायचा योग आला. आयटेम सॉन्ग सुरु झाल्यानंतर सुन्न होवून मध्यंतरात घरी आलो व सुटकेचा नि:श्वास टाकला. आदरणीय पुल आणि सुनिताबाई ...खरच या सर्वांना माफ करा. आम्ही ह्या असल्या सिनेमाला गेलो म्हणून आम्हालाही. पुलंच्या कलाकृतीला कोणीही...खरंच कोणीही हात लावू नये...त्यांच्या पुस्तकांची व कथाकथनाची पारायणे केलेल्या आमच्यासारख्या त्यांच्या भक्तांच्या मनात ती पात्रे व तो स्थळ-काळ जसा उभा आहे तो कायम तसाच रहाणार आहे. कोणा क्षितिज झारापकरच्या मनाप्रमाणे त्यात बदल नाही होऊ शकत. ह्या कला़कृतींना ह्या असल्या हल्ल्यांपासून वाचवले पाहिजे.

<< "डोक्याला ताप नको" असं म्हणत सिनेमाला जाणारी आणि "लंच ब्रेकमध्ये" अण्णा हजारेंना पाठिंबा देणारी एक निर्बुद्ध पिढी जन्माला आली आहे... >> जेंव्हा इतराना असं म्हणून कुणी स्वतःचं मत इतरांच्या गळीं उतरवूं पहातो, तेंव्हा मीं खूप सावध होतो ! निर्बुद्ध म्हणून कां होईना पण, वर म्हटल्याप्रमाणे, मोहन आगाशे, प्रभावळसारखी मातब्बर मंडळी असलेला हा सिनेमा मी पहाणार व मगच माझं मत ठरवणार !

फार उत्सुकता होती या चित्रपटाबद्दल... पण ...पण वरचं सगळं वाचुन आता पाहावासा पण वाटत नाहीये....

अगदी कळकळीनं लिहिलंय.
पण समहाऊ मला या सिनेमाचा असाच काहीसा रिपोर्ट अपेक्षित होता. याची वर्तमानपत्रात प्रथम जेव्हा जाहिरात पाहिली तेव्हा मला पहिला प्रश्न हाच पडला होती की ही सगळी विविध ढंगी पात्रं सिनेमात एकत्र कशी काय आणणार? त्यांना एकत्र कसं गुंफणार? 'पु.लं.' ही एक गोष्ट सोडली तर त्यांच्यात समान असा धागा काहीच नाही, त्यापेक्षा मग मालिका बनवायची. (हा प्रयत्न अल्फा-मराठीवर झाला होता. पण तेव्हा गुजराथमधे मराठी च्यानलं दिसत नसल्यामुळे मला पहायला मिळाला नव्हता. ज्यांनी-ज्यांनी ती मालिका पाहिली होती त्यापैकी बहुतेकांना ती आवडली नव्हती, पण पु.लं.वरच्या प्रेमापोटी कुणी त्याला शिव्याही घातल्या नव्हत्या - असं मला आठवतंय.)

हुश्श! 'हा सिनेमा पहायचाच' हा चिरंजिवांचा आग्रह मोडीत काढल्याबद्दल मला हायसं वाटतंय!
आता मी आनंदानं 'शाळा' सिनेमा पहायला मोकळी.

पाहील्याशिवाय काय बोलणार ? पण काही साहीत्यकृतींचा सिनेमा होऊ शकत नाही हे खरंच. स्टार प्रवाह वर नारायण धारप यांच्या कथांवर आधारीत एक मालिका सुरू आहे. वाचताना या कथांनी घांम फोडला होता सर्वांगाला.. टीव्हीवर पाहताना एक विनोदी कथा पाहतोय असं वाटतं. दोष माध्यमाचा कि क्षमतेचा हे नाही सांगता येत.

दोष माध्यमाचा कि क्षमतेचा हे नाही सांगता येत. >>> निरनिराळ्या माध्यमांची ताकद, कमकुवत बाजू आणि कुठल्याही दोन माध्यमांतला फरक - हे न ताडणे हा दोष

निखिल, चांगलं लिहिलंयस. सिनेमा बघितल्याशिवाय बाकी काही बोलणं योग्य नाही. बघणारा चित्रपटाला वाईट म्हणून कशीही परखड टिका करूच शकतो. तू म्हणतोयस तसं सगळं प्रकरण फसलेलंच असू शकतंच कदाचित मात्र दिग्दर्शक म्हणून झारापकरांनी घेतलेल्या स्वातंत्र्याबद्दलचा आक्षेप अयोग्य आहे.
हे तुला सांगावं लागावं?

जेंव्हा इतराना असं म्हणून कुणी स्वतःचं मत इतरांच्या गळीं उतरवूं पहातो, तेंव्हा मीं खूप सावध होतो <<<
एखाद्या कलाकृतीबद्दल असेच दाखले देऊन तोंड फाटेस्तो स्तुती केली जाते तेव्हा हेच म्हणाल का?

वर म्हटल्याप्रमाणे, मोहन आगाशे, प्रभावळसारखी मातब्बर मंडळी असलेला हा सिनेमा मी पहाणार व मगच माझं मत ठरवणार<<<
तुमचं मत तुम्हीच ठरवा. इथे कुणी फतवा काढला नाहीये बघू नका म्हणून पण मातब्बर मंडळी असली म्हणजे सिनेमा उत्तम असेलच असं नसतं. किंवा मातब्बर नाव जोडली गेलेली असली की कलाकृतीबद्दल निगेटिव्ह बोलायचंच नाही असंही नसतं.

दोष माध्यमाचा कि क्षमतेचा हे नाही सांगता येत.<<<
केवळ क्षमतेचा.

कागदावर आवडलेली गोष्ट पडद्यावर बघायला केवळ भीतीच वाटते.

थोडक्यात बेरीज झाली पण गणित पार चुकलय असच ना ? सिनेमाच्या वृत्तपत्रीय परिक्षणात पण हाच सूर आहे. व्यक्तीचित्रणात्मक सिनेमात अभ्यास महत्त्वाचा. फक्त कलाकारांचाच नव्हे तर दिग्दर्शकाचा सुद्धा. कदाचित तोच झाला नसावा. असो. अजून तरी सिनेमा पाहीलेला नाही. ज्यांनी पाहीलाय त्यांची मते ऐकून 'धजावेन' अस वाटत नाही.

perfect review !!! Atishay tukar banawlay chitrapat!

Impossible nakkich nahiye. Lets hope, Pu La nwar lavkarach ek changala chitrapat milel apalyala

दोष क्षमतेचा
>> + १

<< दोष माध्यमाचा कि क्षमतेचा हे नाही सांगता येत. >>> मला वाटतं, पुस्तक वाचताना आपण स्वतःच्या कल्पनाशक्तीनुसारही व्यक्ती, प्रसंग रंगवत असतो; त्याच्याशीं दिग्दर्शकाने रंगवलेलं सारं जुळणं कठीणच असावं. दुसरं, कथानकावर नाटक, सिनेमा काढणं यापेक्षां लेखकाच्या वेगवेगळ्या व्यक्तीरेखा गुंफून एक कथानक निर्माण करणं महाकठीण काम. आत्तांच असाच एक प्रयत्न असलेलं " सारे प्रवासी घडीचे " नाटक पाहिलं व तिथंही जयवंत दळवींच्या चाहत्यांची कांहीशी अशीच प्रतिक्रिया येणं सहाजिक वाटलं. कदाचित, झारापकरानी ह्या मर्यादा ओळखून अधिक अभ्यास व मेहनत घेणं आवश्यक होतंही असेल पण मला ह्या मर्यादा लक्षांत ठेवून ते किती व कुठे कमी पडले यासाठी हा सिनेमा पहावासा वाटतो, हें खरं. मध्यंतरानंतर नाटक/ सिनेमा सोडून येणं मलाही नवीन नाही पण ते पैसे व तो निर्णय माझा असावा असं मला वाटतं.

पण समहाऊ मला या सिनेमाचा असाच काहीसा रिपोर्ट अपेक्षित होता. याची वर्तमानपत्रात प्रथम जेव्हा जाहिरात पाहिली तेव्हा मला पहिला प्रश्न हाच पडला होती की ही सगळी विविध ढंगी पात्रं सिनेमात एकत्र कशी काय आणणार? त्यांना एकत्र कसं गुंफणार? 'पु.लं.' ही एक गोष्ट सोडली तर त्यांच्यात समान असा धागा काहीच नाही, >>> लले सेम पिंच आता माझा तुला, मी असेच मत ज्योतीकडे व्यक्त केले - "ही सर्व पात्रे एका धाग्यात गुंफणे मुष्कीलच नाही तर नामुमकीनच आहे". तरीही पु.लं.वरील प्रेमापोटी व सर्व पात्रांच्या कथांची परत एकदा ऊजळणी करण्यासाठी चित्रपट जरूर पाहीन.

पुलंना प्रत्यक्ष नाही पण त्यांनी ऐन उमेदीत, दूरदर्शनवर सादर केलेले कार्यक्रम मी बघितले आहे. मी नाही धाडस करणार हा चित्रपट बघायचे. कारण त्या आठवणी अजून ताज्या आहेत.

<< एखाद्या कलाकृतीबद्दल असेच दाखले देऊन तोंड फाटेस्तो स्तुती केली जाते तेव्हा हेच म्हणाल का? >> "हा सिनेमा पहाणारेच खरे रसिक" व " हा सिनेमा पहाणारे निर्बुद्ध" असं म्हणणारे दोन्ही माझ्यासाठी तरी सारखेच ! माझा रोख सिनेमाची स्तुति किंवा त्यावर टीका यावर अजिबात नाही, << "डोक्याला ताप नको" असं म्हणत सिनेमाला जाणारी ...एक निर्बुद्ध पिढी जन्माला आली आहे... >> असं म्हणून जें आपल्याला आवडलं नाही ते बघणारे "निर्बुद्ध", असं म्हणण्यावर आहे !!!

<< इथे कुणी फतवा काढला नाहीये बघू नका म्हणून पण मातब्बर मंडळी असली म्हणजे सिनेमा उत्तम असेलच असं नसतं. >> सिनेमा बघायला जातील ते "निर्बुद्ध" ह्या म्हणण्यापेक्षां फतवा परवडला !!!आणि, मातब्बर मंडळी असली तर इतरांपेक्षां स्वतः पाहून मत बनवणं अधिक योग्य होतं; त्यामुळे सिनेमा उत्तम असेलच, असं नाही म्हणालोय मी.

ओके

<< आपल्या तिकिटाचे पैसे मी भरत नाही, त्यामुळे आपण आपले खुदा, काय! >> तुम्हाला काय परमनंट पास मिळालाय, सिनेमांचा व तुमचं ऐकून न वागणार्‍याना 'निर्बुद्ध' ठरवण्याचा ?

निर्बुद्ध शब्द भारीच्च टोचलेला दिसतोय.

<< निर्बुद्ध शब्द भारीच्च टोचलेला दिसतोय >> नाही. आपलं मत मांडताना ज्या इतराना तें आपणही पारखून घ्यावं असं वाटेल, त्याना आधीच ' निर्बुद्ध' म्हणण्याची वृत्ती नाही आवडत, इतकंच !!

निखिल खैरे,

तुमचं परीक्षण आवडलं. माझा एक जुना प्रोजेक्ट मॅनेजर म्हणायचा की प्रोजेक्ट कसा चालवावा याप्रमाणे तो कसा चालवू नये याचीही उदाहरणे अभ्यासायला हवीत. त्या धर्तीवर बेक्कार चित्रपट कसा असतो हे पाहण्यासाठी तरी मी हा पाहीनच!

तुमचे अवलोकन वाचले. त्यात तुम्ही स्वत:ला आळशी, माजोरडा, इत्यादि विशेषणांनी सजवले आहे. मात्र वरील परीक्षणात ती अजिबात जाणवत नाहीत. तरी त्यांना न्याय देईल अश्या जोमदार परीक्षणाची वाट पहाट आहे.

आ.न.,
-गा.पै.

नवीन पिढीला पुल जसे समजले तसे त्यांनी दाखवले. इतकं काय मनाला लावून घेता ?

एवढा वाईट आहे?

निर्मात्याला पैसे जास्त झाले कि त्याने कुठे डाका घातला होता ? कि पिक्चर बनवणे म्हणजे पीपी प्रेझेंटेशन बनवण्यासारखं सोपं आहे ? कुणीही यावं आणि बनवावा ? कितीतरी पिक्चर्स फसतात, मग काय ते माफी मागतात ? याआधी टुकारातल्या टुकार पिक्चरला माफी मागा अशी मागणी कुणी केली होती अस आठवत नाही. स्वतः पुलंनी तरी केली असती का ?

पिक्चर वाईट असेल पण भाषा जरा अतीच वापरली आहे. इतकं दु:ख झालं असेल तर उठा आणि चांगला पिक्चर काढून दाखवा ना ! सोप्प तर आहे. आणि तुम्हाला नॉलेज आहेच कि. मग आता काय अडलं ?

तेच तर.. पुलंचं वांगमय ऑडिओ विजुअल मध्ये स्टोअर नाही, म्हणून हेच लोक ओरडत असतात.. आता कुणीतरी कसा का होईना प्रयत्न केला तर त्याला दाद द्यायची सोडून असले टिनपाट धागे काढून बसलेत.

.

पिकचर काढला म्हणून दुखावल्या जाणा-या अशा फॅन्सनी याधीच पिक्चर काढून मोकळं व्हायला हवं होतं. ती पोकळी कि काय भरून काढायचं काम मग दुस-या कुणा (पुलं माहीत नसलेल्या ) करंट्या निर्माता दिग्दर्शनाके केलं नसतं. यू मिस्ड द बस..द रिझल्ट इज गोळाबेरीज