निसर्गाच्या गप्पा (भाग ४)

साधना अंबोलीचे फोटो अप्रतीम आलेत.
दिनेशदा गुलाबाची फळं पहिल्यांदाच बघतेय!

पाय आपसूकच इकडे वळतात>>>>>>>>>>>>> अनीलला १०० मोदक.

बुचाला आकाशमोगरा ह्या नावाबरोबर अजून एक नाव आहे......... गगनजाई....

मंडळी
४ दिवस दिल्लीला चालले. पुतणीच्या लग्नाला. नेटबुक आहेच बरोबर. पण वेळेअभावी गप्पा छाटता येणार नाहीत.
तर मज्जा करा! मी जमेल तेव्हा येईनच!

मागील आठवड्यात कोकणात गेलो असताना हे फळ दिसले एका वेलीवर - पॅशनफ्रूटच आहे ना का दुसरे काही ?

पाने पॅशनफृटसारखी आहेत

हो पाने तशीच दिसताहेत.. (मी असतो तर तोडून / सोलून बघितलेच असते.)

साधना मस्त फोटो आलेत सगळे

स्निग्धा हळदकुंकू कुठे बघितलेस? खूप सुंदर फुल असते ते.

खूप सुंदर फुल असते ते.>>>>>>> +१
गेल्या वर्षी महाबळेश्वरला गेलो होतो तिथे बघितलं. अजुन ही काही फुलांचे फोटो आहेत सवडीने टाकेन.
गौरी, शांकली - धन्यवाद नावं सांगितल्या बद्द्ल.

गौरी, स्निग्धा खुप सुंदर फोटो

माझं सद्ध्याचं हे लेटेस्ट वेड आहे ... घरी कुठलंही नवं झाड आणलं / नवं काही दिसलं, की पहिल्यांदा त्याचं शास्त्रीय नाव शोधायचं. एकदा का नाव सापडलं, की जालावर त्याच्याविषयीच्या माहितीची अलिबाबाची गुहाच उघडते.

नाव शोधण्याची पहिली जागा म्हणजे फ्लॉवर्स ऑफ इंडियाची साईट:
http://www.flowersofindia.net

दुसरी जागा म्हणजे श्री दिनेश वाळके यांचे फोटो:
http://www.flickr.com/photos/dinesh_valke/with/3997204331/

खेरीज उत्साही फोटोग्राफर अनेक वेळा त्यांच्या फोटोबरोबर शास्त्रीय नावं देतात. त्यामुळे ती तिसरी शक्यता.

बागकामाच्या या ब्लॉग्जमधूनही भरपूर झाडांबद्दल माहिती मिळते:

http://www.maydreamsgardens.com/
http://plantsarethestrangestpeople.blogspot.com/
http://indigarden.blogspot.com/
http://gardenamateur.blogspot.com
http://the-urban-gardener.blogspot.com/
http://www.blogcatalog.com/blogs/india-garden.html
http://lifeonthebalcony.com
http://balconygarden.wordpress.com/
http://www.ubcbotanicalgarden.org/weblog/
http://mrbrownthumb.blogspot.com/
http://the6x8garden.blogspot.com
http://theurbanbalcony.blogspot.com/

जागू, निसर्गाशी निगडित पुस्तकांची यादी वर केली आहे, तशी अश्या प्रकारच्या वेबसाईट्सची पण बनवता येईल का?

गौरी, मला पण असेच वेड आहे. आता ती सगळी माहिती मराठीत संकलीत करायचा घाट घातलाय आम्ही.

माधव, हळदीकुंकू तण म्हणून अनेक ठिकाणी वाढते. माझ्या आठवणीत कोल्हापूरच्या महावीर गार्डनमधे स्वच्छतागृहाजवळ, अंबोलीला नदीच्या पूलाजवळ आहेत.

आता ती सगळी माहिती मराठीत संकलीत करायचा घाट घातलाय आम्ही.>>>>अनुमोदन दिनेशदा. आता कामाला लागलेच पाहिजे.

काय रंगल्या आहेत गप्पा... मला आज खूप दिवसांनी येता आलं....

अनुमोदन दिनेशदा. आता कामाला लागलेच पाहिजे.>>> मलापण आवडेल यामध्ये सहभागी व्हायला

अंबोलीला नदीच्या पूलाजवळ आहेत.

आहेत अजुनही बहुतेक.. बट हु केअर्स???????

पॅशन फ्रूटला मराठीत काय नाव आहे?

इच्छाफळ

जेराल्ड डरेलच्या 'marrying off my mother' मध्ये त्याची आई पॅशनफृटचा वेल लावते तेव्हा मुलांना 'आता आईचे लग्न लाऊन द्यायलाच पाहिजे, अजुन जास्त थांबण्यात अर्थ नाही' असे वाटायला लागते...

<<<<हो मी आबासाहेब गरवारेचा विद्यार्थी -१९७७-८३ (सूक्ष्मजीवशास्त्र..... उगाचच व्हाईट एप्रन घालून शायनिंग करणारे..>>>>>
शशांकजी आता माझा मुलगा त्याच कॉलेजमधे आहे . त्याला बायॉलॉजीमधे इंटरेस्ट आहे . (सध्यातरी). :स्मितः

गौरी - एवढी भरपूर यादी दिल्यामुळे अगदी भरून पावलो... नक्कीच असे सर्व ब्लॉग्ज, साईट्स मुख्य पानावर घेऊ यात.
आपल्या स्_सा उर्फ सचिनचाही रानफुले म्हणून ब्लॉग आहे, अजूनही कोणा कोणाचे असतील तर जरुर कळवा.

तूर्तास प्रत्येकाने आपल्या घराच्या आसपासच्या मोठ्या झाडांचे फोटो, स्थळवर्णन असे सुरु केले तर त्या त्या भागातील मंडळी ते पाहू शकतील असे वाटते. विशेष किंवा दुर्मिळ झाड असल्यास त्या शहरातील मंडळी जाऊन पाहू शकतील. झाड / पान / फूल /फळ अशा फोटोमुळे आपल्या घराच्या आसपास / परिसरात असे झाड आहे का हे बघायची सवय लागेल व आपल्या माहितीत भर पडत राहील - हे अर्थात वैयक्तिक मत - यात अजून काही सुधारणा करता आली तर चांगलेच.
उदा. सहकारनगर नं २ (पुणे) भागात शेवटच्या बसस्टॉपच्या अलिकडे अगदी रस्त्यावर "शेव्हिंग ब्रश" चा मोठा वृक्ष आहे - मागील वर्षी दै. सकाळमधे त्याचा फोटो व स्थळनिर्देश आला होता - त्यावरुन मी व शांकली तिथे जाऊन पाहू शकलो. साधारण फुलण्याचा हंगाम कळला तर अजून सोपे जाते झाड ओळखायला.

From November 16, 2011

तूर्तास प्रत्येकाने आपल्या घराच्या आसपासच्या मोठ्या झाडांचे फोटो, स्थळवर्णन असे सुरु केले तर त्या त्या भागातील मंडळी ते पाहू शकतील असे वाटते. विशेष किंवा दुर्मिळ झाड असल्यास त्या शहरातील मंडळी जाऊन पाहू शकतील. झाड / पान / फूल /फळ अशा फोटोमुळे आपल्या घराच्या आसपास / परिसरात असे झाड आहे का हे बघायची सवय लागेल व आपल्या माहितीत भर पडत राहील - >>>> १००%अनुमोदन

Tropicana नावाचं एक पुस्तक आहे. त्यात पानाफुलांचे रंगीत फोटो दिले आहेत. ह्या पुस्तकाचे पब्लिकेशन बाहेरचे आहे बहुधा! आणि किंमत पण जास्त आहे. पण एकदा अवश्य बघावे/चाळावे असंच आहे हे पुस्तक. बॉटनी डिपा. ची लायब्ररी असते; त्यात कदाचित बघायला मिळेल.

शोभा अगदी या धाग्याला समर्पक फोटो हं!!

माझं सद्ध्याचं हे लेटेस्ट वेड आहे ... घरी कुठलंही नवं झाड आणलं / नवं काही दिसलं, की पहिल्यांदा त्याचं शास्त्रीय नाव शोधायचं. एकदा का नाव सापडलं, की जालावर त्याच्याविषयीच्या माहितीची अलिबाबाची गुहाच उघडते.>>>>>>>>>>>> (माझंही हेच वेड आहे!)

शांकली, माझ्याकडे तशी काही पुस्तके आहेत. नुसते ऑर्किड्स या विषयाला वाहिलेले पण पुस्तक आहे.
गार्डन अर्थ नावाचे सर्व पृथ्वीवरच्या प्रत्येक विभागातल्या फुलांचा मागोवा घेणारे पुस्तक आहे. कुठलेही पान उघडून वाचायला सुरवात करता येते.
पूर्व आफ्रिका, रिफ्ट व्हॅली, सहारा वाळवंट यावरही उत्तम पुस्तके इथे उपलब्द्ध आहेत. पण सगळी साहेबांच्या भाषेत !!

गार्डन अर्थ बघायला मिळाले पाहिजे! दिनेशदा, तुम्ही भारत भेटीवर यायच्या वेळी आधी इथे कळवा म्हणजे तुम्हाला एक लिस्टच देईन म्हणते मी! कोणती कोणती पुस्तके आम्हाला बघायला/वाचायला आणायची ते! (डॉ.शरदिनी डहाणूकरांचं 'फुलवा' हे पहिल्या क्र. वर बरका!)
अर्थात तुमच्याकडच्या पुस्तकांची आधी सर्व माहिती इथे द्या बरं............ (अलिबाबाच्या गुहेत आपलं दिनेशदांच्या कपाटात {आणि जादूई पोतडीत} काय काय खजिना आहे ते आधी आम्हाला कळूंद्या!)
आत्ताच शशांक म्हणत होता की तुमच्याकडे बंदिशींचा पण खजिना आहे.
दिनेशदा म्हणजे १०/१२ च काय, १५/२० व्यक्ती मिळून एक व्यक्ती आहे हे खरंय कि नै! आणि त्याही निरनिराळ्या कला आत्मसात केलेल्या व्यक्ती हं!

शाकंली, नुसता रस आहे गति नाही..
एखाद्या विषयावरचे सचित्र पुस्त्क नक्कीच घेऊन येईन.
इथे आफ्रिकेत अनेक जागा अशा आहेत कि अजूनही तिथल्या प्राणी आणि वनस्पतिंचा अभ्यास झालेला नाही.
http://www.udzungwa.org/default.asp?pagesID=44

वरच्या लिंकवर फार त्रोटक माहिती आहे पण या जागेचे मी बघितलेले फोटो अफाट आहेत. मालावी सारख्या अपरिचित देशातल्या, लेक मालावी मधले अनेक मासे, ते लेक सोडून जगात कुठेच सापडत नाहीत.
आमच्याकडे डेस्टीनेशन्स नावाचे मासिक मिळते, त्यात अश्या अनोख्या जागांची माहिती असते.

कुठे कुठे जायचे आहे !! काय काय बघायचे आहे !!

बंदीशी नाहीत, हिंदी गाण्यांचे संकलन करतोय, राग आणि तालासकट. मला ईमेल केली तर पाठवीन (रिकाम्या जागा भरायच्या आहेत.)

कुठे कुठे जायचे आहे !! काय काय बघायचे आहे !!>>>>>>>>> खरंय दिनेशदा........

कधी कधी वाटतं की हे एवढुस्सं आयुष्य पुरे पडणार का? एखाद्-दुसर्‍या वृक्षाचा पूर्ण अभ्यास करायचा झाला तर एखादं तप सहज निघून जाईल! आणि मग दिसलेलं एखादं गवतफूल, खुणावणारी हिरवी पानं,कानावर पडणारी एखाद्या पक्ष्याची मंजूळ लकेर, आकाशात दिसणारे आणि कागदावर न उतरवता येणारे रंग.......... यादी वाढत जाईल!! यातल्या प्रत्येक गोष्टीबद्द्ल वाटणारं आणि मनात न मावणारं कुतुहल कधी शमेल?

जागू, मारुती चितमपल्लींचं चकवाचांदण सुद्धा सुंदर आहे. माझ्या ब्लॉगवर मागे मी त्याविषयी एक पोस्ट लिहिली होती.
http://mokale-aakash.blogspot.com/2011/03/blog-post_26.html

कुठे कुठे जायचे आहे !! काय काय बघायचे आहे !!>>>>>>>>> अगदी!

दिनेशदा, माझी आई लहानपण केनिया - टांझानियामध्ये राहिली आहे. तिच्याकडून इतकी सुंदर वर्णनं ऐकली आहेत, की आयुष्यात एकदा तरी निवांत केनिया आणि टांझानिया बघायचेत. तुम्ही दिलेली लिंक बघून याची पुन्हा आठवण झाली.

DAFZA.