संवादायचंय!

Submitted by नीधप on 26 April, 2011 - 00:36

संवादायचंय खूप सारं..
मला असं होतं
तुमचं काय?
मी अशी, मी तशी
तुमचं काय?

अचानक घसा कोंडतो तेव्हा
नाकात होणारी झर्रझुणझुण,
अकारण अवेळी आगंतुकशी
कणाकणातून खेळणारी वीज,
ओढणीच्या चुण्याचुण्यांतून
मनभर पसरणारी मखमल,
सगळं असणं भरारी मारताना
थिजून दगडलेले पाय,

असं खूप सारं
खूप आतलं
खूप आपलं
सवांदायचंय अमर्याद

आणि मखरात नटून बसलाय
माझा मर्यादित शब्दकोश...

- नी

गुलमोहर: 
कविता
शब्दखुणा: 
संवाद
शब्दकोश
मर्यादित
अमर्याद
शेअर करा

शेवट आवडला.. Happy

(अर्थात आधीची कविता नसती तर शेवट कसा झाला असता??, सो, सगळा इफेक्ट शेवटी छान साधला गेलाय!)

Submitted by आनंदयात्री on 27 April, 2011 - 05:35

नीरजा, मी ही वाचलीच नव्हती....
मुक्तेचं खरच... झर्रझुणझुण...
तुझं लिखाण वाचणं आनंदाचं आहे, नीरजा.

Submitted by दाद on 29 April, 2011 - 00:03

Pages