गगनावरी तिरंगा ....!!

Submitted by अभय आर्वीकर on 14 August, 2010 - 15:53

Indian_Flag_Pole.gifगगनावरी तिरंगा ....!!

गगनावरी तिरंग्या फ़डकत असेच जावे
ओलांडुनी नकाशे तू ब्रह्मस्थान घ्यावे ....!!

तू प्राण भारताचा, शक्‍ती ध्वजा-पताका
संगे हिमालयाला येण्यास मार हाका
समवेत घे सह्यांद्री, मेरूस ये म्हणावे
ओलांडुनी नकाशे तू ब्रह्मस्थान घ्यावे ....!!

साथीस ब्रम्हपुत्रा, गोदावरी नि यमुना
धारा तरंग स्फ़ूर्ती, देईल पावलांना
कन्या भगीरथाची, रस्ते तिला पुसावे
ओलांडुनी नकाशे तू ब्रह्मस्थान घ्यावे ....!!

तारांगणे उद्याची, कक्षा तुझी असावी
ही मान भारताची, सर्वत्र उंच व्हावी
आता अभय मनाच्या धुंदीस या जपावे
ओलांडुनी नकाशे तू ब्रह्मस्थान घ्यावे ....!!

गंगाधर मुटे
................................................

गुलमोहर: 
कविता
शब्दखुणा: 
स्वातंत्र्य
देशभक्ती
स्वातंत्र्यदिन
शेअर करा

वा ! आल्या आल्या राष्ट्रध्वजाच दर्शन घडल .कविता पण छान.

Submitted by छाया देसाई on 14 August, 2010 - 23:14

छान!

Submitted by उमेश कोठीकर on 15 August, 2010 - 08:36

मुटे सर, एकदम सुंदर. खूप आवडली Happy

फक्त एकच सुधारणा अपेक्षित....

"ब्रम्हस्थान" आणि "ब्रम्हपुत्रा" यातला "ब्रम्ह " हा शब्द "ब्रह्म " असा लिहावा.

Submitted by मंदार-जोशी on 16 August, 2010 - 01:00

छान Happy

Submitted by वर्षा_म on 16 August, 2010 - 01:05

भारतमाता की जय...!
स्वातंत्र्यदिन चिरायू होवो...!
बलसागर भारत होवो
विश्वात शोभुनी राहो...

Submitted by अभय आर्वीकर on 14 August, 2011 - 15:29

भारतमाता की जय...!
स्वातंत्र्यदिन चिरायू होवो...!
बलसागर भारत होवो
विश्वात शोभुनी राहो...
------------------------

Submitted by अभय आर्वीकर on 15 August, 2015 - 10:22