मभागौदि २०२५ - शशक - पारिजात - ऋतुराज.

Submitted by ऋतुराज. on 23 February, 2025 - 10:34

साक्षात समुद्रमंथनातून निघालेल्या चौदा रत्नांपैकी एक - पारिजात वृक्ष. साहजिकच इंद्राने तो त्याच्या बागेत लावला. पुढे नारदमुनींनी त्याचे रसभरीत वर्णन केल्यावर रुक्मिणीला त्या फुलांचा मोह झाला. त्यावर कृष्णाने तिला ती फुले आणून दिली परंतु सवतीमत्सराने सत्यभामेला देखील त्या फुलांचा मोह झाला. मग सत्यभामेने "हा स्वर्गीय वृक्ष मला माझ्या बागेत हवाच" असा हट्ट धरला. आता झाली का पंचाईत? मोठा कठीण प्रश्न. शेवटी स्त्रीहट्टच तो, पण कृष्णाने एक युक्ती केली. पारिजातकाचे झाड त्याने सत्यभामेच्या अंगणात असे लावले की त्याच्या फांद्या रुक्मिणीच्या अंगणात वाकत होत्या. सडा पडायचा तो रुक्मिणीच्या अंगणात.
..........बहरला पारिजात दारी फुले का पडती शेजारी?

विषय: 
लेखन
शब्दखुणा: 
मभागौदि २०२५
शशक
Groups audience: 
मराठी भाषा गौरव दिवस २०२५
Group content visibility: 
Public - accessible to all site users
शेअर करा

मस्त! ही कथा माहीत होती पण इथे शंभर शब्दात चपखल जमली आहे.

पारिजात हा समुद्रमंथनातून आला हे माहीत नव्हते.

Submitted by फारएण्ड on 23 February, 2025 - 15:49

मस्त! ही कथा माहीत होती पण इथे शंभर शब्दात चपखल जमली आहे.

पारिजात हा समुद्रमंथनातून आला हे माहीत नव्हते.>>+१

Submitted by कविन on 23 February, 2025 - 23:24

सुरेख जमली आहे कथा!

लक्ष्मी: कौस्तुभ-पारिजातक-सुरा-धन्वंतरीऽऽश्चंद्रमा .... Wink
14 रत्नांची नावं असलेलं मंगलाष्टक आहे ना.
(सॉरी अगदीच रहावलं नाही. )

Submitted by प्रज्ञा९ on 24 February, 2025 - 00:24

साजणवेळा कार्यक्रमात ग्रेस यांच्या ललित लिखाणात आलेला याच कथेचा काही भाग चंद्रकांत काळे यांच्या आवाजात या इथे आहे, ही कथा वाचून ते अभिवाचन आठवले, शंभर शब्दात छान बसवले आहे तुम्ही

https://youtu.be/4DR_vp55oYw?si=r6-fPE6cRpcmnDQX&t=289

Submitted by तुष्कीनागपुरी on 24 February, 2025 - 06:30

मस्त शशक Happy

पारिजात हा समुद्रमंथनातून आला हे माहीत नव्हते.>>+१

Submitted by आबा. on 24 February, 2025 - 08:12

छान! Happy

Submitted by स्वाती_आंबोळे on 24 February, 2025 - 08:59

आत्ता नक्की नाव आठवत नाही परंतु बहुदा "उघडले स्वर्गाचे दार" किंवा तत्सम नाटकात हा पारिजातकाचा प्रसंग पहिल्याच स्मरते.

Submitted by छन्दिफन्दि on 24 February, 2025 - 13:44

सुंदर, सुंदर!!
पारिजात हा समुद्रमंथनातून आला हे माहीत नव्हते. >>> +१

Submitted by sanjana25 on 25 February, 2025 - 02:02

सुंदर.
कथा माहीत होती .
पारिजात हा समुद्रमंथनातून आला हे माहीत नव्हते. >> +1

Submitted by सिमरन. on 26 February, 2025 - 11:54