आई आणि आज्जी यांच्या पाककृती - शेंगोळे

आमच्याकडे मराठवाड्यात ज्वारीच्या पीठाचे करतात शेंगोळे. खूप आवडतं पदार्थ आहे माझा. बाकी कृती अशीच असते फक्त शेंगोळे उकळतात त्या पाण्यात थोडे दाण्याचे कुत पण घालतात.
मला शेंगोळे वळायचा कंटाळा येतो. इकडे घराच्या बाकी मेंबराना हा पदार्थ आवडत नाही. मग मी माहेर गावी गेल्यावर आईकडे किंवा जावेकडे खाते. दोन्ही ठिकाणच्या स्वयंपाकाच्या मावश्या तिथून परत यायचा आधी माझ्या आवडते सगळे पदार्थ बनवून खावू घालतात.
कुळीथाचे पिठ नाहीये, पण ज्वारीचे आहे. आज रात्री माझ्यापुरते करेनच

खूप ऐकलं आहे ह्या पदार्था बद्दल. मला खाऊन बघायच्या आहेत एकदा. आमच्या कडे घरचे कुळीथ, कू पी असतं पण कोकणात कधी ही करत नाहीत शेंगोळ्या.
तर ह्या साठी स्पेशल पीठ असतं की घरात पिठल्या साठीच जे पीठ असतं त्याच्या करता येतील ?

घरात पिठल्या साठीच जे पीठ असतं त्याच्या करता येतील >>> तेच पीठ गं माझ्याकडे तेच असतं कायम.

विदर्भात आमच्याकडे ज्वारीच्या पिठाचे करतात.

व्वा मग करतेच आता... कुळथाची उसळ, पिठलं खूप म्हणजे खूपच आवडतं त्यामुळे हे ही नक्की आवडेलच.

व्वा धनि!
एकदम मस्तच आहे तुमची पाकृ. नक्की करून पाहीन.
वेगळी पद्धत आहे. आमच्याकडे वेगळ्या पद्धतीने करतात.
त्या सुपाच्या पाण्यात कुस्करून खायला मजा येते.>>>>> खरंच.
"आई आणि आज्जी यांच्या पाककृती" ही तुमची नवीन सीरिज आहे का? मस्त आहे.

खाऊगल्ली गल्ली वर फोटो पाहीला होता इथे पाहिजेच होती ही ऑथेंटीक रेसिपी .शेंगोळे मस्त दिसतायत विठोबाच्या नामा सारखे .रेसिपी छानच.

छान पाककृती.
शेंगोळे सोऱ्या (चकलीचा ) वापरून केले तर चालतील का? पटकन होतील.

मस्त कृती . झणझणीपणा फोटोत जाणवतोय.
खानदान की इज्जत का सवाल असल्यासारखे सुबक वळलेत शेंगोळे.
मायबोलीवर अन्यत्र पाहिलेल्या फोटोंपेक्षा या फोटोतले शेंगोळे रश्श्यात अंमळ लपून बसल्यासारखे वाटतात.
वन डिश मील आहे, तर थंडी जायच्य आत करायला हवं. कुळथाचं पीठ आहे घरी. केलं तर इथे लिहितो.

झकास !

हे हिरव्या मसाल्याचे व्हेरिएशन हिट होणार.
शेंगोळे निगुतीने वळलेत आणि प्लेटिंग तर उच्च ! ❤

साध्या ग्रामीण रेसिपीला glamour प्राप्त करून दिले तुम्ही. ब्रावो !

…आमच्याकडे ज्वारीच्या पीठाचे करतात शेंगोळे….

आमच्याही. बाईंडिंगसाठी थोडेसेच गव्हाचे/ डाळीचे पीठ + भरपूर लाल तिखट टाकून, झणझणीत. नवी पीढी - Rustic Indian Pasta In red hot gravy म्हणते

आता केले की फोटो देतो इथे.

व्वा मस्तंच आहे पाककृती. ज्वारीचे खाल्ले आहेत. आता कुळथाचे पण करुन बघेन

कुळथाचं पिठलं सततच होत असतं घरी. पण हे शेंगोळे खायला धनि तुझ्याकडे यायलाच हवं आता .....

खुप मस्त आणि यम्मी दिसतायत फोटोत.

फारच मस्त दिसताहेत. हे एकदा केलेले आणि आवडलेले. मग विसरुन गेलो.
यात दाण्याचं कूट पण घालतात का?
आणि या प्रमाणात केलं तर पाणी किती घालायचं?

फोटो आणि पाकृ आवडली. म्हणजे इथे आधी लिहिल्या गेलेल्या रेसिपीतून हा पदार्थ ओळखीचा आहे पण आमच्याकडे केला जात नाही. माझ्याकडे कुळथाचं पीठ पडून आहे. माझ्यापुरतं करुन बघायला हवं. बाकी लोकांना आवडेल की नाही सांगता येत नाही.
ज्यांच्याकडे केला जातो ते फक्त हेच खातात का? की जोडीला काही घ्यायची पद्धत आहे?

कुलथाच्या पिठाचे नवीन आहे ! चांगलेच लागत असणार. आम्ही ज्वारी+कणीक+ बेसन वाले करतो.
हल्ली मी शेंगोळे वळायचा कंटाळा येतो म्हणून शंकरपाळे लाटून वरणफळे करते. कृती तीच सगळी. परवा एक नवीन प्रयोग केला, कुकरमध्ये वरण उकळले की गॅस लहान करून सगळे शंकरपाळे घातले, अन एक शिट्टी काढली.. एकदम यम्मी, शिवाय सारखे झाकण काढून ढवळावे लागले नाही.

खूप ऐकलं आहे या पदार्थाबद्दल. घरी कु पि पण आहे आता करुन बघेन

.. ज्यांच्याकडे केला जातो ते फक्त हेच खातात का?..

आमच्याकडे हे वन डिश मील.

रेसिपी वाचली आणि लगेच केली. आज खुप दमले होते, सैपाकाचा मुड नव्हता, अशा वेळी ही पटकन होणारी रेसिपी अगदी देवासारखी धाऊन आली. लेकीच्या डायेटमध्ये बसणारी..

अशी सोप्पी रेसिपी दिल्याबद्दल मनापासुन आभार.

ह्याच्या बरोबर ताक, कांदा , पापड हे चांगल लागेल असं वाटतंय. ..

जबरी फोटो आणि रेसिपी..कधी खाल्लेली नाही आणि कुळीथ पीठ नाहीये...इतर पीठे वापरून नक्की try करणार..

पुण्यात कुठल्या हॉटेल मध्ये मिळतात का शेंगोळे?

मास्टर शेफ धनि
छान रेसिपी आणि फोटो

ओके धनि. लवकरात लवकर मुहुर्त शोधतो. मी सोडून कोणी खाण्याची शक्यता शून्य आहे. मला कु. पि. जीव की प्राण आहे. हे आवडतील यात शंकाच नाही.
वरणफळं पुण्यात करिष्माच्या खाली आणि एफसीवर ज्ञानेश्वर पादुका चौकात मॉडेल कॉलनीला जाणार्‍या रस्त्याच्या तोंडावरच्या रेस्टॉ मध्ये मिळायची. त्यांच्याच दोन शाखा होत्या. एकदम मराठी डब्बा, आईच्या हातचं असलं काही घरगुती नाव होतं.
ही १७ वर्षांपूर्वीची गोष्ट आहे. सो रिलेव्हंस शून्य असू शकतो. तर तिकडे विचारू शकता.

सध्या करिश्माच्या खाली फक्त momos ची दुकाने आहेत:(
आयांच्या दुकानात पण हल्ली पनीर च्या च भाज्या मिळतात ungortunately..

धनी काय मस्त आठ्वण करुन दिलिस, नाशिकच्या थन्डीत आमच्याकडे पण व्हायचे शेगोळे...कुळथाचेच करायचो..आमच्याकडे कुळिथाला हुलगे नाव जास्त प्रचलित आहे.
गरम गरम शेन्गोळे आणी बरोबर ज्वारी नाहितर बाजरीची भाकरी..खरतर त्याचिही गरज पडत नाही नुसते वन डिश मिल म्हणून पण खाता येतात...चव झणझणीतच असायला हवी..मेगळट चान्गले लागत नाहीत.
भरपुर पाण्यात निट शिजवुन घ्यावे लागतात पचायला जड असतात.
काही ग्रामिण भागात गोल वळवुन चकलीसारखा आकार देतात त्याला" तिखट जिलबी" म्हणतात.
इकडे मिळत नाही हुलग्याच पिठ , बे एरियात दिसल तेव्हा आणल होत..आता परत मागवेल घरुन

पुण्यात कुठल्या हॉटेल मध्ये मिळतात का शेंगोळे?>>मिळतात बहुधा, मी एक रिलमधे बघितल्याच आठ्वतय परत दिसल तर इथे अपडेट करते.