कुळीथ पीठ ( हुलग्याचे पीठ) - १ वाटी
कणिक / ज्वारी / बाजरी - २/३ चमचे
लसूण - ४ मोठ्या पाकळ्या
हिरवी मिरची - ४ / ५ (तुमच्या आवडी आणि तब्येती नुसार 
)
कोथिंबीर
जिरे
मोहरी
हळद
मीठ
हिंग
तेल
थंडी सुरू झाली की आमच्या कडे हुलग्याचे कढण किंवा उसळ आणि कुळीथ पिठाचे शेंगोळे केले जातात. इतर ऋतूंमध्ये मागितले तर हुलगे उष्ण असतात आणि थंडीत मिळेल असे सांगितले जायचे. तर अशी ही थंडी स्पेशल पाककृती आहे. या वेळेस देशात गेलो असताना थंडी होती मग आईकडून मस्त शेंगोळे करून घेतले आणि भरपूर खाल्ले. इकडे तसेही रमड कृपेने खास कोकणातले कुळीथ पीठ असतेच मग म्हणालो थंडी आहे तर आपण पण शेंगोळे करूच. तसेही जवळ जवळ सहा वर्षे मी तिला शेंगोळे कसले भारी होतात असे सांगून पकवले आहे मग या वेळेस खरंच शेंगोळे पकवले आणि खिलवले.
इथे खाऊगल्लीवर फोटो टाकला तर लोकांना ही गावाकडची गोष्ट खुप आवडली. त्यांनी आग्रह केला म्हणून ही ते म्हणतात ना तशी "Rustic dish" टाकतो 
(तिखट पदार्थ गोड मानून घ्या 
)
१) सुरूवातीला लसूण, मिरची, आणि कोथिंबीर एकत्र बारीक वाटून घ्या.
२) कुळीथ पीठ आणि इतर कुठलेही एक पीठ एकत्र करून घ्या.
३) त्यात हे वाटण एकत्र करून घ्या आणि मीठ टाका. थोडे वाटण बाजूला राहू द्या.
४) पाणी घालून थोडे घट्टसर भिजवून घ्या.
५) इकडे गॅसवर कढईमध्ये तेल, जिरे, हिंग, हळद आणि मोहरी घालून खरपूस फोडणी करून घ्या.
६) फोडणी झाल्यावर गॅस थोडा बारीक करून त्यात ते बाजूला काढलेले वाटण घालून परता.
७) वाटण परतून झाले की पाणी घाला.
८) पाण्याला उकळी येऊ द्या.
९) हाताला भरपूर तेल लावून शेंगोळे वळून घ्या. जनरली फोटोत दाखवला तसा आकार करतात. तुम्हाला पाहिजे तर कडबोळ्याचा पण आकार करू शकता.
१०) आता हे शेंगोळे हलकेच उकळत्या पाण्यात सोडा. लगेच हलवू नका. थोडा आकार पकडला आणि वर यायला लागले की थोडे हलवा म्हणजे चिकटणार नाहीत.
११) १० - १५ मिनिटे मध्यम आचेवर उकळू द्या. शिजल्यावर त्यांचा आकार जवळ जवळ दिडपट वाढतो.
१२) कडा असणार्या छोट्या थाळीत किंवा वाडग्यात खायला द्या. आवडत असल्यास वरतून पिळायला लिंबू द्या.
तसे तर हे वन डीश मिल आहे. पण पाहिजे असल्यास बरोबर खायला भाकरी घ्या. त्या सुपाच्या पाण्यात कुस्करून खायला मजा येते.
बरोबर घेताना एखादा रूमाल / टिशू ठेवा. नाकातून डोळ्यांतून आलेले पाणी टिपण्याकरता 
आमची पद्ध्त वेगळी आहे.
आमची पद्ध्त वेगळी आहे.
लाल मिरची, सुके खोबरे ठेचलेलं , ताजी लसूण पात व सुका लसूण पाकळ्या २-३ तसच तव्यावर भाजून वाटून घ्यायचं.
फोडणीत मोहरी तड्तडली(च) की हिंग टाकलं कि दोन तीन मेथी दाणे टाकले की वरचे वाटण परतायचे. तेल सुटले की पाणी टाकून उकळायचे.
गोल चपट्या पातळ ( बांगडी) बनवायची त्यात हळद, मीठ, मसाला टाकून व सोडायची पाण्यात. शिजून वर आली की २-३ कोकम आणि कोथींबीर.
कुपी आम्ही भाजलेल्या कुळीथापासूनच करतो. दळताना धणे ( भाजून) टाकतो.
अप्रतिम लागतं.
हमाआमचं, वरातीमागून घोडं. मी
हे आमचं, वरातीमागून घोडं. मी एकच बदल केलाय - रश्श्यात गोडा मसाला घातलाय. आत्ता चुलीवरती रटरटतय. झाले की फोटो टाकते.
.
आवडले.
सहीच.
सहीच.
मी दोनदा केले पण आधी करत होते त्याच रेसिपीने. मला एकदा सेम टू सेम ही रेसिपी फॉलो करायची आहे. इथे येऊन परत वाचायचं राहून जातंय.
अन्जू नक्की कर. मी दुसरे
अन्जू नक्की कर व फोटो टाक. मी दुसरे सर्विंग घेतले. वेगळीच चव आहे. आवडले.
मस्त दिसतंय, माझी ताई करते (
मस्त दिसतंय, माझी ताई करते ( तिच्या सासूबाईंची रेसिपी) ताकातली कडबोळी म्हणते ती. मी एकदा तिच्याकडे खाऊन घरी येऊन प्रयोग केला होता पण प्रयोग फसला. म्हणून लेकाने या प्रकाराला बिग नो नो म्हणून ठेवलंय. खरं तर डाळढोकळी आवडते . आणि ताईच्या हातचं खाल्लं असतं तर या शेंगोळ्या/ ताकातली कडबोळी आवडली पण असती . मस्तच लागतात. सांगायचा मुद्दा हा की आता धनीच्या रेस्पिने करुन बघते कुळथाचं पिठ ग्राहक मधून घेतलंय.
धन्यवाद सामो करून इथे
धन्यवाद सामो करून इथे लिहिल्याबद्दल.
अंजू, धनुडी नक्की करून बघा. थोडे राहिलेले पीठ कालवून त्या रस्श्यात घातले आणि उकळले की रस्सा पण दाट होतो पाहिजे तर.
दुसर्या बॅचमध्ये, काळा मसाला
धनि यु आर वेलकम.
दुसर्या बॅचमध्ये, काळा मसाला घातला नाही. ताक घातले. फोडणीत, कढीलिंब. मला दुसरी बॅच जास्त आवडली.
थोडे राहिलेले पीठ कालवून त्या
थोडे राहिलेले पीठ कालवून त्या रस्श्यात घातले आणि उकळले की रस्सा पण दाट होतो पाहिजे तर. >>> हे मी नेहेमी करते पण तुमची फोडणीत वाटण घालायची पद्धत जास्त आवडली मला. तसं करुन बघायला हवं.
अर्थात आमच्याकडे जास्त कुळथाचं पिठलं केलं जातं पण लहर आली की शेंगोळे करते.
सामो >> ताक घालून कधी
सामो >> ताक घालून कधी खाल्लेले नाहीत.
अंजू >> फोडणीत वाटण मस्त लागते. त्यामुळे एक तर्री पण येते.
काहीतरी गडबड झाली. रस्सा छान
काहीतरी गडबड झाली. रस्सा छान झाला चवीला. पण शेंगोळे फसले. दड्ड झाले. पीठ तू सांगितले तसेच घेतले होते. Infact पीठ विकणाऱ्याने कशाला पाहिजे इतपत विचारले, म्हणजे पिठलं की शेंगोळे. कुछतो मिशटेक हो गया.
तसे तर वेगवेगळ्या पिठाचे करून
तसे तर वेगवेगळ्या पिठाचे करून पाहिलेले आहेत आणि प्रॉब्लेम आलेला नाही.
ज्वारी/बाजरी पीठ वाढवून बघ. ते थोडे रवाळ असते तर मदत होऊ शकते.
लंपन दिसतायत छान.
लंपन दिसतायत छान.
शेंगोळे दुसर्या दिवशी म्हणजे आज फारच मस्त लागले. विशेषतः ते सूप पिताना, मासे आठवले.
लंपन फोटो मस्त.
लंपन फोटो मस्त.
Pages