क्रिकेट - ९

K L राहुल नेहमी महत्वाच्या सामन्यात कच खातो, त्याला कुठल्याही फॉरमॅट मध्ये खेळवू नये

>>ते नसतानाही सेहवाग तसाच खेळायचा. किंवा खेळला असता कारण. त्याचा गेमच तसा होता.
तुला मुद्दा समजला नसावा मित्रा..... त्याचा गेमच तसा होता हे जगन्मान्य आहे आणि त्याचे क्रेडीट काढून कुणीही द्रवीड, तेंडूलकरला देत नाहिये पण बाकी लोक सातत्याने भरवश्याचा खेळ करत असतील तर एखादा बेदरकार खेळाडू परवडतो!! इथे सगळेच बेदरकार (किंबहुना बेजबाबदार) खेळत असताना पंतने नॅचरल खेळाची मोकळीक घेणे (विशेषत: चांगले जम बसऊन विकेट फेकणे) लोकांच्या डोळ्यावर येणारच असा अर्थ होता
सेहवागचे नशीब चांगले की त्याच्या आजूबाजूला भरवश्याचे प्लेयर्स होते असे प्लेयर्स येत्या काळात पंतच्या नशिबी यावेत अश्या शुभेच्छा!!

कोहली गेलाच.

शुभमन देखील खराब शॉट खेळला.

चौथ्या डावात पिच बॅटिंग साठी खराब होणार असा अंदाज असताना अन् ऑलामोस्ट अडीच दिवस खेळ बाकी असताना आज फारशा विकेट न घालवता जम बसवून घ्यायचं अन् उद्या जरा जलद धावा करून कांगारूंना साधारण 100 ओव्हर्स मधे 350 - 400 चं टार्गेट द्यायचं असा अप्रोच का नसावा??

विकेट गेल्या तर गेल्या, आजच जे काय होईल ते होईल या इराद्याने टी20 स्टाईल बॅटिंग करण्यात काय हशील???

सेहवाग बेदरकार ओपनिंग करायचा. जरी लवकर आऊट झाला तरी पुढे जवाबदारी नी खेळायला द्रविड सचिन लक्ष्मण दादा होते.
पंत ऑलरेडी किमान 3 विकेट गेल्यावर येतो. त्यावेळी परिस्थिती नुसार खेळ करण्याची अन् गरज असेल तर नॅचरल गेम ला मुरड घालून खेळायची अतिरिक्त जवांबदारी त्याच्यावर आहे (जी सेहवाग वर नव्हती). त्यामुळे पंत अन् सेहवाग ची तुलना होत नाही.

पँटची फटकेबाजी बघायला टीव्ही लावला, तर तो दिसतच नाहीए.

रोहितभाऊ चिडलेले दिसतात. मुलाखतीदरम्यान त्यांना चिथावलं जातंय हे उघड दिसत होतं. मी पुन्हा येईन असं त्यांनी म्हटल्यावर त्या दोघांनी खदाखदा हसून दाखवलं. आणि त्या क्लिप्स पुन्हा पुन्हा दाखवल्या जाताहेत.
दुसरीकडे पेपरात बातमी आहे की ऑस्ट्रेलिया दौर्‍यानंतर त्यांचा कसोटीसाठी विचार केला जाणार नाही.

“ आज फारशा विकेट न घालवता जम बसवून घ्यायचं” - जम बसवून खेळण्यासारखी विकेट वाटत नाहीये. स्पाँजी बाऊन्स, लॅटरल मूव्हमेंट, आजूबाजूला असलेलं भरपूर गवत - ज्यामुळे बॉल लवकर खराब होत नाही- अश्या परिस्थितीत कुठल्याही बॉलवर विकेट जाऊ शकत असल्यामुळे १७५-२०० च्या आसपास टारगेट सेट करून ऑस्ट्रेलियाला चॅलेंज करण्याचा प्लॅन असावा.

>>तुम्ही माझाच मुद्दा लिहिला आहे.
"ते नसतानाही सेहवाग तसाच खेळायचा. किंवा खेळला असता" या एका वाक्यामुळे सोललेल्या संत्र्याचे ज्यूस काढून द्यायला लागले

>>त्यामुळे पंत अन् सेहवाग ची तुलना होत नाही.
तशी डायरेक्ट तुलना वेगवेगळ्या काळात आणि वेगवेगळ्या परिस्थितीत खेळलेल्या कोणत्याच खेळाडूंमध्ये होऊ शकत नाही.... आणि इथेही कुणी केलेली नाही.... सहवागचे उदाहरण यासाठी की त्यालाही त्याचा नॅचरल गेम सोडून परिस्थितीनुरुप खेळायचे सल्ले मिळायचे.... तो या कानाने ऐकून त्या कानाने सोडून द्यायचा आणि मजेत शीळ घालत किंवा गाणे गुणगुणत बिनधास्त चेंडू भिरकावून द्यायचा!!
तसे करणे पंतला तेंव्हाच परवडेल जेंव्हा वरचे सातत्याने चांगला आणि भरवश्याचा खेळ खेळत धावांचा डोंगर उभारतील.... असो!!

सध्यातरी तो त्याच्या नॅचरल खेळाला मुरड घालताना दिसत नाही..... गंभीरने काय स्ट्रॅटेजी ठरवलीय काय माहित!!

१३७-६
आणि हे म्हणे २५० चं टार्गेट देणार !
तो हनुमा विहारी पण चांगला खेळला असता.

अप्रतिम चेंडूवर बाद झालेला एक ही भारतीय खेळाडू नाही दिसला मला तरी

पंतची उच्च दर्जाची प्रतिभा, जिगर, जिद्द याबद्दल दुमत नाही, त्याच्या भरीव कामगिरी व उपयुक्ततेबद्दलही शंका नाही. पण, तो संघातला टॉप स्कोरर असतो, त्याला आणखी सुधारण्याची गरजच नाही, असा सूर लावणं किंवा तसं सुचवण हे त्याचंच अहित करण्यासारखं आहे. Legend, GOAT होणं म्हणजेच सतत व दीर्घ काळ स्वतः त सुधारणा करत राहणंच. स्वतःच्या खेळाला कुठे व कधी मुरड घालायची हे उमजून तसा खेळ करणं ही एक त्या मार्गातली महत्त्वाची सुधारणा आहे, असं माझं मत.

*..तर एखाद्या ऋषभ पंतला नाही असे म्हणने मुर्खपणाचे ठरेल.* -
तो कमाल खेळाडूच आहे, हे नाकारणे हा माझाही मूर्खपणाच ठरेल !

पूर्ण भारतीय संघाच्या खेळाचे अवलोकन करताना, जर पंतला त्याची खेळी सुधारण्याची गरज आहे या मागणीबद्दल आपण एवढे आक्रमक असू तर इतर ८ ( बुम्हरा आणि जयस्वाल वगळून) खेळाडूंना संघाच्या बाहेरचा रस्ता दाखविण्याच्या मागणीबद्दल ही आपण तितकेच आक्रमकपणे, वारंवार, आणि अधिक प्राधान्याने बोलले पाहिजे असे माझे मत आहे, पण निरीक्षण दुर्दैवाने याच्या अगदी उलट आहे आणि माझा आक्षेप त्याला आहे.

गेम फुल ऑन आहे.>>>>>>काही वेगळे होणार नाही. Australia 7 गडी राखून सहज जिंकतील

*दुर्दैवाने याच्या अगदी उलट आहे आणि माझा आक्षेप त्याला आहे.* - अपेक्षाभंगाच्या दुःखातून येणारा राग ज्याच्याकडून अपेक्षा असतात त्याचाच येतो!!

भाऊ
अगदी खर सांगा. उद्या काय होईल? काय अंदाज आहे आपला. भल्या पहाटे उठावे काय?

पंत खेळतो ६०=७० धावा करतो. क्वचित केव्हातरी शतकही ठोकतो.
हे पाहून माझा देवावरचा विश्वास वाढला.

अपेक्षाभंगाच्या दुःखातून येणारा राग ज्याच्याकडून अपेक्षा असतात त्याचाच येतो!!>>>>अपेक्षा ठेवणे चुकीचे नाही आणि अपेक्षाभंगाने दुःख होणे ही स्वाभाविक आहे पण ज्याने त्यातल्यात्यात बरी कामगिरी केली त्याच्यावरच अपेक्षाभंगाचा राग काढणे हे चुकीचेच आहे. एका कडूनच सर्व अपेक्षा ठेवून, अपेक्षाभंग झाल्यावर त्याला बोल लावायचे आणि इतर उंडग्यांना मोकळे रान द्यायचे, हे जो बऱ्यापैकी आऊटपुट देतो त्याच्यावर अन्याय करणारे नाही का?? आणि असे वर्तन, अपेक्षा ठेवणाऱ्यांच्या एकूण मानसिकते बद्दल काय सांगते?
पंतला त्याच्या एकूण सुमार कामगिरीबद्दल संघाबाहेर काढले तरी मी त्याचे स्वागतच करेन पण त्याच्या आधी इतर बऱ्याच खेळाडूंच्या कामगिरीचेही याथायोग्य पोस्टमॉर्टेम व्हायला हवे हे ही तेवढेच नक्की.

*अगदी खर सांगा. उद्या काय होईल? काय अंदाज आहे आपला. भल्या पहाटे उठावे काय?* - मी हल्ली आपल्या शेपटाबद्दलच अधिक आशावादी आहे; उद्या सामना रंगतदार होईल ही रास्त अपेक्षा व आपण सरस ठरू हा वाजवी आशावाद ! पहाटे उठण तर आलंच !! ( ऑसिजच्या पहिल्या डावात विकेटमागचे झेल आपण ज्या तडफेने घेतले, ते बघून आशावाद अधिकच बळावला आहे !)

खरं बोलायला सांगावं लागतंय तुम्हाला, हे लक्षात येतंय ना तुमच्या ! उद्या कामवाल्या बाई येणार नाहीत म्हणून सकाळी लवकर उठणार आहात, हे सांगा
त्यांना !!

गावस्कर त्या दिवशी stupid shot बोलत त्याच्यावर चढलेला. जे योग्यच होते.>>>> ही गिऱ्हाईक पाहून पुड्या बांधणारी जमात आहे....आणि हेच कशाला जवळजवळ सर्वच जण खेळाडूंनी आधी केलेल्या विक्रमांचे गाठोड्यांचे वजन घेवून त्याच्या वर्तमानातील कामगिरीचे विश्लेषण आणि त्यावर भाष्य करणार, त्यामुळेच मला ऑस्ट्रेलियन क्रिकेट याबाबतीत नेहमी उजवे वाटत आले आहे, त्यांच्यात हाडामासाच्या माणसाला देवत्व बहाल करुन ध्रूवपद देण्याची चढाओढ लागलेली नसते... आज परफॉर्मन्स द्या उद्या साठी स्थान पक्के करा असा सरळ हिशेब.

भाऊ!
फार्स विथ द डिफरंस
त्यांच्यात हाडामासाच्या माणसाला देवत्व बहाल करुन ध्रूवपद देण्याची चढाओढ लागलेली नसते>>>अगदी अगदी.

“किंबहुना मीच … असे सुचवत राहतो.” - do you ‘own’ Rishabh Pant?