नेमप्लेट आणि इतर काही

मागच्या मोसैक धाग्यानंतर अजून काही छोटे मोसैक बनवून झाले. काहींना ग्राउट केलं, काही अजून तसेच आहेत. इथे त्यांचे फोटो राहून गेले होते.
अगदी व्यवस्थित पूर्ण झालेल्या मोसैक पैकी हे एक.
या नेमप्लेट ची ऑर्डर भावाने आणि वहिनीने दिली होती. त्यांना जास्त डिझाईन नको होते. शक्यतो पांढर्‍या रंगाची नेमप्लेट हवी होती. मध्यभागी पांढर्‍या चौकोनात नावं आणि बाजूने असमित फुलं अशी रफ डिझाईन माझ्या डोक्यात काम सुरू करताना होती. अशा वेगळ्या आकाराची लाकडी नेमप्लेट सहज मिळूनही गेली. मला पॉपी फुलं खूप आवडतात, त्यामूळे चित्रात एक तरी ते फुलं हवंच होते.अकागदावर एक पॉपी फुल आणि त्याच्याबाजूला अजून २-३ फुलं असं एक तात्पुरतं स्केच करून मी सरळ कामाला सुरवात केली. असलेले रंग, ते एकमेकांशेजारी कसे दिसतात हे बघत हळू हळू एका बाजूला फुलांची महिरप तयार झाली. मला खरं तर चारी बाजूंना पूर्ण फुलांची महिरप करायची ईच्छा होती. पण भावाला आणि वहिनीला कमी फुलं हवी होती. ही एवढीच महिरप पुरे असे त्यांनी सांगितल्याने मी थांबले.

काम सुरू करताना...

माझ्या मुळ डिझाईनमध्ये बाहेरच्या चौकटीत निळ्या आणि ग्रे रंगाच्या टाईल्स बॅकग्राउंडला ठेवल्या होत्या. स्केच मध्ये तसे छान दिसत होते. पण प्रत्यक्ष मात्र वेगवेगळ्या प्रकारे निळ्याच्या २-३ शेड आणि ग्रे च्या काही शेड्स एकत्र ठेवूनही ते तितकेसे चांगलं दिसलं नाही. वेगवेगळ्या प्रकारे या टाईल्स बॅकग्राउंडला ठेवून फोटो काढून वहिनीला दाखवून झाले आणि शेवटी फक्त ग्रेच वापरू असं ठरवलं.

एका बाजूची महिरप पूर्ण झाल्यावर बॅकग्राउंड्च्या टाईल्स चे प्रयोग

ग्राउट करायच्या आधी. मधल्या पांढर्‍या भागात आयव्हरी आणी बॉर्डरला ग्रे ग्राउट केला

ही फायनल नेमप्लेट, ग्राउट करून नावं चिटकवून तयार झालेली.

याशिवाय १-२ बॉक्स आणि अजून काही छोट्या फ्रेम केल्यात. यातल्या काहींना ग्राउट केलं आहे, पण फ्रेम करणं बाकी आहे. काहींना अर्धवट ग्राउट केलं आहे. बहूतेक सगळे फोटो मात्र ग्राउट करायच्या आधीच काढले आहेत. माझ्या घरात ग्राउट करायला फारशी जागा नाही. ग्राउट करताना खूप पसारा होतो. ग्राउट केल्यावर स्वच्छता करताना वापरलेलं पाणी घरात बाथरूम मध्ये फेकता येत नाही. पाईप ब्ळोक होवू शकतात. त्यामूळे एका कुंडीत किंवा भांद्यात काढून कुठेतरी जमिनीत एखाद्या ठिकाणी खद्दा करून डिस्पोज करावं लागतं. या सगळ्या कारणांनी मी एकत्र एखाद्या दिवशी ३-४ वस्त्तूंना ग्राउट करते. मग फोटो राहूनच जातात.

हे दोन बॉक्सेस आहेत.
बाकी इतर छोट्या वस्तू नंतर कधीतरी दाखवेन. आज बरेच फोटो आडवे होत होतआतात्यामूळे ते नंतर कधीतरी.