आरोग्यदायी पेय - मेक्सिकन तेपाचे - अमितव

हे आवडेल असे वाटतेय. करुन बघेन

मस्त. मला केंव्हाचा करायचाय हा प्रयोग. यावेळी गणेशोत्सवात करूया ठरवलेल्या प्रयोगापैकी एक हा प्रयोग होता. आळशीपणा नडला.
फक्त कंबुचा तयार आहे. पण त्यासाठी वेगळं विरजण लागते म्हणून इथे लिहू कि नको हे अजून ठरवलं नाहीये.
अननस हे माझ्या आवडत्या फळांपैकी असल्याने तपाचे आवडेल याची खात्री आहे. तपाचे केल्यावर इथे नक्की लिहिन मी.

मी असं ऐकलं/ वाचलं आहे कि किमान तिन दिवस तरी किण्वन प्रक्रिया होवू द्यावी. आतड्यांसाठी चांगले असणारे जिवाणू बनायला सुरवात तिसर्‍या दिवशी पासून होते. शिवाय बाहेरच्या तापमानाचा पण फरक पडेल ना? आयडियल बहूतेक २५ ते ३० सेल्सिअस असतं तापमान. यापेक्षा जास्त असेल तर किण्वन लवकर होते आणि हवे तितके चांगले जिवाणू मिळत नाहीत.

मस्तय. आणि फार काय अवघड नाही वाटतं.

ठेवल्यावरही बुडबडे तयार व्हायची प्रक्रिया चालूच रहाणार आहे. त्यातून जे वायू तयार होतील त्याने प्रेशर तयार होऊन बाटली फुटायची शक्यता आहे. त्यामुळे असा दाब सहन करू शकेल अशीच बाटली घ्या.>> रोज झाकण हलके उघडून गॅस रिलीज केला तर असे प्रेशर येणार नाही ना?

(बायो एंझाईम प्रयोग करते तेव्हा असे करते मी. विसरल्यावर दोन वेळा रॉकेट उडलेय )

अमित च्या वतीने मीच देते उत्तर -
रोज झाकण हलके उघडून गॅस रिलीज केला तर असे प्रेशर येणार नाही ना?>> हो. असं केलं तर चालेल. पण तरी जाड काचेची बाटली घेतलेली बरी. आणि बाटलीत वर जागा असू द्यावी. त्या गॅसमूळेच तर विकतच्या कार्बोनेटेड पेयांसारखा अनुभव येतो. त्यामूळे थोडा गॅस तर हवाच.

सालासकट फळं खावीत जसं की नारळ फणस अननस ..कारण जीवनसत्व सालातच असतात. हा विनोद प्रसिद्ध आहे . पण इथे तर खरचं अननसाची साल वापरायची आहे. असो.
दिसतय मात्र भारी हो... गुळी साखरेमुळे रंग मस्तच आलाय.

चांगली वाटतेय रेसिपी. एक शंका: अननस सालावर बरेच पेस्टीसाईड असेल का?
(टिपिकल मायबोलीकर स्टाईल ने शंका: घरात बाप्पा पुढे ठेवलेली सफरचंद जास्त आहेत सध्या, हाच प्रयोग नीट धुवून सफरचंद सालावर करता येईल का?अननस घरी खात नाही कोणी.)

चांगली वाटतेय रेसिपी. एक शंका: अननस सालावर बरेच पेस्टीसाईड असेल का?>>> बहूतेक वेळा तेपाचे करणारे ऑर्गॅनिक अननस वापरतात. आपल्याकडे तसा अननस शोधणं पण एक मोठ्ठं काम होईल. पण बाजारातून अर्धवट कच्चा अननस आणून थोडे घासून धूवून , पूसून त्याला पिकू द्यावे. नैसर्गिक रित्या फळं पिकताना त्यांच्या सालींवर जिवाणू तयार होतात. फळं पिकणं ही सुद्धा जिवाणूंनी केलेली एक प्रक्रिया आहे. हेच सालींवरचे जिवाणू तेपाचे मध्ये किण्वन प्रक्रिया करतात.

सफरचंदाच्या सालींचे तर करता येणार नाही. पण सफरचंदाचे एक प्रोबायोटिक फिझ्झी पेय करता येतं. सफरचंद धूवून सालीसकट त्यांचा ज्युस करायचा. त्यात थोडं मीठ (शक्यतो आयोडिन नसलेलं समुद्री मीठ / खडे मीठ) घालून त्यात अर्धा चमचा दह्याच्या वरचे पाणी/ व्हे (साधारण २५० मिलि ज्युस असेल असं गृहित धरलं आहे) घालून काचेच्या बरणीत ३-४ दिवस झाकण बंद करून ठेवावं. तिसर्‍या दिवशीच त्यावर फेस दिसायला लागेल. चव घेवून बघ. अजून आंबटपणा चालत असेल तर अजून एखादा दिवस ठेवू शकतेस. नाहीतर तिसर्‍या दिवशीनंतर ज्युसच्या बाटलीत घालून फ्रीजमध्ये ठेव (७०-८०% बाटली भरून). मी मिल्कशेकच्या बाटल्या वापरते असे फरमंटेड पेय ठेवायला.
मला हा प्रयोग करायचा होता गणेशोत्सवासाठी. पण घरचे दही खूप आंबट वाटलं म्हणून केला नाही. दुसरं कारण सफरचंदाचा ज्युस करायचा कंटाळा आला होता.

सॉरी अमित, तुझा धागा मी हायजॅक केला.

वेगळेच पेय आहे की हे.
प्रथमच ऐकले वाचले पाहिले

ओके ओके, अरे वा हे सफरचंद वालं करून बघेन.
याचाही वेगळा धागा हवा(अर्थात आता स्पर्धा संपली)

नक्की करून बघणार. हा प्रकार करून बघायचं खूप दिवस मनात होतं, पण रील बघून रेसिपीची फार खात्री वाटत नाही. मायबोलीवरची रेसिपी खात्रीची वाटते.

ह्याचे रिल पाहिले होते, घरचे अननसही होते पण करेन करेन म्हणत राहुन गेले. आता अननस लागले की नक्की करुन पाहिन.

रेसिपीसाठी मनपुर्वक आभार.

अमितव थॅन्क्स
ही रेसिपी नीट वाचून प्रतिक्रिया द्यायची होती
आता वाचली पूर्ण. मागे कधीतरी हे नाव ऐकले होते पण हा असा अननसाचा प्रकार असेल असे माहीत न्हवते.
बाकी हे नक्की करून पाहीन. आधी बरणी शोधावी लागेल.
एक संत्र्याच्या बायो एनझाईम साठी वापरली (शशक साठी सोललेली संत्रे )
एक शंका, यासाठी साहित्यात लिहिलं आहे तसा गूळ वापरला तर चालेल ना?
तू आणि अल्पना यांनी आणखी मिरमिरणारी पेये शोधा आणि लिहा

आता पिलांसिओ शोधणे हे नवीन काम अंगावर कोसळले.

मस्त!
पुढच्या एवेएठिला करून आण

ऋतुराज तू ऑर्गॅनिक गूळ घालून करुन बघ हायकाय नायकाय

बायो एंझाईम मधे घातलाच असशील ना गूळ? त्यात ते जे काम करते तेच काम ते इथे करणार आहे म्हणून घाल तू गूळ

पेय इंटरेस्टींग आहे. चव छान लागत असेल.

फक्त १ शंका. दिलेल्या प्रमाणात किती पेयं होतं ? कारण ह्यात तब्बल १ कप साखर आहे.

पेय फारच इंट्रेस्टींग वाटले. आवडली कृती. उष्णता आणि आर्द्रता जास्त असणाऱ्या ठिकाणी किन्वण लवकर होत असेल ना? तरीही तीन दिवस मुरवत ठेवायचे आहे? पिलांसियो हा प्रकार माहीत नव्हता.

ही पाककृती, फारच इनोव्हेटिव्ह आहे की. खूप आवडली.

Super !
हे आवडले.

फारच वेगळा प्रकार आहे. कधी ऐकलं नव्हतं. रंग छान दिसतोय. वर्णनावरून चवही छान असेल असं वाटतं.

या पाककृतीत जीवाणू वापरलेत, मग ही शाकाहारी मानावी का? (हे आपलं उगाच.)

दिसतंय छान.

छान आहे. मी आपली रेस्टारंटमधेच मागवुन पिणार कारण घरी बाटल्यांवर बाटल्या फुटायची शक्यता.

नाव ऐकलं होतं पण इतका सोपा प्रकार असेल असे नव्हते वाटले. नक्की करून बघेन.

इथले फळवाले खूष होतील - त्यांचे अननस सोलण्याचे कष्ट वाचल्यामुळे. अननस सोलून मिळणे हे भारतातले (निदान मुंबईतले तरी) सुख आहे. इन फॅक्ट त्या अननसवाल्यांकडे अननसाच्या सालींचा ढीग पडलेला असतो. एका अननसाबरोबर बचकाभर साली फ्री - असे डील मिळू शकते.